إنتي العسل ياعسل

طايحين غزل في بعضنا .. بس لايسمعوا أزواجنا

حبيبتي ليش الجنة تحت أقدام الأمهات ؟ من قليل صارت لنا الجنة ؟

دايماً أقول لزوجي إنه الأم تتعب في الحمل والولادة والرضاعة والتربية تعب مايعادله

تعبكم برا البيت ولا تقدر حتى تتخيله .. فلازم تحفظ لمامتك جميلها

فمعليش حبيبتي اتحملي شوية الدنيا كلها تعب بس كله مرفوع عند ربنا ويوم

الحساب نحتاج لأقل حاجة ترفع ميزاننا فاحتسبي الأجر عند الله

أما بالنسبة للرضاعة لاتاخديها بحساسية مرة .. تخافي صدرك يبان ؟

أنا أقولك ايش تسوي ..

ارفعي البلوزة من تحت .. والبنطلون اللي لابسته ارفعيه لفوق بحيث يغطي بطنك لما

ترفعي البلوزة .. ورضعي .. كدا مايبان صدرك من فوق .. ولا تشغلي بالك ترى محد

حولك ولا أحد حيطالع فيكي .. احنا بس نوسوس

هذا عند أهلك طبعاً .. أما برا في الشارع مثلاً أو قدام ناس أجانب فالأفضل إنك

تسحبي من صدرك وتحطيه في الرضاعة وتعطيه هو

الغي الصناعي تماماً عشان لا تجيله غازات أكثر

أجل احسبيها بالوقت .. لو عدا عليه أكثر من ثلاثة ساعات لا تستني .. حاولي حتى

إذا رفض عيدي المحاولة .. أحيان اللعب واكتشاف الأشياء الجديدة يلهيهم عن

الرضاعة .. وحاولي إنك تطالعي فيه وتكلميه بحب وحنان وإنتي ترضعيه صدقيني

حيستجيب لك حتى لو مارضع ترى رزقه يجيه .. ويكفي إحساس الحنان اللي يحسن

نفسيته ويريحها

أكيد النعناع مرة مفيد .. أعطيه كل يوم رضعة في الليل قبل ماينام

وإذا عنده قبض أعطيه يانسون مع شمر

وإذا عنده إسهال أعطيه كراوية

وإذا بطنه تمام لا قبض ولا إسهال أعطيه الثلاثة مع بعض شمر ويانسون وكراوية يومياً

قبل لا ينام .. مرة كويسة هذي الأعشاب تخليه يرتااااح

يعني يوم إيوة ويوم لا تقريباً .. والتمر عموماً مفيد أعرف أمهات من يوم ماينولد الطفل

يعطوله هو يومياً .. بس أنا ماشية بمبدأ إنه الرضاعة تكفي الطفل مدة ستة شهور

من عمره .. فخليت التمر من يوم صار عمرها خمسة شهور عشان أعودها على الأكل

صراحة ما أعطيتها شي غير الحليب والنعناع والأعشاب لين صار عمرها خمسة

شهور دخلت لها التمر والسيريلاك مع الحليب في الرضاعة

ياقلبي عليه قطعتيلي قلبي والله

الطفل مايبكي إلا بسبب

إما جوع .. أو إنه موسخ نفسه فيبغاك تغيري له الحفاظة .. أو متألم من حاجة ..

يابطنه فيها غازات تألمه .. أو مسخن .. أو جاله برد ..

لما يصير له كدا .. اتأكدي إنه مو جيعان .. بعد كدا غيري له الحفاظة .. وفصخي له

ملابسه كلها وجيبي زيت سمسم ومرخيه .. ترى الأطفال أجسامهم مرة حساسة

يمكن يكون اتمشع ولا حاجة وإنتي ما انتبهت .. فلما تمرخيه لاحظي جسمه إذا نقز

من منطقة معينة معناته ممشوع منها .. أو اتقصع .. أنا بنتي دايماً لمن تنام تقصع

ظهرها ولما امرخ صدرها وظهرها كل يوم تنقز ياقلبي عليها .. وبالذات انتبهي

لمنطقة أعلى الفخذ إذا نقز منها معناته دحومي حبيبي ممشوع .. انتبهي له ولا

تخلي أي أحد ماعنده خبرة يشيله ..

وانتبهي لا تبكي معاه .. ترى الطفل حساااااااس يحس بأمه .. وراح يزيد ألمه لو حس

إنك قاعدة تبكي .. ياعمررري عالحساسين ..

