السلام عليكم حبيبتي

بداية كان الله في عونك و عوض صبرك خيرا

برأيي السؤال بالنسبة لك ينحصر في نقطتين:
- ترجعي الى بيتك، و تستأنفي حياتك الحالية و التي لا تدعو ان اطنب في وصفها،
- أو تطلقي منه، و تعيشي كما قدر لك و هل لك بعد الله من عائل، لانه و يجب تفكري بواقعية كيف ستهتمين بحياتك و تكاليف المعيشة و تربية بناتك

بالاخير قد تختارين حلا وسطا تعودين لبيتك و تتجاهلين وجود زوجك

وضعك صعب، و لا أملك لك الا الدعلء

إذا الحال كما ذكرتي
فالطلاق رحمة

اعانك الله اختي وضعك صعب ..

كيف وضعك في بيت اهلك وكيف وضع المطلقة عندكم عموما ؟؟

اذا بيعطيك بناتك بعد الانفصال في شو محتارة؟؟ انتي قلتيها كافي عذاب .. مرت سنين علي اخر مشكلة كتبتيها وزوجك هو هو ما تغير سبحان الله .. خلاص صار الوقت تتعاملي معاه بشكل مختلف ... ترفضي الرجوع بدون شروط وخليه يحس هالمرة انك جادة .. اما انك تتنازلي فالوضع بيضل مثل ما هو اذا ما صار اسوأ لأنه ضامنك ..

استمري علي الاستخارة والله يكتب لك الخير ..


.
.

تم نقل الموضوع لقسم المتزوجين ..

__________________

الله يعوضك خير ..
لعل في الابتعاد عنه مدة طويله تعيد له صوابه .. وان لم يحدث ففرقاه عيد
..

__________________
🌾🌾 ! اللهم لا تعلق قلبي بسواك .. ولا تقربني ممن لا يخافك في ! 🌾🌾

اخواني جزاكم الله خير على اهتمامكم وردكم

هو قال لي البنات معك ماراح اخذهن بس فكيني منك جبتيلي المرض ومادري ايش

لكني مااضمن انه بعدين ياخذهن مني وهذا اللي كاسر ظهري لان بناتي متعلقات فيني وانا اكثرر

هو رافض نهائيا اي شروط وكالعاده حط الغلط علي وهو طلع منها مثل الشعره من العجينه

لكن انا وصلت مرحله كرهت حتى سيرته وماني متخيله ارجع لحياتي معه مثل ماكان

الان انا استخير وماطلبت الطلاق انا ببيت ابوي الله يطول بعمره واكيد انا ماراح اجلس بدون وظيفه او مصدر دخل

هو راح يتزوج متاكده خلال هالفتره وهالموضوع بيصعب الرجعه له اكثر واكثر

اهلي متفهمين الوضع وتدخلو كم مره وفهموه لكن لاحياه لمن تنادي المره الماضيه قبل اربع سنوات شرطو عليه وقال قدامهن ابشرو واول مارجعت له نقض الشروط ومانفذها هذا خلاني اكثر كره لي لانه قبل باهانتي عند اهله ومااهتم لمشاعري وحقي ابد انا ماعندي احد مطلق لذلك ماادري كيف ممكن تصير حياتي بعدين بس عموما اهلي عارفين ان الحياه معه صارت مستحيله ومشاكلنا كثرت وماعاد فيه تفاهم ابد

اهله ماحد فكر يتدخل ابوه متوفي واخوانه كلهم يهابونه هو المستشار حقهم بكل شي مع انه مو اكبرهم بس يعتبر المصلح الاجتماعي لاقاربه وماحد يشوفه الا شخص كامل ومايدري عنه معي كيف تعامله

امه ماتحبني ولاتدخلت لمصلحتي من قبل اهم ماعندها ولدها وراحته

اما هو طبعه مع الناس يجاملهم لاقصى حد لكن حقه يطلعه من عيونهم اذا كان له حق ومايهمه وش عليه المهم وش له

القريبين منه عصبي معهم وينتقدهم على كل شي اقصد اخوانه لكن بالقابل طيب معهم جدا

اما انا فهو متسلط معي ومتملكني لابعد حد

هذي اجابات اسئلتكم ولاتنسوني من الدعاء

بالنسبه اني ارجع له واعتبره مو موجود هذي ماتمشي معه لانه بياخذ حقوقه ويسفهني ويمنعني من كل شي وش الفايده من الرجعه بدون مايتعدل؟؟ مستحيل اقدر الغيه وانا عايشه معه ماراح اقدر اطلع مكان الا معلمته واكيد بيقهرني ويرفض لاني معتبرته مو موجود وبيمنعني من الوظيفه لو بغيت بيعيشني بسجن هذا هو طبعه ماراح يتغير وانا كنت عارفه انه بيقول ارجعي بدون شروط لكن قلت ماراح اخلي طريقه ممكن انها ترجع حياتنا مع بعض بكرامه واحترام الا اسويها وكان الرفض منه وقال برسل ورقتها بس علموني متى لان كان معي عذر شرعي قبل كم يوم والان انا على طهر لكن ساكته ماقلت عطني ورقتي بنتظر فتره واذا شفت ماتغير شي اعتقد حريتي هي الحل لكل مافيني والله يحفظ لي بناتي ولايفرقنا

