السلام عليكم ورحمة الله وبركاته
حبيت اخذ رأيكم في موضوع محيرني
وهو ان بنت اختي لها صديقه معها في الجامعه وكلمتها عني وخطبتها لي والبنت طلبت صوره لي وشافت صورتي والبنت موافقه ومتحمسه طبعاً كل هذا وانا مدري عن الموضوع
المهم كلمتني بنت اختي وقالت لي طبعا انا زعلت وقلت لها ليش تتصرفين من راسك بدون رأيي وانااصلا في الوقت الحالي بالي مشغول في ولدي واللي راح اسافر فيه خلال هالاسابيع هذي وماني فاضي لشي في الوقت الحالي
المهم قالت انا كلمتها عشان اعرف رأيها وهل توافق تتزوج رجال عنده عيال وتعيش معهم والا لا قبل اقولك ولاني شايفه ان البنت لقطه وماتتفوت
المهم طلبت رأيي في الموضوع وانا قلت لها الوقت مو مناسب قالت لي اذا وافقت عادي يتأجل الموضوع الى ماارجع من السفر بس الموضوع واقف على ردي
بصراحه انا محتار لاسباب كثيره
اولاً اني مشغول مع الولد وماني فاضي
ثانياً البنت صغيره عمرها 23سنه وانا قريب الاربعين يعني فرق كبير في العمر وطبعاً في التفكير راح يكون فيه فرق
ثالثاً البنت في هذا العمر من حقها انها تكون مع واحد فاضي لها يسفرها ويطلع ويجي معها ويعطيها كل الاهتمام وحتى لو هي موافقه الحين خايف ان موافقتها لانها ماعاشت فعلا الحياه فـ مثل هالعمر الحياه الزوجيه بنظرها هي عباره عن رومانسيه وشكل وخلافه وبصراحه اللي زاد خوفي هو طلبها للصوره مباشره وهذا عطاني مؤشر ان البنت يهمها الشكل وبس وموافقتها على طول هذا يدل انها ماهي ناضجه
فـ خايف انها كلامها راح يتغير بعد الزواج
وبنفس الوقت بنت اختي تمدحها وتقول عنها عاقله وراكده
المهم رديت عليها وقلت انا الحين ماني فاي افكر غير بعلاج ولدي وبعد ماارجع لكل حادث حديث وتركت الموضوع معلق