ويني انا عن هالموضوع؟؟

الموضوع تحفـــــــــــه

عندي بيبي عمره 8 شهور متعب جدا بالاكل.. ماياكل الا السيريلاك و الفواكة
جميع انواع الخضار جربتها مع بملح وبدون ملح عملتها له مسلوقه ومهروسه وعملتها شوربة بالشوفان رفضها تماااااااااااما الزبادي يرفضه صفار البيض مايعجبه احترت معاه
مزاجه على الاشياء الحاليه بس
كيف الحل معاه؟
وغير كذا عنده امساك يجلس بـ 4 او 5 ايام مايعملها رحت به الطبيب وعطتني شراب بس ياخوفي اترك الشراب ويرجع ثاني
وعطيته عصير برتقال مخفف بس هم بعد مايمش بطنه..
وجدا جدا جدا متعب في حكاية النوم
نومه مو ثابت على ساعه معينه يعني نمشي على مدار الساعه كل يوم يتأخر ساعه مو عارفه اضبطه
جلست اصحيه من النوم بنفسي اخليه يكمل 12 ساعه من نومته واصحيه يرجع ينام بعدين مافي فايده.. تعبت و المشكلة ان السمستر الجاي عندي جامعه مدري كيف بداوم واحنا نومنا كذا على مدار الساعه


عبير الاحلام اشجعك على اصرارك على الرضاعه الطبيعية
انا مثلك طفلي مايرضع الا طبيعي يرفض رفض قااااااطع الرضاعه وهذا اللي موهقني ومخليني اجلس في البيت وراحت علي سنه كامله من الجامعه
هو لو بس يتقبل الرضاعه كان شفط ليه من صدري.. الحمد لله

قرقرت كثير

__________________

يا عبير يا حبيبتي


صرت ارضعه طبيعي بس شوي رضاعه متى ما اكون تعبانه


و امس عطيته نعناع

و اعشاب

و تخيلي ايش صار بعدين


رجع يبكييييييييييييييييييييييييييييييييييييييييييييييي و يفرفر و الله الين داااااااخ


و بعدين سخنت زيت زيتون و دهنت بطنه و ظهره و رجوله و رضعته

نام شوي و رجع يفرفر

اخر شيء


اخؤ شيء اخررررر شيييييييييييييء كوفلته

و نومته و نام

و رجع يبكي

و بعدين نام ثاني


ايش المشكله

يكون شبعان و مغير و دفيان و مافيه الا العافيه و لمن احس انه عنده مغص و ماراح لو حطيته على بطنه اعطيته دواء يسكت شوي و يرجع ثاني و الله تعبت
صارلي يومين ما نمت زي الناس




اااااااااااااااخ بس لو اعرف ايش عنده


مشكوره يا قلبي ( على قولتك لا يسمعونا ازواجنا هههههههههههههه)

__________________
يا رب افرجها من عندك ،،، يا رب ريح بالي و بال زوجي
سبحانك اللهم و بحمدك اشهد ان لا اله الا انت أستغفرك و أتوب إليك
حسبي الله الذي لا اله الا هو عليه توكلت و هو رب العرش العظيم

حلا الايام حبيبتي الله يكون بعونك
الاطفال في هالمرحله جدا متعبييييييييين ان شاء الله تعديها على خير

لما كان ولدي في سن ولدك نفس الشي دايم يصيح ومايسكت من عوار بطنه تتجمع له غازات لدرجة ان بطنه ينتفخ ويصير زي الكورة قالو لي اعمل شراب الزعتر واشربه انا، وبما انه يرضع طبيعي راح يأثر عليه
وجربت
وفعلا كانت النتيجه مرررره ممتازة خف تدريجيا وصار بطنه تمااام

غير كذا ابتعدي عن الاكل الحاار قليلي من البهارات واذا كنت تشربي حليب يمكن يأثر عليه ويسبب له غازات و البصل اللي مو مطبوخ او مكشن زين وثوم بعد هذي الاشياء تسبب غازات حتى الملفوف وفي شي بعد من انواع الحشائش يشبه الملفوف بس اسمك منه مااعرف ايش اسمه يسبب غازات

يمكن يتأثر من البقوليات اذا كنت تاكليها

بالمفيد راقبي اكلك لأنه يرضع طبيعي فراح يتأثر بنوعية الاكل اللي تاكلينه

وان شاء الله مافيه الا العافيه..

__________________

الله يخليكي ان شاء الله و يوفقك يا اختي متى اشوفك و الحيييييين بقوم ان شاء الله اشرب الزعتر دام كذا و بشرب منه كل يوم


و اكلي انا ما فيه فلافل و لا بهارات

اصلا ما اكل اشياء كثيره يمكن وجبتين باليوم و الباقي خضار او فواكه


و البصل اكله مع التبوله احيانا اذا صارت يعني مره باسبوعين

بس ما قد صارت معايا انه يبكي بذي الطريقه ؟؟!!!


تحياتي لك يا قلبي

__________________
يا رب افرجها من عندك ،،، يا رب ريح بالي و بال زوجي
سبحانك اللهم و بحمدك اشهد ان لا اله الا انت أستغفرك و أتوب إليك
حسبي الله الذي لا اله الا هو عليه توكلت و هو رب العرش العظيم

انضمت اليكم ام جودي

بنتي عمرها 3 اشهر ونصف الله يحفظها يا رب

ما ترضع الا طبيعي

رافضة القنينه واللهاية او اي شئ ما عدا ثديي....