بناتي ثلاثه وحده اولى ابتدائي ووحده اربع سنوات ونصف والاخيره ماكملت سنه

الطلاق مر و إن ذقتِ مضاضته بعد أشهر ... حينها ؟
سوف تتمنين لو أن الزمن يرجع للوراء ولم تقدمي عليه قط .

صدقيني ...
مهما حلت بينكما من مشاكل ، ومهما بلغت المشاعر السلبية في دواخلك .. فإنها في لحظة ما بعد مدة من الزمن ؟
سوف تخبو ذكريات تلك المشاكل و تخبو معها إنفعالاتك و مشاعرك السلبية ،
تماما كالطالب يظن في مادة أنه لن ينجو منها سالما أبدا و حين يشتد الكرب في الاختبارات يظن أنه راسب لا محالة ،
هذا الطالب ..؟
هو نفسه الذي بعد عدد من السنين يقهقه من الفرح ملء قلبه في حفل تخرجه .


ما أردت قوله :
أن كثيراً منا " عجول جداً" يفتقد إلى ثقافة " التحكم بانفعالاته " ، فيقدم على اتخاذ قرارات مصيرية في خضم الفوضى ..
لا شك بأنه سيندم عليها أشد الندم لاحقاً !

صدقيني ستشكرينني بعد بضع سنين و ليس الآن إن ..؟ !
أمسكت بيتك و أطفالك حتى لو تزوج بأخرى - ستخبو انفعالاتك من زوجه ككل الانفعالات التي ذكرتها سابقاً - ، إنما احرصي أن تكونين في معزل عنها و عن أخبارهما
ثم ابحثي عن الصداقات و الاجتماعات النسوية و اشغلي نفسك عن أمورهما حتى تنسينهما تماما ، وحين يأتي زوجك إليك تكونين
برمجتِ عقلك الباطن عن محو زوجته الثانية وكل معلومة تتعلق بها وبه مها ... عيشي لحظتك كأنما أنتِ الوحيدة معه ، ولا تظلمين نفسك بالتفكير فيها .

لا تستمعي لنصيحة أي امرأة أو رجل بشأن الإقدام على الطلاق الانفصال التام عنه روحا وجسدا و نسيانه القطعي
" بينما دواخلك -( استفتِ قلبك) - تشك أنكِ ستقدرين على ذلك" ، و هذا ما ألتمسه من "موضوعك و الله أعلم .


" سبحانك اللهم وبحمدك أشهد أن لا إله إلا أنت أستغفرك و أتوب إليك "

اختي قبل كم اسبوع صارت لي مشكله مع زوجي عاديه
قالي فيها كم كلمه جرحتني وسمت بدني
اتصلت ع اختي افضفض لها واقولها تعبت من عصبيته وتملكه لي نفس كلامك
قالت لي بالحرف،،، اذا ماكان بينكم حب وعلاقه فليكون بينكم الاحترام
مو علشانك ولا علشانه عشان عيالك ،، ولا تنكشي المشاكل معاه
اجلسي ببيتك عامليه باحترام بس الزواج مو مبني ع الحب بس مبني ع اشياء ثانيه كثير تربطكم ببعض
قلت لها ايش الحل طيب قالت ،، هو من اسلوبك بتشرب اسلوب الاحترام
احترمي نفسسسك عشان يحترمك ولا تكثري بالكلام معاه والعتب واللوم وانتي عارفه شخصيته
انتي الي تجيبي هالمواقف لنفسك
وجعني كلامها وحسيت انها ضدي مو معاااااي
طبقت كلامها ،،، والنتيجه عجيبه ،، ارسلت لها رساله امس اشكرها ع النصيحه وقلت لها نصيحتك لسا ترن باذاني
وكل ماشفت منه موقف او حركه او كلمه ماعجبتني تذكرت نصيحتك وطبقته وينقلب الموقف لصالحي
كمان قالت لي تزوووج ولا ماتزووج انتي ماعليكي انتي ببيتك تاخذي منه حقوقك بذكاء واحتراااام فقط
مع العلم ان الامور بينا ماتصل للطلاق او يتزووج علي بس نصيحتها كانت مفيده جدا لي نفسيا
وزوجي ياربي لك الحمد يحبني بس الحب مو كل شي

بالاسلام عزتي
اعششششششق ردودك لله درك يا عاقله
استفدت منها بشكل كبير بكل ماطرحتي بمختلف الموااااضيع
هنيآ لزوووجك بعقلك