صغيرة مطلقة.. - الصفحة 3 - منتدى عالم الأسرة والمجتمع
logo

الملاحظات

المطلقات والأرامل والمتأخرات يعتني بالمطلقات والأرامل والمتأخرات عن الزواج

موضوع مغلق
قديم 06-09-2017, 06:10 AM
  #21
somthing
عضو جديد
تاريخ التسجيل: Aug 2017
المشاركات: 38
somthing غير متصل  
رد: صغيرة مطلقة..

طيب معليش ناخذ الموضوع حبه حبه وابي صدرك يتسع للنقد وطويلي بالك معي
بسم الله نبداء ,,,
وضعتي شروطك وهي 1- سكن شرعي 2- اكمال دراستك 3- ما يمنعكي من الوظيفة 4- ما تحملين الا اذا تخرجتي , طيب اكمال دراسه بنفس الجامعه وهو مبتعث بره يعني بالعربي ابي اسكن عندي اهل ولا ابي اكون حمال , اختي تري الزواج مو بس فراش , واذا كنتي باغية تعشين عند اهلك خلاص لا تتزوجين من البداية زوجك يحق له يسايركي بنقطه ذي الانه مو متوقع ان فيه وحده بعد الزواج راح تقول ابي انام عند اهلي
ذكرتي انك كنتي ساكنه عند اهلك وهو ما كان ينفق عليكي ما شاء الله عليكي عارفه حقوق الزوج ومنتي عارفه حقوق الزوجه , اختي انتي بيبت اهلك منتي بيت زوجك عشان ينفق عليكي يعني اكله وشاربه ونايمه عند اهلك ,
نصحوكي اهلك انك ما تروحين معه انا اشوف انك انتي الضعيفة وانتي الي تسمعين كلام اهلك صح انك رحتي لكن ندمتي ,
كانت كلها ست شهور عاجزة تسحبين ترم ثاني فيه بنات فصول من الجامعه العيون ازواجهم
ابوه قال هو حر بزوجته وصح كلامه اذا اهلك يبونك عندهم ليش يزوجونك ؟ والمره تريها مع زوجها وين ما راح
فكري فيها وحسبيها صح وضيفتك دراستك كلها اشياء كمليه بس وضيفته هو ودراسته واجبه عليه الانه مطلوب له السكن ومطلوب له النفقه واضن انك عارفه حقوق الزوج زين ولا يحتاج اكمل ,
اجهضك للطفل ما اقدر اعلق عليه الاني بصراحه اشوفه ذنب ما يغفر من جهتي ولا ادري ايش كان راي اهلك بالموضوع
واخيرا كلامك عن استعباد الزوجه ووستغلال الرجل لها وانه يمشيها على كيفه نصيحه لا تسمعين كلام الناس تري ما فيها شي لو المراءة سمعت كلام زوجها اذكركي بقول الرسول صلى الله عليه وسلم ( ذَا ‏صَلَّتِ الْمَرْأَةُ خَمْسَهَا، وَصَامَتْ شَهْرَهَا، وَحَفِظَتْ فَرْجَهَا، وَأَطَاعَتْ زَوْجَهَا، قِيلَ لَهَا: ادْخُلِي الْجَنَّةَ مِنْ أَيِّ أَبْوَابِ الْجَنَّةِ ‏شِئْتِ. ) .
اتقي الله الي اشوفه ان زوجك صابر وانتي الي ظالمته ,,,,

التعديل الأخير تم بواسطة somthing ; 06-09-2017 الساعة 06:20 AM
قديم 06-09-2017, 07:12 AM
  #22
Be brave
عضو دائم
تاريخ التسجيل: Sep 2017
المشاركات: 56
Be brave غير متصل  
رد: صغيرة مطلقة..

