زوجتك بهالشهرين وجدت اهتمام فاقدته سنين

فهي لاتريد لهذا الاهتمام ان ينضب وتريده مستمرا

اتركها تهدأ وشوف عيالك نهاية الاسبوع وارسل مصروفهم فترة وتجرب الانفصال الحقيقي بلا اعتذارات او تأسف وتستشعر مافقدت وستعود لك

واحترمها اذا رجعت ولاتقلل من قيمتها ام عيالك وحطها على راسك احنا نتعب ونشقى ليه نأمن لهم عيشة كريمه

تعوذ من الشيطان لو زوجتك ماثارت بهالشكل ممكن انت مستمر بنفس اسلوبك معها اتقي الله فيها وعاملها كما تحب ان تعامل اخواتك من ازواجهم

بصراحه اخوي انت تحاول تقنع نفسك وتضحك على نفسك
وكلام الاخت مسز داني صحيح
الزعلان يزعل على طول والقانع اللي طايبه نفسه مايداني طاري الشخص اللي طايبه نفسه منه مو يروح يتعشا معه ويسافر معه وضحك وسوالف وفراش واذا رجع البيت تذكر انه زعلان !!!!
الموضوع لاهو موضوع تراكمات ولا خرابيط لان اصلا الكلام اللي قلته مو هذاك الكلام اللي يجرح بقوه ويخلي الانسان تطيب نفسه
يعني انت ذكرت اربع مواقف او بالاصح اربع كلمات قلتها وخلال 11سنه وهذا شي ممتاز بصراحه
لان لو تشوف البيوت خلال اليوم يكون فيه اكثر من اربع مواقف تزعل وانت ماشاءالله عليك خلال 11سنه
الموضوع له ابعاد ثانيه والله اعلم

ماله ابعاد لاثانيه ولاثالثه ، قالتها لي بصريح العباره وهي تبكي وقالتها عند اخواتها وجميع اهلها انها مالها تقدير عندي ولا اهتمام ودايم لسان حاد عند المشاكل بانك عاطله ومايستفاد منك ولاعمري سمعته كلمه حلوه ، فانا غامض ومو مسألة اكرهها ، وايضا انا مقصر معاها في النفقه ، يعني مااعطيها كل شهر ، اعطيها اذا بغت السوق او طلبتني مصروف فاعطيها ، وبيتي مستحيل يكون فيه شي ناقص ، ولاني مهتم بالهدايا ، وعدد مرات عند المشاكل اقول بتزوج عليك ولاني جاد بالهلكمه ، وايضا تفكرني مااحبها من قلبي ، وعند زعلها الحالي ، قالتها وهي تبكي والسبب الرئيسي عند الزعل الاخير قالت بروح عند اهلي قلت لارحتي مابرجعك ومستحيل اخلي احد يتدخل بالموضوع ، ولما جلست عند اهلها كانت محطمه وكانت تنتطر ورقت طلاقها على حسب قولها ، تقول خلاص انت تقول مابرجعك وخلاص تحطمت وحسيت في اي وقت انك بتطلقني ، ولذلك انا واكثر الاعضاء اتفقو فعلا انها تراكمات وضغوطات ، ولو كانت ماتبغاني ماكانت تبكي عند اذا احد كلمها وقال ارجعي لزوجك ، ولو كانت ماتبغاني ماكان قبل اكثر من شهرين راسلتني عالواتس وقالت بغيت اتصل بك ، قلت فيه شي ، تفضلي ، قالت والله حنيت لك وقالتها وهي تبكي ، وقالت انت عقبت في قلبي الاسى وكلامك الجارح اللي قهرتني فيه
فمستحيل ياجماعة الخير يكون له ابعاد ثانيه
الزوجه والله ثم والله ثم والله انها تخاف الله وصاحبة اخلاق ومحافظه عالصلاه والصيام وقالتها عدد مرات عندما اجي اصالحها قالت انت كسرتني وحطمتني بكلامك الجارح اللي عقبته في قلبي ، وانا اتفق مع الاعضاء باني قررت اقطع اتصالي والمراسه وان شاء الله تهدأ الامور

يمكن مصابة بنوع خفيف من الوسواس القهري لان المصاب عادي يضحك ويسولف معاك بكل اريحية وبمجرد ما يختلي بنفسه ترجع له الافكار والوساوس السوداوية لانه نتيجة احباطات نفسية حدثت له في الماضي يظل يشعر بعدم الامان والشعور بالخوف وعدم الثقة .

