عوضنا الله و اياكم كل خير

ربنا كريم

__________________
أشهد أن لا إله إلا الله و أشهد أن محمدا رسول الله صلى الله عليه و سلم

نصيبك معها انتهى حاليا
الحمدلله
هناك دوما خيره خفيه
كل ما يكتبه ربي خير
وخيره ان الله سرع في زواجها لتبدا تفكر في نفسك
تعلم اخي من اخطائك
وباذن الله زواجك القادم بيكون احسن
لانك تعلمت ونضجت
واهم درس ان الزواج مشاركه وليس فرض اراء
وبنفس الوقت مسئوليه وتحمل

الله يسعدك اخوي اهم قرار اتخذته هو عيالك يبقون مع امهم وصدقني ان دل هذا على شي يدل على طيب اصلك ومعدنك بارك الله فيك اللي ماخليت ضحية بينكم تتعاندون بينكم والخاسر الاكبر الاطفال
على العمم في كل امر بني ادم خير له من الله وتاكد ان رب العباد مايختار الا الصالح لك

اخوي ماينسيك الحرمه الا حرمه مثله صدقني من واقع تجربه لشخص اعرفه لديه ثلاث اطفال ويعشق زوجته وتعشقه لكن مع المشاكل التي كانت تسويه زاد البعد طلبت الطلاق بسبب معرفتها مدى حبه لها الزوج طلقها وهو يموت في تراب رجليها تعب الزوجه تكلمت فيه وكبرت امور تافه الى مصيبه
اهله حتى يخرجوه من حزنه وخاصه حزنه على اطفاله لانه يعرف عواقب الطلاق عليهم
قررو تزويجه والبحث له عن زوجه واهم شي صالحه بنت ناس يخافون الله
رزقه ربي بزوجه صالحه احبته بجنون تغيرت نفسيته ولله انك تقول شخص ثاني
جن جنون زوجته اخذت تحيك الخطط للرجعه
وتحرض ابنائها على والدهم تزوجت ونفصلت
تريد ابواطفالها باي طريقه
تعبت وندمت اشد الندم
الزوج يقول شفت الحياة وانولدت من جديد
ماسمعت بمقولت الحريم عزامات ندامات

الا تتوقع ان زوجتك سمعت من اخيها ان صديقه برغب الارتباط بعائلتهم ان وجد امرائه تصلح له وهو رجل جيد وزوجتك حطت هذا في رايها وعشان كذا اصارت تختلق المشاكل عشان يتم الانفصال ثم ترتبط بهذا الرجال
زواجها بهذا الوقت القياسي يضع الف علامة استفهام حبكتها هي واخوها
اللي يبيعك بيعه والله راح ينصرك ويرزقك بزوجه اللي تسعدك
وهي راح تندم طلبقها عنده 5 وانت عندك 3
وشذا الحياة اللي بتعيشها كلها بزران
تاكد راح تندم
وانت لا تقعد على دكراها انساها وانتبه يمكن يدورك اذا كانت حياتها مع زوجها سيئه لا تكون ضعيف امامها انت انهنت بمافيه كفايه
استعجل بالزواج نصيحة اخت
وترا فيه شوفه وملكه اذا ماقدت تتقبلها انسحب والبنات واجد والماده انت توكل على الله وبيعينك ربي

الله يربط على قلبك

حاول تنسى ولا تفكر فيها

والله يوفقك بزوجه صالحة تحفظلك الود وتحسن عشرتك

__________________
يا رب خاتمة حســنة ، وزلفى ، وحسن مآب ..

يا رجل:
فوراً ابدأ بالبحث الجاد المتواصل عن زوجة أخرى، وتزوج!

الله يعينك على مااصابك

الدرس المستفاد ( طبقه على زوجتك الجديدة):

1-حاسب نفسك على كل كلمة تقولها للانثى وخاصة الزوجة

2- خل كلماتك كلها ايجابيه حتى لو كانت خلاف الواقع

3- امدحها حتى لو سألتك مباشرة : وش رأيك فيني؟ هل انت راضي عني؟ ماذا افعل كي اسعدك؟

فهي لاتريد رأيك وانما تريد مدحك لها، واصلاً هي ماراح تسئلك الاسئلة هذي الا وانت في حالة رضا او تبغى تنام وترتاح من الازعاج

4- احتفظ بمشاعرك السلبية لنفسك لانها حالة مؤقته وتزول ولكن الكلمة عندها لاتزول.
فمثلاً لو كرهتها ( كرهت تصرف من تصرفاتها) فلا تقول ابداً: اكرهك.
لأن الموقف سوف يعدي وسوف تعود تحبها واصلاً انت تحبها و" مواقفك وافعالك" (لاحظ قلت مواقفك وافعالك ولم اقل اقوالك) ولكن هي لن تعدي لك ابداً كلمة " اكرهك" لان نظامها نظام اقوال وليس افعال. ومافي شي اسمه مزح

وبعدين ايها الزوج مادام انت مازح مازح معها ، فاستبدل مزحة اني ابي اتزوج عليكي بمزحة انتي احسن واروع وافضل انسانة بنظري في هذا الكون.