الحمد لله ما شاء الله صحتها تمام التمام ...

غدا عندها تطعيم...شايله همها...

يوم الاحد القادم سارجع لاعلم في المدرسة وساتركها عند امي ...بجوار المدرسة يعني في الاستراحات بكون عندها ارضعها

من ناحية النوم كانت تعبني لكن الان تنام كل الليل...فاذا بكت ليلا اجيبها بجواري ترضع وتظل نائمة للصباح عندي..

والحمد لله الوضع تمام.. بس في الليل تصااب بزكام خفيف انفها بيتسكر...

قبل كم يوم قصينا لها شعرها ع الزيرو ههههه منظرها صار حلو

لان شعرها خفيف جدا

طال التقرير عن جودي بس الحمدلله الوضع معجبني حاليا بس ما تتعب امي وهي تبكي وان شاء الله لأ...

ع فكرة بنتي بتحكي كثير من الاحرف وبتكلمني كانها بتحكي حقا

خلص رايحه لها الان

__________________


اللهم اعنا على ذكرك وشكرك وحسن عبادتك

ما شاء الله يا ام جودي الله يخليها لكي و يخليكي لها ان شاء الله

بس كيف تحكي باسم الله عليها ؟؟؟

يعني تغاغي و كذا و لا تقوول ممم ببب و كذا

__________________
يا رب افرجها من عندك ،،، يا رب ريح بالي و بال زوجي
سبحانك اللهم و بحمدك اشهد ان لا اله الا انت أستغفرك و أتوب إليك
حسبي الله الذي لا اله الا هو عليه توكلت و هو رب العرش العظيم

اقصد انها تناغي وتنطق حروف كثيرة

__________________


اللهم اعنا على ذكرك وشكرك وحسن عبادتك

هلا فيك متى أشوفك نورتينا

الله يحفظ لك الحلو حقك ويفرحك بشوفته أحلى عريس يارب

ياقلبي طبيعي مايتقبل الموالح بسهولة لانه متعود على حليب الأم الحالي .. عشان

كدا أعطيه الموالح بالتدريج وطبعاً ابعدي عن الملح بس ممكن تستخدمي منكهات

طبيعية زي الهيل والزعتر والاوريجانو والكمون وغيره

***

أما الامساك ياقلبي عليه والله كثير خمسة أيام شوفي احنا كيف نتعب فمابالك هو

الصغيرون .. أعطيه كل يوم يانسون مع شمر وحليه بسكر النبات وإن شاء الله يرتاح

وانتي كيف بطنك ؟ عندك إمساك برضه ؟

***

أما النوم فعندي وعندك خير .. تخيلي كانت تنام الفجر وأسهر معاها طول الليل

ونصحى على جية أبوها من العمل .. كان النظام حلو ما أطفش طول ما أبوها في

الدوام أحطها نومة ..

الحين صارت تنام الظهر وعلى جية أبوها أكون ميتة تعب .. ماني عارفة كيف أنظم لها

نومها ..

وجامعتك ليش ماتقدمي انتساب ؟

***

امممممممم بالنسبة للرضاعة أنا أقولك بس بيني وبينك

حلا اصحك تتصنتي علينا ترى التجسس حرام

شوفي أول حاجة اشتري مصاصات الرضاعة اللي يكون لونها اصفر لانها لينة تشبه

حلمة الثدي أما البيضة قاسية وماراح يرضى ياخذها

ثاني حاجة لا تدخلي الرضاعة كلها في فمه لا .. قربي طرف الرضاعة من فمه وخليه

هو يسحب الباقي وبكذا راح يمسكها

ثالث حاجة لازم تتأكدي إنه العصير أو اللي تبغي تحطيه في الرضاعة مهما كان من

أعشاب أو نعناع أو غيره .. لازم تتأكدي إنه حلاه مناسب لانه لو كان مو حالي ماراح

يشربه

وبشريني ايش راح يصير معاك

وياهلا بك وبقرقرتك دايماً

يااااااه ياحلا مرة حزنتيني والله قطعتي قلبي عليه ايش فيه الحلو ايش يألمه

طيب منطقة الحفاظ لايكون متسلخ فيها وتألمه

ومتأكدة مو مسخن ولا مزكم ولا صدره تعبان ؟ اليومين هذي الجو متغير لايكون لفحه

الهوا وانتي مو منتبهة

وشوفي إذنه .. ترى الاطفال الرضع اذانهم تعورهم .. حاولي تدلكيها بيدك

أو يمكن يكون يبغى يتحمم .. إنتي تحمميه كل يوم ؟

جربي تحمميه قبل موعد نومه .. راح يدووووووخ وياخذها نومة إن شاء الله

واقري عليه ياحلا .. كل ماشفتيه كذا اقري عليه .. وافتحي سورة البقرة بصوت عالي

خليه يسمع وإن شاء الله تبشرينا