لصراحه اصدقها ف كل كلمه
لاني انت واصله مع زوجي ل المرحلة هاذي
احس نفسي قنعت و تعبت و اغلاطه جول اربع سنين ترن رن ف راسي
انا فعلا احس اني اصبر واصبر واصبر لين اوصل ل مرحلة ستوب خلاص
و شكلي بدخلها قريب
رغم انه بدا يتعدل معاي و تغير عن قبل
حتى هو يقول يا فلانه قلبج كثير شايل وانتي صاده ما يستوي
و للاسف احس ابسط الاشياء تثورني لين اطلب الطلاق
حتى ب عظمة لسانه قال صبرتي على اسوا الامور و الحين هالاشيا البسيط تهزك
فعلا القشه اللي يقولون انها قصمت ظهر البعير فعلا فضيعه و تهدم بيوت--
انا اقتراحي فيه مخاطره بس احس انه ينفع
اتصل بها و جهز معاها جلسة اوصفها لها النهائيه
و اتكلم فيها بكل شفافيه و حط الوعود ثح واسمع حق معاتبها كامل بدون تبرير و لا مراجعه -- بعد ما تخلص كل كلامها
قولها كلمتين-- انا شاري و و الله بسامحني و بسامحك ما الومك في اي شي و انا متمسك فيك و لا اعيش مع غيرك مستحيل
حنيت و اشتقت و تعبت
القرار بايدج -- ترجعين و تنسين كل شي و نفتح صفحه بيضا او ،،،،،،؟
و الجايز انها بتقرر الانفصال ،، ف سلم عليها بسلام اوصفه لها بالوداعي
و استسمح منها و اطلب الحل
و اطلب منها ستر اللي بينكم و الزم السكوت قولها قرري في هالثلاث ايام و حاضر انا

عقب ما تعيشها فتره ما قبل الانفصال و الوداع يمكن تلين و في حالة اصرت
طلقها بس رجعها ف العدة و اظن يستوي ون موافقتها بس المهم عطها جوها خلها خطوه نهائيه والله يوفقك و ايسر امرك
قبا كل شي انقطع نهائي عنها لمده اسبوعين حتى عن الاطفال

__________________

انا احترم وجهات نظركم ، ولكن مستحيل واللف اللف مستحيل أطلقها . واذا هي تبغى الطلاق اذا راحت هي من نفسها المحكمه وتطلب الخلع فهذاك الوقت غصبا عني من عند القاضي أطلقها ، ولكن انا العاهل وماكرهتها . انا رجال نادم بما تعنيه الكلمه على تصرفاتي معاها ، واللي في بالي حاليا واخر المستجدات عندي اني خلاص وكلت امري لله ، وبخليها عند اهلها حتى تهدأ وترجع ويصبر ولو تجلس سنه عند اهلها ، هي تحملتني سنوات على تصرفاتي ، وهذا انا الحين حال دوري تتحملها واصبر ، وماانسى العشره الطيبه اللي بيني وبينهم ، وأقسم بالله تحبني ومتعلقه فيني وانا اعرف معدنها ولكن هذا الكلام قبل المشكله والحين لازم تتحملها ، والحمدلله اكثر الاعضاء ايدوني باني ضروري لازم اصبر واتحمل حتى الله يفرجها . وانا متابع معاكم والله يفرجها

