على اساس اهلى بيعطونى مصروف مالت عليهم
ماحد معطينى مصروف .

مافيه. مشروع ماشي تمام لابد من فترات ركود
لكن انا طاقتى نفذت خلاص بالوظيفه الحمكوميه. مو لاقيه نفسي فيها ابدا

فعلا صعبه و كرف غير طبيعي و فوق هذا شالوا العلاوه و بينقص الراتب
مافيه حافز فعلا . حتى لو فيه بستقيل ^_^

في انتظارك مبتعثه ويا هلا فيك ...

استمري بالوظيفه الى ان توفرين لك مبلغ مالي محترم .. وابدي مشروعك
في مشاريع كثييره ممكن تطلع لك شهريا اضعاف راتبك الشهري اللي تستلمينه حاليا ..
ولكن الربح فيها مو مضمون ..
لذلك انا انصحج تشتغلين في العقارات ..
يعني اعملي مسج عندكم في البلد شو هي المناطق اللي فيها اراضي ولكنها مو مأهوله .. ولكن مستقبلا راح تنموا ..
بيعي واشتري في البدايه بدون لا تستغلين الارض في بناء ..
العقار تقريبا ربحه شبه مضمون ..


خلينا نرجع لموضوع التدريس ..
تقدرين انتي من نفسك تقتلين الروتين اليومي بابتكار طرق جديده للتعليم ..
انا كان خاطري اكون مدرس .. ولكن الله ما كتب لي ذلك ..
كنت حاب اعمل تغيير في طريقه التدريس .. واخليها اكثر تشويقا للطلاب ..
كنت ابغي يكون لي موقع الكتروني خاص بيني وبين طلابي .. اتواصل معاهم في اي وقت لما يكونون خارج المدرسه .. كنت ابغي ادخل المنهج في الموقع عشان يكون عندنا منهج الكتروني عشان ما احمل الطلاب كل يوم ها الوزن الهائل من الكتب يوميا ..
كنت ابغي اترك حصه واحده اسبوعياا ع الاقل للطلاب .. للتغريد خارج نطاق المنهج الدراسي او لحل الواجبات المدرسيه او للمذاكره للامتحانات ..
بصراحه ازعل لما اشوف مدرس يبغي يترك التدريس.
يمكن الموضوع صعب لاني ما جربت .. بس انا اشوفه شي ممتع بصراحه ..

حياك الله اخ خالد
كل مدرس او مدرسه جديده يكون شعله من الحماس لكن تتفاجا بالعمل الميدانى
الجيل الحالى بعيد كل البعد عن التعليم مهما نوعت بالطرق .
تعطى و تعطي وماتشعر باى مردود ايجابي الا كم طالب او طالبه .
الوضع صعب و تحتاج بال طويل و صدر واسع و بيئة عمل محفزه .
و طلاب متقبلين للعلم و التعليم و عندهم قابلة .
لكن للاسف لا هذا و لا ذاك .
فضلا عن الانظمة التى تتازم عام بعد عام .

التقاعد و الاستقاله بلغت اقصاها هذا العام .

فليكا

لاتتركين لين تبدين عملك الحر وتوقفين على رجولك.. اما تتركين لا هذا ولا هذا ما انصح

العمل الحر حاليا من الاساس مش افضل تبدين فيه تبعا للظروف الاقتصادية

واستحداث الوظائف الحكومية بالكم سنة الجايين شبه معدوم يعني حتى لو بغيتي تغيرين من قطاع لقطاع ثاني صعب وشبه مستحيل بالفترة الحالية

لذلك اعرفي لو قررتي ان شبه مافي رجعة بالموضوع

سامحيني عاللقافة بس ايش تخصصك؟

__________________

اختلافي عنك لا يعني اختلافي معك

طالما ماراح يجيك مصروف
بتندمين من اول شهر وتفقدين الراتب 🙇🏻

مااعتقد ان احد كان يكرهه المدرسه مثلي
لما الف بالسياره عند باب المدرسه ينقبض قلبي
وكانت مفروضه علي ولا انا وين و التدريس وين
كنت اكره البيئه المدرسيه من مشاكل معلمات ونميمتهم واحزابهم
والطالبات ومشاكلهم وقله ادبهم
ارجع البيت شايله هم التحضير وببالي بلي صار بالمدرسه
باختصار مايخلونك تعيش بسلام
لكن ماعمري فكرت اترك الوظيفه
اكل واشرب وادفع للسواويق واصرف واعز وارز عمري من وين
اصلا ماحد دلعني كثر فلوس الوظيفه
لابغيت علاج ولا سفر ولالبس ولا غيره
المغزى الوظايف تصعبت
الحين يروحون اخر الدنيا عشان تتوظف
لو الوظايف عندكم سهله تستقيل وترجع قلتا استقيلي
تدرين بعد هالسنوات اكتشفت اني كنت مكبره الموضوع
وموتره نفسي على الفاضي وكنت اقدر استمتع اكثر بالتدريس
واتعامل برحابه صدر واكبر عقلي
واعمل الي علي واستمتع واجعله لوجه الله
لكن انا كنت ناخذته بجديه تامه
اشيل هم واتعامل بحساسيه
غيري من طريقتك فيلكا وبترتاحي
عطي حصتك وخليكي مبتسمه ورايقه وبتمشي الامور
محد يطلع من وظيفه حكوميه الا عنده دخل يساوي اضعاف الي ياخذه من الحكومه
شوفي مشاهير السوشل ميديا ماطلعوا من وظايفهم
الا بعد ما صار يجيهم مردود خيالي ساعتها صارت الوظيفه الحكوميه عائق لسفراتهم وروحاتهم واعلاناتهم
لاتتركين الا بعد ماتتاسين عمل صح

ياليت تقرا الكلام ذا اكثر من مرا .لو انا محصله وظيفة ادارية راح اقبل بيها لكن مافي مجال للنساء وافضل شيء لهن تدريس :/ العمل الاداري في قطاع الحكومة قليل .شطحة على لما تمرين بالمدرسة وينقبض قلبك لوول انا لسى جرس المدرسة ايام كنت بالابتدائي يطري على اذني لما ادخل المدرسة الى الان..

في ظل هذه الظروف الاقتصادية التي تمر بها المنطقة وعدم وفرة الوظائف، لا انصحك بالاستقالة إلا بعد قيامك بالمشروع وضمان ان يدر مدخول اعلى من وظيفتك الحالية، واي مشروع في القطاع الخاص الارباح تتفاوت في كل شهر

ويبدو ان ليس لديك خبرة في المشاريع وليس لديك دراسة جدوى وجدول زمني لمشروعك، وبناء عليه أدرسي هذه النقاط واستعيني بالخبراء والمختصين، كثفي دراستك على هذه الامور