السلام عليكم انا شاب خاطب ودايم ارسل لها واسال عنها واذا ارسلت ما ترد علي الا متاخر تفتح الرسالة ولا ترد وش اسوي هل اثقل عليها ولا ارسلها حتى ترسل ومدري ليش هي كذا ما ارد

تم تعديل العنوان ليتناسب مع المضمون

اثقل عليها تحصلها تركض وراك بس الي صاير العكس ..

__________________
سبحان الله وبحمده سبحان الله العظيم

انا مهتم عليها كثير بس اخاف تقول ليش تغيرت ابي الرد يكون للبنات هل اثقل عليها ولا عاد ارسل لها حتى ترسل

في النهاية هي ترد صح
انت مشكلتك انك تبغاها ترد بسرعة؟

__________________

لكن ليش تعاند ترد بعد يوم يومين مسوية ثقيلة انا بسوي ثقيل احسن

مشكلة بنات هاليومين يسمعون هالنصايح التافهة اثقلي عليه لا يمل منك.

اخوي مهب حل انك تسوي مثلها كلمها وناقشها يمكن عندها عذر او شي يمنعها وقلتها فترة الملكة من احلى فترات حياتنا خلينا نعيشها ونبسط فيها وكل طرف يعرف الثاني زين.

هذه المشكله كل الناس مرت عليهم وانا اول شخص وقعت فيها
البنات في هالزمن هذه طريقتهم لا تستغرب أبد ولا تقول انها عنيدة أو تطنيش منها وانا عارف انك جالس تحرق بنفسك وتسأل نفسك تساؤلات كثيرة بأنها ليش تعاملني كذا أو أنها ما تبغاني أو أنها مجبوره فيني ومن هالكلام
لاني انا مريت بنفس الحاله الي انت فيها ولا زلت حتى الآن
لكن خذ هالمعلومه
البنت ما دام في بيت أبوها عليها ضغوط من جهه أهلها يا أبوها يا أمها يا اخوانها إذا عندها اخوان أثقلي ولا تكثرين معه كلام وسواليف عشان ما تدخلون في مواضيع عميقة ووووو إلى ماله نهايه
وغير كذا من صديقاتها أثقلي عليه خليه يجيك أو يشتاق لك وغيرها من كلام

فنصيحتي لك يا اخوي خذها من اخوك اثقل عليها وقلل رسايلك واتصالاتك إلى أبعد درجه لانها باقي في عصمه ابوها وباقي على طبيعتها واسلوبها وكل شي فلا بتتغير في يوم او شهر ولا حتى سنه وخاصتن البنت
ورسائل والاتصالات ما تغير شيء
وعيش حياتك ويومك ولا تفكر فيها بالمره طنش
عيش حياتك كأنك عزوبي باقي الين تجي عندك وبتتاقلم وبتعرف اطباعك واسلوبك وامورك وكل شيء ودائم خلي بينكم حوار بحياتكم لأجل كل شخص فيكم يوضح لثاني


وعسى ربي يوفقك بحياتك ويهنيك

ترى مو اجباري تتواصل معها بعد الملكه اصلاً مالها طريق عليك ولا انت لك عليها طريق ، اغلب الزيجات بعد الملكه ودفع المهر وتحديد موعد العرس يبدأ الرجل بترتيب امور الزواج وكذلك المرأه الى يوم الدخله ، اما الحين تغير الحال كثير رسائل وسوالف وهواش ماردت علي ومارديت عليها ...! ياحلو البساطه والعادات القديمه صج قديمك نديمك

نعم لا يتواصلوا!
حتى بعد الزواج احدهم قد لا يتقبل الاخر فيطلقوا بسرعة او يبقوا مع بعض و يعيشوا عيشة ضنكه
ما دمرنا الا العادات و التقاليد

اوافق الاخ سعد
فـأنا كنت من يبادر خطيبي بالرسائل الصباحية
والاشتياق وحالي عكسك تماماً ياصاحب الموضوع لايرد على رسائلي وتركته شهر ماارسل له شيء ،وفي الاخير فسخ عقد قراننا .
ربما وضعك يختلف عني وموضوعك له حل بإذن الله ربي يسخركم ليعض