السلام عليكم ورحمة الله وبركاته


اخواني ابي استشارتكم في موضوع انا عندي مبلغ حوالي 60 الف يستثمر ويجيني دخل شهري 4 آلاف

المبلغ هذا زوجي هو الي مستثمره لي ولو الله ثم هو مكان عندي المبلغ هذا ولا الدخل

بس الي مضايقني بالعربي مايصرف علي نهائي رسوم الجامعه انا ا سددها فاتورة نت علي

ملابس علي انا ابي طلعات مع اهلي وحلويات علي انا
اذا بنسافر لا زم ادفع نصف التكلفه بالتمام والكمال
ابي اشتري مثلا اواني أوفرن يقول مالي دخل مابي اغيرهره وبكيفك انتي
بس ملابس لعيالي يشتري لو ب الملاين مافي مشكله
أنا صراحه مرتاحه جدا لا هواش ولا مشاكل عشان فلوس يالله لك الحمد والله ماتتصورون يعني قبل مكان عندي شي متعبة معه والحين يوم عندي فلوس مرتاحه خفت المشاكل جينا ل شي ثاني مثلا ابي اطلع ل شاليه وأبي أخذ معي حلويات ابو الشباب يقول ماني مكلف في أحد اقوله طيب نزلي في المحل انا ادفع يقول لا ماني سواق تبين توديك ال شاليه بس مامر خرابيط ياربي يقهر
لأن لو مجرد اقوله عطني فلوس لو 100 سوا مشكله وانا مامعي علما أن راتبه ممتاز
والله مادري كيف أتصرف معه أبيه يصرف علي زين لا والحين مقرر يسافر مع أخوه سياحه وقال مارح اعطيك شي بس مادري يمزح ولا وانا أم لطفلين

يوم نزل ال راتبين عطا خواته وأنا زي المزهريه المهم لمحت ولمحت آخر شي ماقصر جاب لي ايفون 6 بس انا مستخدمته بحكم متعوده ع الأجهزة الكبيره قلت نفسي في ايفون بلص وهو قال صراحه نفسي بالآيفون هذة مر شهر مستخدمه ي بعدين قلت له أخذ الايفون خلاص مابي اغير جهازي هذا وأخذ له

وش رايكم ؟؟

وسؤال هل الزوج يحترم المراءه الي معها فلوس أفضل من الي مامعها؟
لا ن بعد ذا الخير الي جاني تغير مره !

تغير لانه ارتاح من هم المصاريف
هذه مشاكل صغيرة تحصل في اغلب البيوت
و ان ما حصلت هذه المشكلة تلقي مشاكل تانية

قولي الحمدلله .. و حافظي على مصدر دخلك
و حاولي تجمعي و تشتري لنفسك اي عقار

مبلغ ال60 الف منه او منك

للتوضيح فقط ال مبلغ لي هو فقط حافظ عليه واستثماره لي ولا كان طيرته في يومه
والمبلغ ذا لي سنتين وانا أجمع فيه واستثماره انا قسطت 3 آلاف شهري لمده سنتين وتو خلصت يعني هو معطاني شي هو حفظها

دامه شايل البيت والعيال
لا تعملي مشكله

هل يستفيد هو ايضا من هذا الاستثمار ام ان الربح كله لك

__________________

مشاكل الفلوس بحرها شاسع
ولايمكن احد غريب يفيدك
ممكن يكون مديون.
او عنده التزامات.
او حريص.
لان كل شخص له اموره المالية الخاصة
وانت حاولي تتصدقي من مالك
كل شهر بما تجود به نفسك.

يشاركني بحكم انه حافظ عليها أخذ مني مره 10 آلاف ومره ألفين

بس الله لا يشكر لي فضل يقول ماتعب تي فيها جايك هديه

وترا هو ماسوى شي اللهم جبرني أحافظ عليها وخلا أخوه يستثمرها وأخوه يأخذ نسبه علي وانا عطيته برضاي
وماخفيكم المشاكل خفت وانا مرتاحه نفسيا بس اشوفه مأمنه نفعه لي حتى لو أشياء بسيطه

!!
طيب يا اختي
انت نفعتي زوجك وأخوه. يعني لك فضل
و لا هو تعب على الفاضي فلا تقللي من شأنك
أضف ان فاتورة النت و الملابس عليك
إذن هو ماذا يدفع؟
أنا ما فهمت السطر الأخير لردك
والآن مالذي يضايقك؟

__________________

اعرف كل التزاماته وراتب كويس وكل مناسبه لااصدقائه ولا إخوانه يهديهم هدايا مكلفه مثل ايفون 6 ولا ساعه ماركه
بخلان يغطي تكاليف وال 100 ريال مصيبة
والسفر ادفع تذكرني ولا اجلس بدون سفر