سلام عليكم .. اعتذر على التأخير انا داخله بجوالي ظروفي لا تسمح بالرد الا متأخره .. ارد عليك اخي في الله بعد غدا بإذن الله ..

اليوم زوجي سبني كثيرا ودعاء علي لاني كنت مشغوله عن ولدي الكبير بأخيه الصغير وكان يناديني البسه الجزمه فاقول لا تطلع الولد الحوش حزة المغرب ما يصلح شياطين فحدث ما حدث وشتم وسب ودعاء فقلت له كلمه اضنها زلزلزت الارض من تحته قلت له افعالك تقابلها يوم القيامه والله نصيري من قبل ومن بعد .
اما عن سلفتي فقد ذقت المر منها ومن بناتها لذا حولت امرها الى الله ، صدقيني الحمدلله لم انزل نفسي لمستواها ابدا ولن اكون سببا في الشقاق بين زوجي واخيه ، الله يعلم ويرى ويسمع أسال الله ان يأخذ حقي منها يوم تجتمع الخصوم عنده سبحانه .

__________________

اجيبك اخي في الله ؛ ذهبت للمستشار مرتين وباقي لي عنده عدة جلسات وهو معروف على مستوى الجنوب انه شخص ثقه احسبه والله حسيبه ، ارتحت لكلامه جدا وشحذ همتي على اكمال الدراسه ، كنت زوجه لا تستطيع المواجهه لكن بعد كلامه وتشجيعه واجهت زوجي وحاورته في حقوقي المسلوبه ، اما عندما قال لي ان زوجي ماله رغبة فيني ، صراحه انه استنتجها عندما قلت له كثيير اني اشكو من تطلع زوجي لنساء في اي مكان حتى في المستوصف وتصل عنده الحاله للانتصاب وانا معه وعندما نعود للمنزل يحصل قذف لا ارادي ، انا حقيقه جاهله جدا في الشي هذا ، يجرحني كثييييراااا انه لا يمكن ان يمشي بجانبي في السوق او غيره ويقول اني فتنه للشباب و يستعيب مني رغم اني والله العظيم ويعلم بحالي اني البس عباه على الراس وقفازات وبدون نقاب ولا ازكي نفسي اني من البنات النادرات في الزمن هذا عفيفه وصالحه اش يبغى اكثررررر !!!

__________________

اليوم طلبت زوجي سوق الذهب ، قال وش تبغين فيه قلت نفسي اشتري لي سوارة حلوه المهم وبمعجزة من عند الله وداني سوق الذهب واخترت سوارة ب1650 ريال فقال غاليه مرررره قلت في نفسي: ( على اساس انك ما تشتري شي غالي وين جوال اختك ايفون 6 ب3 الاف ووين ساعه امك ب8 الاف مستخسر فيني الف ريال)
قلت ببراءة معليه انت ادفع لي اللحين وبعدين ارجع لك فلوسها اذا توفرت قال طيب دامها من فلوسك وشراها و لمن وصلت البيت قلت هذي باعتبرها هدية منك لي وقليله في حقي انتظرتك تهديني من الراتبين ما شفت شي .. وهو مصدوم ومفجوووع وسكت ما قالي كلمه وحده .
اشش رايكم في تصرفي ؟!!!

__________________

السلام عليكم ورحمة الله وبركاته.
مرحبا بحبيبتي بياضه، أنت وصلت لمرحلة الإنفجار ربما هذا يجعله بعيد حساباته..
صمته يدل على ذلك والله أعلم.
هل تحدث معك بعد هذا التصرف؟
وكيف الآن تعامله بعد هذا التصرف؟
أحبك، ولك الدعوات تترا.

وعليكم السلام ورحمة الله

حبيبة قلبي سقيا .. زوجي اليوم كله صاااااااااااامت جدا ومنعزل بنفسه ، انا لبست السوارة وتدلعت فيها قدامه و جلست امدحهاا واقول الله لا يحرمني منك وهو ما سمعت منه حررف واحد ، الواضح انه يشعر اني استغفلته و مقهور مني ومستحي مني بنفس الوووقت !! ...

احبك الله يا سقيا وانا احبك وادعي لك من كل قلبي ♥

__________________

الله يسعدك بالاسواره ويعطيك من خيرها ويكفيك شرها

_ طيب تعرفين عن ظروف زوجك الماليه ؟!
اخاف الان هو مزنوق ويحتاج القرش!!
من رائي مثل ماوعدتي زوجك ترجعين له المبلغ رجعيه
(خوف من الوقوع بانفاق ومن وعد اخلف)

__________________

اهلين ، بسمه شرفتيني ♥

ظروف زوجي ممتااااازة جدا انا مطلعه على جميع حساباته لكنه مقتر معي ويبسسط يده على غيري وانا زوجته وام عياله ، ما افكر ارجع له المبلغ لاني قلت باعتبر الاسوارة هديه منك ..

__________________

ربي يجعلها لبس العافيه عليك بس وانا اخوك من كنتم في المحل وانتي وعتيه انك تردين الفلوس وعد الحر دين يمكن في سكوته يقول سقتها عليا وساكنه كل الفتره من اشترت قلت هديه من الرتبين وانا اخوك لا تفتحين باب ل ابليس . الله يسعدكم وغير حالكم ل الأفضل

__________________

اللهم اني اسالك التوفيق لـ طاعتك والقلب اللين الذكرك

انا ارى انك تكملي تصرفك وتعطيه المبلغ

ووقتها يبين معدنه

وتقولي له لاتقلق انا كلمتي وحدة، قلت لك من فلوسي يعني فلوسي

وخلينا نشوف وقتها وش يعمل؟

ان قال خلاص اعتبريها هديه فافرحي بشدة وضميه وقولي له اي والله هذا العشم فيك انك تفتكرني من الراتبين

وان اخذ المبلغ ، فاسمها انك وفيتي بوعدك وهو انقرص قرصه مؤثرة واكيد راح يهديكي شي بالمستقبل

بس اهم شي لايسجل في مخه انك انسانة مخادعه

اعطيت زوجي المبلغ واخذه .. وقلت كنت بختبرك [ مع الأسف ]

__________________