كبير المراقبين [ وسام العطاء الذهبي 2016 ]
تاريخ التسجيل: Jun 2012
المشاركات: 10,291
رد: صور لزوجتي في جوالها مستجدات رد128ــ132
اخي الكريم رجعت للموضوع من بدايته وقرأت الردود كمان
اخي الكريم والله اعلم شفت انك مصاب بوسواس الشك وكتير ناس تصاب فيه بمرحلة او بفترة وبيختلف اذا كان عابر وفترة قصيرة وبيروح او بيقوى وبيصير قهري يعني بيتغلب عالشخص المصاب فيه وبيسبب عنده حالة خوف كمان
والوسواس انواع ومن ضمنهن الشك اللي انت فيه
باكتر ردودك حابب تسمع تطمين من الاعضاء انو زوجتك مش خاينة والاعضاء جزاهم الله خير الجزاء ما قصروا مع انك مصدق انها مش خاينة وعارف اخلاقها بس الوسواس ما بيتركك ترتاح وبيخليك ترجع تشك وبيزرع افكار براسك وبتضل تدور بداخلك وبينك وبين نفسك وهالشي بيتعبك كتير
من خلال قرائتي للموضوع والمستجدات والردود زوجتك اخطأت وانا متلها بخطأ وقت صور نفسي وللاسف بتحس هالشي طبيعي لانو بمحيطنا الاغلب بيعمل نفس الشي وبننسى عواقبه بس زوجتك ما خانت ولا في دليل بيثبت هالشي
واللي بيخون وبيستمر بخيانته ربنا بيكشفه من دون ما ندور وراه ونبحث عن ادلة
لانو مرات بتحدث امور بالخطأ وبتخلينا نرمي الاتهام عالشخص ولو كان بريئ
وصدقني ممكن حدا يرسلها بالواتس صورة فاضحة وهيي ما ذنبها وهالشي بيصير معي،ومع غيري
طيب في حال حدا ارسلها باللخطأ انت شو بتعمل بتخلي الشك والوسواس يدمروا بيتك وحياتك ونفسيتك وزوجتك بتكون بريئة
اخي الكريم ربنا ارحم فينا من انفسنا وجعل لكل شي حل وعلاج
وما رح تخسر شي من بعد الله اذهب لطبيب واشرحله كل شي بيدور بداخلك وعالمكشوف وحتى اصغر الامور وشوف شو رح يقلك
اخي في حال حسيت حالك انك عم تقتنع وترتاح لفترة قصيرة وبعد فترة بترجع الافكار من اول وجديد اعرف انو المشكلة مش بزوجتك المشكلة بافكارك وبدها علاج لترتاح انت اول شي
لانو مهما نصحوك الاعضاء ومهما طمنوك ما رح تلغي الفكرة من راسك ولا رح تقتنع واذا اقتنعت بتقتنع لفترة معينة بس
وهالشي واضح من ردودك
وابحث وشوف اخي الكريم كم علاقة زوجية انتهت وكم بيت هدم بسبب الشك الذي قتل كل شيئ جميل سواء من الزوج او الزوجة
بعرف انك.مش مرتاح ولا مبسوط باللي عم يصير وبتتمنى انو هالافكار تختفي من راسك بس هالشي مش بايدك وكرمال هيك ساعد نفسك باللجوء لمتخصص بهيك امور
اسأل الله ان يريح بالك ويفرج همك ويرزقك السعادة دنيا وآخرة
احترامي
__________________
اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه
التعديل الأخير تم بواسطة mimomea ; 19-03-2016 الساعة 07:05 PM