أخي الكريم الله يبدل حالك الى أفضل حال عاجلا غير آجلا
ويا ريت تطلب من اهلها انو ما عاد حدا يشد عليها بالرجوع وانهم ما عاد يفتحوا الموضوع قدامها
خليها من نفسها تشتاق وتعرف شو بدها وتضرب أخماس بأسداس
انو ليش ما حدا عم يقنعها ترجع ولا انت عم تحاول معها
هيك ممكن كتير تصحى على حالها وتعرف انها رح تخسر
اما اذا اهلها وراها لترجع وانت نفس الشي رح تعند اكتر وما تعطي حالها فرصة لتفكر
فالافضل والله اعلم انو الكل يتركها على راحتها وما يلح عليها بالرجوع
وبعد فترة شوفوا اذا صارت تسأل الاولاد اذا عم تسأل عنها او لا

ممكن بالفعل بحاجة للاهتمام ولقته وقت تركت البيت و صرت بدك ما تخسرها وعم تعوض السنين الماضية
واحتمال عم تضغط عليك انو تطلقها طلقة اولى كرمال ما عاد تكرر اهانتك الها
وبضل ضد انو تسمع كلامها بهالنقطة لانو متل ما قلت قبل الطلقة الاولى بتجر الطلقة التانية

كرمال هيك مجرد رأي حسسها او خلي الكلام يوصلها انو متمسك فيها لانك بتحبها بس بنفس الوقت ما بتفرض حالك على شخص ما بدو ياك ومن بعدها ما عاد تتصل فيها لفترة زمنية انت بتحددها
واهم شي الاتكال على رب العالمين وان شاءالله تفرج قريبا من حيث لا تحتسب
الله يسخر لك زوجتك كما تحب
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

كلمات من ذهب ، اشكرك عالنصيحه وانا بعطي خبر لاخوها الكبير أن يبلغ جميع اهلها بأنه لاعاد يضغطو عليها وخلوها على راحتها ، وانت فعلا اخي الكريم ذكرتني بهذي المعلومه الذهبيه وسأنفذها حرفيا ، واذا استجد جديد فبعطيكم خبر جميعا

هي ما تكرهك لشخصك ، تكره تصرفاتك
عن تجربة واجهت مثل كلماتك من طليقي ف حياتي الزوجية
كنت احبه و لا زلت احبه رغم الانفصال الا ان اسلوبه حتى وهو يصالحني غلط ف غلط
ف لا تلومها ابداً تراه شي ف النفس ماتقدر هي تحكمه
الوقت كفيل ان شاء الله انه يبدد هالشعور من اعماقها و تصفى لك
و نصيحة يا اخي الكلام ذا ولو انه مزح تراه يغث و يكبت على الصدر
و يشحن النفس و يجعل ثغرة بين الرجل و زوجته انا مجربة بنفسي ما اقولك هالشي لمجرد النصيحة
انا عايشته و هو احد اسباب انفضالي رغم حبي له الا ان سلامة نفسي اهم عندي من حب لا يحضى بالاهتمام و الرعاية


لا تطلقها خلها تصفى و لا احد يضغط عليها
هي بتحن و الحنين بيجيبها لك ان شاء الله

المهم انت اعقل و حسن الفاظك.معها و حسسها بقيمتها عندك
تغير تغييييير تكفى

متحمسة لاني مجربة شعورها السيء


الله يعينك

__________________

ياخوي شفيك جالس تضرب في نفسك؟

صح انت غلطت بس تراها ميب غلطه كبيره!!

لا انت الي خنت او الي ترجع للبيت سكران او تضربها او تنقص من كرامتها قدام عيالك

هي تدلع عليك وعاجبها الوضع انك كل شوي تركض وراها تتأسف.

بعدين يا اخي هي تقولك انها ماتبيك، وش تبي بوحده ماتبيك؟ هو هي حرمه كبيره وناضجه؟

اتركها شهر وبعدها اذا تواصلت معك وطلبت انها توجع خير وبركه، وان طلبت الطلاق عطها اسبوع تفكر بالموضوع واذا بعد اسبوع اصرت قلها تعالي للبيت وشيلي عفشك وطلقها طلقه وحده.

اذا هي فعلا تحبك او مقدره العشره الي بينكم هالطلقه بتصحيها ان شاء الله.

واذا ماصحتها اعرف ان ماعندها استعداد تكمل معك لا علشانك ولا علشان عيالك.

اصحى وفقك الله