انا ماقلت بتزوج عشان اعيش عند اهلي بس زوجي ماامن لي سكن في البلد اللي ادرس فيه وين اعيش في الشارع ؟ وبعدين بالنسبة لتوقعه وانا ايش لي دخل في توقعاته انا لي في الاتفاق والشروط اللي بيننا والمؤمنون على شروطهم ، وموضوع ندمي على روحتي لانه كلام اهلي طلع صح وفعلاً ندمانه من كل قلبي لاني وثقت فيه وفكرته انسان قد كلمته وطلع مو كفو والنفقه مجبوور ينفق حتى لو اني ساكنه عند اهلي انا مو بس في حاجة اكل وشرب انا لي احتياجات ثانيه اهلي مو ملزمين يقضونها لي بما اني تزوجت ،وزوجي والله لو بالمجاملة بس ماسأل ولا قال تبغين شي ولا محتاجه شي؟ بعدين اهلي مالهم علاقه بالموضوع هذا رأيي انا وانا اللي رافضه اترك دراستي ، ولو دريت انه بيمنعني والله ماتزوجته ، انا عتبي ليشش الكذب والخداع والتدليس ليش مانكون واضحين ، طالما مايبغاني ادرس ليش ماقلي من البدايه يابنت الناس ماابغاك تدرسين ابغاك تروحين معاي !! ليش يستغل ضعفي ولاني انسانه مغتربه وبعيده عن اهلي يستقوي علي ويفرض رأيه بالقوه وبالخداع وبالتهديد ، كنت ادور على حلوول كثيره عشان ارضيه ومن ضمنها يدرسني هناك واخذ كورس وقلي طيب وخلاني اعتذر ومادرسني !! اسألك بالله هذا عدل هل هذا يرضي الله ،
انا مااقول انه الزوجه تعصي زوجها وماتسمع كلامه انا اتكلم عن وضعي لما الزوج يوعد بشي بعدين ينفذ اللي في راسه من وراها وعن طريق الكذب .. وقال الرسول صلى الله عليه وسلم علامات المنافق ثلاث اذا حدث كذا واذا وعد اخلف واذا اؤتمن خان . وهذا غير تحملي لاتهامته الباطله والشكوك اللي فيه ، الانسان يتزوج عشان يستقر ويكون اسره جميله وناجحه مو يتزوج عشان يصير مريض نفسي ومعقد ، امور كثيره ماذكرتها هو واهله مستقصدين يحطموني ويمنعوني عن دراستي والدليل مرتين حددوا زواجي في وقت اختبارات نهائيه حسبهم الله وفوق هذا ضيعت ترم من دراستي بسببه وياليت ثمر فيه ،، اخيراً بعد نقاشي معاك اتخذت قرار نهائي للطلاق لانه عيوني فتحت على كثير امور كنت ناسيتها ... شكراً لك
قديم 16-09-2017, 07:11 PM
  #23
VectorY
عضو جديد
تاريخ التسجيل: Sep 2017
المشاركات: 13
VectorY غير متصل  
رد: صغيرة مطلقة..

شوفي اختي واضح من كلامك انك ما زلت تحبيه
دامه انسان طيب وبخير فان شاء الله يكون علي خير ويصلح ربي حاله
واذا طلب الصلح لا تتردي انك تقبلي ياغالية واذا انتي اختي راح اقولها نفس الكلام ولاسباب كثيرة
راح تاخذي لقب مطلقة وتدري نظرة العرب عموما للمطلقة حتي لو مليون انفتاح بالحضارات النظرة واحدة وانتي تفهميني ايش اقصد
كيف راح تتصرفين بحياتك القادمة بدون زواج وبدون مشاعر وايش راح تسوي مع شهوة الفطرة
ماله داعي اصلا الطلاق وخصوصا اذا صدق بوعده انه راح يلتزم معك وما راح يشك فيكي وراح يبعد علي اهله بدون ما يدخلهم بحياتكم
الحين تكلمي ابوكي وتطلبي منه انه يكلمه او يكلم ابوه ويجلسه مجلس رجال ويناقشو الموضوع
ان يريدا اصلاحا يوفق الله بينهما
والصلح خير
ربي يحفظك ويبارك فيكي ويسترك يارب من كل شر
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 02:21 AM.


images