خطبني عقيم محتارة،تم القبول22
السلام عليكم
انا عمري 34 سبق لي الملكة وانفصلت وانا اللي سبتة لأنة طلع شاذ الله يعافية ويستر علية يارب والحمدلله
انا الحمدلله من اسرة مقتدرة ماديا ومرتاحة ببيت اهلي
بس تعبت من وضعي
والله صرت ما افرق شي عن الدواب اكل واشرب وانام بس
مافي وظايف وكل اللي فية مختلطة وعند اهلي ممنوع خرجات وصديقات في السنة اروح لهم مرة مرتين
الخرجات التمشيات والله ما اعرفها الا بعد اربع خمس شهور مرة
ممكن يمر علية شهر شهرين ما اخرج من باب البيت
اخواني طيبين بس ما احد يحس فيني كل يوم يومين خارجين هم وزوجاتهم ووالله ولا واحد فيهم يذكرني ويقول اخرج اختي امشيها
ايامي كلها شبة بعض وسنيني زي بعض
تعبت والله ابي افرح اتزوج واستقر واعيش حياتي
بجد صرت مكتأبة واقطع في شعري وزاد وزني وصل 120
بس الحمدلله بدئت اهتم بنفسي شوية ونزلت وزني وصل ل 90 الحين
المهم
كلمتي صديقتي عن اخوها عمرة 37 مطلق وماعندة عيال ووظيفتة ما شاءالله ممتازة مهندس بترول
اللي اعرف عنه انه طيب ومحترم ويصلي ومن زمان تمدح فية لمن تذكرة من قبل لا يطلق مرته
المهم
كلمتني عنه وقالت عندة شرط يبي يكلمك بنفسة قبل الخطبة
كلمني هو امس
قالي شي وقالي بيني وبينك سواء صار نصيب او لا
قالي انا عقيم ومستحييل اخلف الا بامر الله بس الوقت الحالي الطب يقول مافي امل
وقالي انا ما بحرمك من شي
بجيب لك سواق وشغالة واخرجي روجي تعالي وقت ما تبين اثق فيك
ولك مصروف شهري قالي مبلغ كبير
وهو عندة فيلا صغيرة خاصة فية ملك
قلت له خليني استخير واسبوع وارد عليك
محتاااارة قسم بالله
خايفة اوافق واندم اني فرطت بالعيال
وخايفة ارفض واندم لو تقدم بي العمر زيادة وما الاقي الا معدد او ارمل او مطلق كبير بالعمر وبعيال
ساعات اقول اوافق المهم لي بيت خاص وزوج وحياه حلوة
وساعات اقول لا ارفض بس اخاف ابقى طول عمري بدون زوج وعيال
والله تعبت
اسئلكم بالله اعتبروني اختكم وانصحوني
علما ان خطابي قليييييل وصارلي 4 سنين مطلقة بعد الملكة وما احد دق بابي
تم القبول في الرد22
http://www.66n.com/forums/showpost.p...4&postcount=22
التعديل الأخير تم بواسطة -مسك الليل- ; 04-02-2017 الساعة 01:35 PM
02-02-2017, 11:08 AM
ضوابط المشاركة
العرض الشجري