هذي الحياه
والقدر و المكتوب
اتفهم حزنك على زوجتك
وانفصال اسرتك
هذا ماكتبه الله لك
وتذكر من رضى فله الرضى ومن سخط فله السخط
الحمدلله على كل حال
كن اب لاطفالك حتى بعد الانفصال
واذكر طليقتك بكل خير
وحاول لا تتبع اخبارها ولا ما يحصل معها
ولا تستجوب اطفالك عن وضعها مع زوجها
تمن لها التوفيق
وباذن الله بعد فتره بتكتب لنا موضوع عن امورك للاحسن
العوض من الله كبير

ياشيخه الله يسعدك ، ويسعد الجميع
نعم اختي اشهد بالله اني راضي بما كتبه الله لي . وين نفسيتي الأوله ووين نفسيتي الحين . اشهدبالله صرت رااااايق . خلاص شي مقدر ومكتوب . نقول الحمدلله . ادعو لي بالتوفيق بحياتي . ملاحظه/ ورب القرآن فيه رُجل يعرفني وفيه خير . وكلمني وقال فيه ثنتين اخوات معلمات وحده مطلقه وعندها طفله صغيره . والمعلمه الثانيه ماتزوجت وعمرها قرابة ٣٥ وهم ذات دين وخلق ومن عائله معروفه والكل يشهد لهم بالصلاح والخير . قلت يابو فلان . يعلم الله كبرت بعيني . ولكن الحين انسدت نفسي عن الزواج . ولكن من مرور سنه راح افكر بالزواج
ههههه قال يعني انسدت نفسك هههه . قلت ايه والله . انا مريت ب٩ شهور في هم وحزن مايعلمه الا الله وحتى ذبحني النحف . والحين اشهدبالله احس براحه نفسيه وانشراح بصدري وتوي ارتحت وأبشركم طلع لي كرشه صغيره وبصير زي ابو علي اللي في طاش لما جاء بيتزوج وقالت له خطيبته شيل الكرشه ولا مابتزوجك .والحمدلله ارتحت نفسياً. فقلت له ..بعد سنه الكل من حولي وأنت من ضمنهم . اللي تآمرون عليه يصير بإذن الله .وبعد ان استخير الله
وايضاً كل ماقابلني عزيز وغالي ويعرفني جيداً يعرض علي الزواج من فلانه او فلانه
فيكون ردي لهم بعد سنه راح اقرر . والله يكتب بما فيه الخير والصلاح يآرب
نهاية كلامي يااعضاء/ الحمدلله لازالت الدنيا بخير من امثالكم وشرواكم يالغالين

برافو عليك يا ساري
إلى الأمام ومعدنك طيب وأصيل
الله يوفقك لما هو خير لك

سجلت دخول فقط لأرد على موضوعك وأشد على يدك أنت إنسان صادق وماحدث من استفزاز منك لطليقتك لا يخل بأصالة معدنك وطيبة قلبك ونقاءصدرك وثق ان من ملك هذه الصفات فالله معه وانا واثقه ان الله أخر لك الأفضل فقط انتظر كرم الله وسيبهرك حتماً
وما حدث أمر مقدر ومكتوب وسبحان مقلب القلوب ركز على نفسك وتطوير أفكارك وحياتك وتربية أطفالك ما استطعت

وفقك الله توفيقاً ينشرح له صدرك واخلفك خيراً وبشرنا عنك في قادم الأيام

آمين يآرب
ومشكوره على مرورك العطِر

الله يسعدك ، الحمدلله ومتفائل بالخير
والمثل يقول .. كُل دقّه بتعليمه .. والدنيا تجارب وأنا تعلمت الكثير .. ومستحيل وألف مستحيل يتكرر مني الخطأ مع الزوجه الجديده ، وأشكرك على مرورك العطِر

الله يوفقك يا اخوي ويقويك
ما مضى مضى خلاص التفت للجاي

وبتمضي السنة وبتتزوج وبتنسى كل ألم والله يسعدك

__________________
يا رب خاتمة حســنة ، وزلفى ، وحسن مآب ..

آمين . والله يوفق الجميع
ازمه وتتعدى على خير إن شاء الله
ومشكوره على مرورك العطِر
ملاحظه/انا امس حطيت بالواتس بجوالي صورة ومكتوب فيها
( جاري مسح الماضي)
...LODING وفي رسمة المستطيل حق الحذف زي الملف اللي تبغى تحذفه من الكمبيوتر ويجيك كلمة جاري الحذف . المهم انا بعد مرور شهور رجعت وخزنت رقم طليقتي بحوالي ابغى اسوي لها حضر وأحذف رقمها عشان فيما بعد ماتراسلني واتس . المهم لقيتها شايله عني الحضر . انا معاد تعنيلي شي . ورجعت حذفت رقمها . لأن الحين هدفي انظر للأمام . والماضي قررت اودعه . ومن فضل الله حذفت كل شي يذكرني فيها . والبارح اقسم بالله كل من راسلني وأثنى على طريقتي بالواتس . قالو حركتك حلوه . وتقدم للأمام ولاتنظر للماضي . وقالو تأكد بأن الحياه لاتوقف على أحد . فالحمدلله على كل حال

__________________

اشكرك يالغالي . وأقسم بالله انه هو هذا الحاصل وهو هدفي الصحيح اني جالس احذف الماضي مع طليقتي بكل اشكاله . معاد خليت شي يذكرني فيها . هدفي ابغى انتقل لحياه جديده وأتزوج وأبدأ حياتي . والماضي يصير ودعته بخيره وشره . حتى لو بعد الزواج تذكرتها فهي اصبحت سرآب ومعاد يهتز قلبي لها او يحن . هدفي ابدأ حياتي مع الزوجه الجديده اللي ان شاء الله بتسعدني في حياتي . وأنا اؤكد لكم . مستحيل ارجع لأخطائي . ويعلم الله استفدت الكثير والكثير من نصايحكم ومانسيت تشجعيكم لي . الله يسعدكم
يارب لك الحمد اشهد بالله لي فتره طويله اصبح مزآجي رايق . وحطيت قاعده برآسي
( الحياه ماتوقف على أحد )