زوجي حارمني... !!
السلام عليكم ورحمة الله وبركاته
حابة افضفض لكم لاني بجد تعبت وان شاء الله القى عندكم الحل اللي يريحني ,,
انا متزوجة صار لي سنه وشوي وعندي ولد مشكلتي مع زوجي ،،حابة اقولكم باختصار عن علاقتنا ايام الخطوبة وببداية الزواج ,,كان ما يبخل علي بعواطفه خصوصا انه تزوجني عن حب من طرفه لان احنا قرايب المهم حبيته من كل قلبي ولا زلت احبه وكنت دووم اقوله لا تتغير علي بعد الزواج لاني بموووت لو تغيرت علي لاني خلاص تعودت على هالوضع وكنت اتمنى انه يستمر ولكن للاسف !!
المهم تزوجنا وفي شهر العسل انصدمت صدمة عمري اكتشفت ان زوجي يتردد على مواقع اباحية
وانصددددددددمت بس مررتها وما حسسته باي شي ،، ولا بينت لحد كتمتها في قلبي ،،
بعدها بفترة صرت اراقبه واكتشفت انه مستمر على هالحال بس ما واجهته الا بعد فترة اذكر ذاك اليوم اللي كان توه جاي من برع وراح على طول على غرفته القديمة وصكر الباب انا هني شكيت وتاكدت لما شيكت على الجهاز من الهيستوري والله اني فهاللحظة انخنقت بجد توني عروس وزوجي مدمن لهالمواقع مع اني ما علي قاصر ابدا بشهادة الكل ولا مرة كمان رفضت له طلب عيل ليش يشوف هالمحرمات المهم بعدها طلع برع البيت ,,انا اهني انفجرت بكى على حالي
فاحس خلاص طفح الكيل اتصلت فيه وواجهته وانكر والف لي سالفة ما تدخل العقل !
انه كان يدور مواقع اباحية عشان يبلغ شركة الاتصالات تعمل لها حظر ,,المهم وايد صبرت انا على زوجي مرة اكتشفت انه كان يكلم وحدة من دوله خليجية كانت متصلة عليه عشان تتعرف على قولته وواجهته فالبداية انكر ان هالرقم لبنت بس لما صارحته اني واثقة من كلامي واني ما واجهته الا اني متاكد مليووون بالمية انها بنت وهنا اعترف لي وتميت ابكي جدامه لان خسارة الحب اللي احبه وزعلت عليه لان عطاها وجه انها تتصل وترسل مسجات له لان لو كان حازم وياها ما تمادت معاه بس كنت طول الوقت اشك فيه
لان بعد ما واجهته ما قامت تدق عليه.. لكني حاولت انسى هالسالفة او بالاحرى اتناساها وكمان اكتشفت انه يمارس العادة السرية وصار فالفترة الاخيرة يعاني من ضعف الانتصاب بسبة هالبلوى من كذا صار يهجرني بالفراش لفترة طويله ,, وكل هذا وانا صابرة بس صرت فهالايام ما استحمل فصرت بكاية وجايتكم بالتفاصيل بعدين ,,
الحين بتقولون وين المشكلة ؟
مشكلتي باختصار انه انا اعاني من حرمان عاطفي على كثر ما اعطي ما القى ،،ان وحدة محتاجة اهتمام وحب يغنيني عن العالم واللي فيه واتمنى ان القاه عند زوجي بس للاسف زوجي باررررد ما يبادلني المشاعر صار كل شي بالطلب ان اللي اطلب منه البوسه والحضن ,,طبعا قبل ما كان كذا بس للاسف هالشي كل ماله ويزيد لا تقولون اني مقصرة معاه الا بالعكس انا مسخرة عمري كله له ومهتمة بعمري من ناحية النظافة والريحة الحلوة والملابس المثيرة على كثر ما احاول اني اجذبه بلبسي ومظهري ما القى منه
التفاعل المطلوب والله اني اللي اعمله له لو اعمله لغيره لذاااااب !