وكان الله في عونك

__________________

الله يسعدكم . والله نصائحكم عالعين والرآس . وكل معلومه تذكرونها راح اطبقها . انا فعلاً تعلمت دروس كثيره من اخطائي وتعلمت وأستفدت منكم اخواني الأعضاء والمشرفين. ومستحيل اتعثر بالخطأ مع الجديده وأنا السبب ولكن قدر الله وماشاء فعل. انا ماتعثرت مع طليقتي القديمه بإستفزازي لها إلّا بالسنه الأخيره من كثرة المشاكل والمفروض اني اتدارك الموضوع من بداية شرارة الحريق . اللي راح راح . والحين يعلم الله بعد زواج طليقتي معاد افكر إلّا لبناء مستقبلي وزواجي بعد سنه ومستحيل اتزوج قبل سنه . اولاً والله اني ابغى ارتاح لأني جروحي ماشفيت . وثانياً ابغى استغلها فرصه وأبدأ من هذا الشهر اجمع كل شهر مبلغ جانبي. ثالثا بعد سنه البنك يعطيني تمويل حلو ورابعاً بعد سنه يكون نفسيتي اصبحت ممتازه والحياه ماتوقف عشانها

الطلاق ليس نهاية العالم
في ناس اطلقوا بعد عشرة 30و40سنة.
اهم شي انه الانسان يتعلم من اغلاطه ويرتب اولوياته ومايظلم نفسه وغيره.
عيالك حاول لاتقطعهم اتواصل وياهم دايم وزورهم لانه المال ليس كل شيء.
صحيح من جرب الطلاق يعرف الم الفراق والم الاشتياق ..لكن مثل ماقلت راح تاخذ سنة اجازة لنفسك وبعدها تتزوج..وهذا قرار سليم..وخلال هالسنة حاول تصلح امورك المادية

اشكركم جميعاً على مروركم العطِر
ولكن عندي تعقيب على تصحيح معلومة كيفيه زواجها
انا لمّا اخذتها عند شيخ . قلت ان طلعتي مريضه فخير وبركه وراح تتشافين بالرقيه الشرعيه ولاتخافين ماراح اطلقك لانك كنتي مريضه ومستحيل اتخلى عنك . وإن قرأ عليك الشيخ وقال الشيخ مافيها مرض . فراح اطلقك . والشيخ قرأ عليها وماطلعت مريضه . وإحنا ماشين من عند الشيخ تغير وجهي وقلت لها . ماحد بيتزوجك إلّا واحد خبل وراح تنطقين عند اهلك وانتي مطلقه. فهي هذيك اللحظه . قالت وهي زعلانه زي مايجيك نصيبك بيجي نصيبي . وابوها بجانبي قال ياابو ؟ انت ماقدرتني وانا بجانبك بكلامك هذا ... قلت ابشرك هي الخسرانه . وصبرت عليها كثير . لكن بتنطلق وبتنطق عندك . فلاتوموني يااخواني وأخواتي . أنا قلتها من حرّ مافيني . تحملتها وطيحت من كرامتي لجل لم الشتات . وهي ماتستاهل . فأحب اكملكم الهرجه . سألت عديلي اللي متزوج اختها عن كيفية زواجها . قال شفت اخوها الكبير فلان . قلت ايه . قال هو اللي جاب زميله وكان مطلِّق وعنده خمس اطفال . واشترطو عليه ان ان الطليقه بتاخذ اطفالها فوافق . فهي تزوجت . والله يستر عليها . عندي معلومه حاب اضيفها . هي اتصلت على بنت اختي وقالت انا بتزوج وعمري بيروح وعمري الحين ٣٦ ولو وصلت ٤٠ والله ماحد بيآخذني .فخالك بيوافق ان آخذ اطفالي معاي لأني بتزوج . قلت انا ماعندي مشكله وخليها تآخذ اطفالها معاها . قالت لبنت خالي ماسألك خالك منو اللي بيتزوجني . قالت لا . قالت الطليقه شكله مو مصدق اني بتزوج . قالت ابشرك عمره ٣٧وخالي مية وحده تتمناه يافلانه وانتي الله يستر عليه . فياجماعة الخير . هي الخسرانه وكل واحد بيشوف نصيبه . فوالذي نفسي بيده اني ماتأثرت بزواجها وبالعكس حسيت براحه وانشراح بصدري ولعله شر وربي صرفه عني. انا الحين افكر في مستقبلي يبغى لي سنه حتى اقوم على حيلي وتشفى جراحي
والدنيا فعلاً ماتوقف على شانها

لو تتذكر ردي على موضوعك السابق
قلت لك الموضوع اكبر وابعد من مجرد كلمه قلتها والا تصرف تصرفته

المهم الحين لازم تصحى واحمدالله واشكره
وخذ عيالك عندك وجيب لهم شغاله وعيش
ومتى ماشفت نفسك جاهز للزواج تزوج وعيش حياتك واترك عنك التفكير السلبي اللي معيش نفسك فيه واترك عنك جلد الذات
انت مااركبت اخطاء كبيره تخليك تلوم نفسك بالشكل اللي كنت تلوم نفسك فيه
المهم الحين عيالك خذهم وانسى موضوع طليقتك نهائياً
واللي يقولك ماتلقى اللي يربي عيالك مو صحيح
بنات الحلال واجد وكثير اللي يرضون بعيالك