حبس!!! ياااارجل 😳

الشاة الضائعة هي؟

انا اشوف ان الزوجة الموظفة تجيب الشغالة من راتبها عشان تقفل فم زوجها عن التقصير المزعوم في البيت
ويتشاركون في السفريات الخارجية فقط عشان الترفيه وتدفع من راتبها اي مستلزمات او سواق يخص وظيفتها وغير كذا ماله اي كلمة واي شئ تشارك زوجها فيه لازم بإثبات قانوني ان شاءالله لو يبغى سلف مثله مثل الغريب لانه لو رفع سقف مطالبه فهو يعتبر بنظري من أشباه الرجال ......

وبما اني موظفة وما قد قصرت اصرف على نفسي واساعد ووووالخ فآخر قرار صدر بعد جلسة حوار شديدة اللهجة انه يعطيني مصروف ألف ريال وراتبي للكماليات الكبيرة فقط مثل السفر للخارج او احضار خادمة والتنفيذ بعد ثلاث اشهر لظروفه المادية ... اذا نجحت الفكرة اعلمكم بالطرق المتبعه ..

المقصود بالحبس بقاء المراءة في منزلها لترعى زوجها في غيابه وحظوره قال صلى الله عليه وسلم والمراءة راعية في بيت زوجها ومسؤولة عن رعيتها
فمن حق الرجل على المراءة مكوتها في منزله لترعاه

لا تروح تتزوج موظفة وبعدين تجلس تساومها ....من البداية خلك رجال وتزوج عاطلة عن العمل او طالبة واشرط عليها في العقد وفكنا من وجهة نظرك ....
لعلمك انا مسوية كذا كنت طالبة وشرطت الوظيفة ولو يجيني بأسلوب مثل اسلوبك يا تصرفي يالوظيفة راح ابيعه هو وفي الاخير راح ينفسخ عقد النكاح لانه شرط ولا بيستفيد مني ولا راح يرجع له المهر ...

المراءة الا لازم تشرط في العقد الرجل مايحتاج لان بيد كل شيء واذا زوجك رخيص لهذه الدرجة فالله يعين عليك

مثل ما انت تشوفني بكلامي هذا مرخصة بزوجي فهو في نظري لما يمد عينه على راتبي ويطالب بشئ مو له فهو كذلك مرخصني وشايفني صرافة فقط

ولما تشرط المرأة اي شرط فالواجب على الزوج تنفيذه مو كل شئ في يد الرجل ... فيه حدود وضعها الله للرجل والمرأة ... والرجل مافي يده صلاحية مطلقة في الزواج كل شئ بمقابل ..

هي ضريبه عليها ان تدفعها مجبره لا مخيره

__________________
وهل من مصير اخر ؟

تخليه ديكور ... فازه في البيت

وتفرض القوامه ... والسلطه بيدها كلها

وهي ضريبه عليه ان يدفعها

__________________
وهل من مصير اخر ؟

تصدقين خواطر كلامك قريب من واقعي كثييير .. شغالتي أنا أدفع لها .. والسواق زوجي يدفع له لأنه أساسا جبناه عشان مدارس عيالنا وأنا للدوام اسوق بروحي ..
السفر .. لأني أنا اللي اموت على السفر وأحن عليه أحط الجزء الاكبر منه .. زوجي مايهمه السفر كثير .. فيشوف إنه ماله داعي ومايسوا يدفع له مبالغ كبيرة.. بس يصير احيان إذا زوجي متوفر عنده مبلغ كافي يتكفل بكل مصاريف السفرة .. يعني يعتمد على ظروفه وقتها ..
زوجي يحط المبلغ اللي يقدر عليه لمصروف البيت .. وأنا ما أقول له إنه مايكفي واحط من عندي وأشتري من عندي .. خصوصا للترفيه والكماليات ..
أنا اشتغلت عشان أرفه عن نفسي وعن عيالي .. وأرفع مستوى معيشة الاسرة جميعها .. مش معقولة بمسك فلوسي وبحرم نفسي وعيالي وحتى زوجي .. وأعتمد على النفقة اللي من ضمن حدوده فقط ..
في النهاية إحنا زوجين ونشترك في حياة وحدة .. واللي دفعته وصرفته مابيروح للغريب ..
بس بشرط مايكون اعتماده كلي على راتبي .. وهذا الشي على التعود ..
إذا عودتيه ماتطلبين ماراح يدفع .. اطلبي منه وخليه يدفع حسب استطاعته حتى لو كانت استطاعته محدودة بس مايتعلم على البخل ..

انا اقصد من ناحية خروج المرأة من منزلها لان حق من حقوقه انها ما تخرج الا بإذنه فكيف يشترط في العقد حق من حقوقه وطبعا ما في صلاحية مطلقة