انا عارفة ان زوجي بارد مع انه ما كان كذا حاولت ابين له هالشي بس لا حياة لمن تنادي
ترى الزوجة تتعب لما تعطي من كل قلبهاو بالنهاية ما في نتيجة هنا انا نفسيتي تصير داااون ,,
كفاية اني صابرة عليه وساكتة عن حقوقي زوجي ما يعطيني مصروف وانا من حبي له ما احب اضغط عليه
كثير تناقشت وياه وصارحته اني مش لاقيه منه الاهتمام المطلوب واني مش الرقم واحد في حياته
يهتم في وناسته وطلعاته وهاملني انا ما يطلعني ويفسحني زي العالم لا لازم اطلب منه عشان يطلعني
زهقت من هالحياة اللي لازم انا اللي اطلب منه كل حاجة اطلب منه البوسة والحضن والطلعة خاطري يطلع
منه شي واحد ويكون عفوي وهالشي نااااااااادر ,,المهم بتقولون واجهيه او البسي وتعدلي له وهالشي انا اسويه ولله الحمد ما خذه دورات للتعامل مع الزوج قبل الزواج واحس زوجي فعلا محتاج لهالدورات ,,
نجي للمشكلة العويصة اللي نمر فيها فالفترة الاخيرة و؟هي اني صرت حساسة بزيادة وصرت خلاص ما استحمل شي وعلى طول انفجر من البكى على حالي مع العلم اني حساسة بس زدت شوي لاني اكل حبوب منع الحمل ،،
وكنت اناقشه فالامور اللي تزعجني وكنت من كثر ما انا كابته هالشي صرت ابكي وانا اقوله وصار يستغرب
من بكائي ويشوف ان ما له لزمة وفالاخير يطلعني انا الغلطانه ابد زوجي ما يعترف باغلاطه وهالشي يزعجني وهو كمان كتوم ,,صار لي اسبوع من بعد العيد وان كل ليله ابكي وهالشي كان يضايقه وعرف ان هالشي من الحبوب بس صاير يزعل مني لاني اصارحه مو لان هو اللي يلح علي لو شافني ابكي بس من افضفض له يبدأ يزعل مني ويقول لي كل انا الغلطان انا ما نفع اكون زوجك!!
هنا يزيد من ضيقتي لانه احسه ما يفهمني مع العلم اني اناقشه بكل هدوء واقوله حتى انا اغلط مو عيب الواحد يغلط ,,
فكل ما واجهته ما يتقبل زوجي وهالشي يضايقني خصوصا انه يزعل كأنه طفل مع ان هو الغلطان ؟
اللي خلاني افضفض لكم هو الموقف اللي مريت به امس تخيلوا امس لبست له لبس
مغري ورتبت الغرفة وانتظرته وردت فعله كانت جدا باردة وهالشي ضايقني فاحسست بضيقة وصرت ابكي
هنا زوجي قال لي اشوفك تولعتي بالبكاء ,,اااااه لو يدري باللي بقلبي المهم فقلت له انا ابكي عشان متضايقة وابي ارتاح تعرفوا البنت فهاللحظات محتاجة زوجها يطبطب عليها يحضنها ويحتويها تخيلوا زوجي وانا ابكي يجرني من ايدي ويقولي ليش تبكين ؟ وتم متضايق وانا اقوله لا تزيدني لا تتضايق انا تعبانه وابغي ارتااااااح وما في حد بيريحني المهم خلاني وراااااااح نام بذمتكم مو شي يقهر ,,
انا مش طالبة المستحيل منه انا طلب حقي انا ابغي الحب والحنان وانه يحتويني
واني احس انه فعلا يحبني زي الاول ,,
تخيلوا ان لحد الحين الناس تخطبني من كثر ما يسمعوا عني <<مش غرور هالكلام بس ثقة فيني وانا عارفة
حالي ان مو علي قاصر ولله الحمد مهتمة بعمري ومحترمة وخلوقة ..
المهم علموني كيف اتصرف مع هالزوج ؟واشلون اجذبه لي مرة ثانية ؟
وكيف اخليه يظهر لي عواطفه زي قبل مع العلم ادري انه يحبني بس احس مو زي الاول ؟
وكيف اخليه يتقبل غلطاته ؟
اسمحولي اخواني وخواتي عالتعبير والاسلوب لان افكاري مش مرتبة لان زوجي على وصول فمن كذا اكتب بسرعه,,
ومشكورين ولا تنسوني من صالح دعائكم ان الله يسخر لي زوجي ويحنن قلبه علي
20-10-2009, 11:20 PM
صــــح
ضوابط المشاركة
العرض العادي
