السلام عليكم

طبعا عارفين موضوع فشل التلقيح الصناعي واتفاقي مع زوجي علي الحقن المجهري بعد 6أشهر بعون الله .. طبعا هذا الاتفاق من خلال رسائل الواتس لأنه في دوامه له يومين .. عموما البارح ماقدرت انام من الام شديدة في بطني حسيت اني بموت من الالم وارسلت لزوجي كذا رسالة اشتكي له من الالم واتمني وجوده بجانبي واخبره اني احس اني بموت من الالم .. توقعت انه يزعجني باتصالاته حتي ارد عليه ويتطمن علي او حتي يرسل لي كم رسالة يطمن علي ويظهر لي خوفه وقلقله علي .. لكن ماتصدقون انه ولا شي من هذا صار ماعدا رسالة واحدة بعد ماصحي الساعة7سألني فيها انا صاحية؟ ههههه بصراحة انصدمت وبعد ماصحيت وشفت الرسالة سألته اذا بيجي الليلة ولا اروح لاهلي قالي كلمة واحدة قال روحي حتي ماسألني كيف بطني اليوم .. لهالدرجة انا ما اهمه ولا قلق ولا خاف علي..

برأيكم مايحق لي ازعل منه واتضايق ؟؟؟ انا بصراحة بعد ماشفت بروده وعدم اهتمامه جلست أبكي سبحان لهالدرجة أنا ما استاهل شي منه !!!!!

مستجدات

الرد 29
http://www.66n.com/forums/showpost.p...9&postcount=29

مستجدات
الرد44
http://www.66n.com/forums/showpost.p...6&postcount=44

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

وصار شي قبل 5ايام تقريبا .. كان في تقديم في الخرج علي مستوي وظيفي افضل من وظيفته الحالية بدرجتين وشفت ندمه علي انه مايمديه يقدم فيها .. طبعا هو كان يقدم طلب لاخوه عشان عنده واسطة بنفس مكان الوظيفة يبي يتوسط لاخوه .. طبعا هو قالي بصراحة فرصة بس ماراح اقدم .. فرحت علي بالي بيقول عشاني توظفت قريب منك وما ابي نبعد عن بعض ثاني .. لكن انصدمت انه يقول ما راح اقدم علي الوظيفة لانها واحدة بس وابيها لاخوي خاصة ان عندي واسطة .. قلت له يعني هذا بس اللي مانعك ؟ قال ايه .. بصراحة انصدمت برده .. لهالدرجة ما اهمه .. وانا اللي اضحي واقدم كل شي عشانه ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

حبيبتي لخبطة الهرمونات تخليك حساسة حبتين
يا امي انا معاه في بيت واحد واذا مرضت جاب لي عشاء من برا
وطلع مع اصحابه
ياقلب لاتحزن

المسألة مو مسألة حساسية .. هذا عدم اهتمام وهو يعرف اني لحالي في البيت وماعندي أحد .. وش هالبرود ولا حتي يفكر يسأل .. وين المسؤولية ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

بماذا ضحيتي بالضبط..؟

عرفت بمشكلته الجنسية وصبرت عشانه وقلت مو مشكلة اوقف معه لحد يتعالج .. وحتي هو قالي لو واحدة غيرك كان فضحتني وماظلت معي أبد..
صبرت علي عدم الاستقرار لمدة أكثر من سنة بالرغم من انه وعدني في الخطبة ان نقله مضمون .. وقلت مو مشكله أصبر لحد ما الله يفرجها..
حاولت أنقل لمدينته اللي كان موظف فيها بالقطاع الخاص مع اني مشترطة عليه اني ما انقل وقالي مو مشكلة انا انقل عنده..وهو لحد قبل 5ايام كان يفكر يبعد عني مرة ثانية لولا ان الوظيفة واحدة ويبيها لاخوة..
ساعدته ووقفت معه ولاتقولي انتي تمني .. انا ما امن هذا زوجي ولازم اوقف معه بس ينسي كل شي قدمته له بهالسهولة .. وما يوقف معي لما احتاجه ولا يفكر فيني ولا يسأل عني .. هذي صعبة وراح تترك أثر كبير فيني للأسف..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

…………



تعرفين وين (المشكلة) …؟

المشكلة ان عندك (صورة) معينة لردات فعل زوجك (تحبينها أنتِ) و تتصورين أن زوجك راح يعبر لك عن حبه و اهتمامه بنفس (الصورة) و الحوار اللي يدور في (مخيلتك) …علشان كذا تنصدمين
…… هو زوجك و عنده مواقف تدل على (مكانتك) عنده و (حبه) لك … بس هو يعبر فيها بطريقته الخاصة لانكم مختلفين في التفكير و الرؤية … بالنسبة لمرضك معك حق كان من المفترض يسالك على الاقل عن حالتك

*بعض الامور حاولي تعوديه عليها لانك (تحبينها)منه بطريقة لطيفة غير مباشرة و ( ذكية) …

*بالمقابل فيه اشياء (أنتِ) تعودي عليها منه علشانه يحبها و من أطباعه خاصة إذا ما تسبب فجوات و مشاكل

*و بعض الامور اعيدي النظر فيها مرارا لان ( ربطها بالاهتمام و الحب) لا يستحق صراحة / كالوظيفه بالعكس شوفيها بالمنطق أكثر من العاطفة … و لا تربطين كل شيء بحبك و اهتمامك


ربي يوفقك و يسعدك

حبيبتي انا طلبت منه شي واحد وقلت له هالشي مرارا وتكرارا انا ما ابي منه الا حبه واهتمامه ما طلبت منه شي أبد ..

تدرين الصدمة اني اشوف ردة فعله من زعل اخته من زوجها وكيف انه يطلب من اخته كيف تعامل زوجها ويقولها ان زوجها يحبها ومستحيل يفرط فيها ومحاولته انه يكلم زوجها ويوصيه علي اخته وكيف انه مهتم بأخته رسايل واتصالات واهتمام وانا مالي شي من اهتمامه .. انا ما اقارن عشان ماتقولي لي لاتقارني وعارفة ان هذي اخته ومسؤولة منه بس أنا وين موقعي من الاعراب!!!

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

الحب و الاهتمام مطلبك و مطلب كل امرأة أكيد
و ماني ضدك في رغبتك للحب و الاهتمام لانه شي تتعطش له النفس

أنا جالسة أشرح لك أنه أنتِ عايشة مع إنسان يختلف في التعبير عن الاهتمام ( عنك) بالاضافه لانك ( تتوقعين) منه أمور عاطفية ماهي من طبيعة شخصيته … و اذا ما صار نفس ردة الفعل اللي متخيلته ( تنصدمين)
موافقته على التلقيح الصناعي هذا دليل على حبه لك و انه حاب يرتبط فيك ( بطفل) و يشاركك في تكوين ( أسرة) و أنك تكونين ( أم) لابناءه إن شاء الله رغم انه كان مصر ما يسويه ……
و اذكر انك كتبتي انه يتحمل الروحة و الرجعه يوميا لعمله (علشانك) هذا مو رغبة منه في البقاء ( بجانبك) ؟

انت تعرفين الرجال يهمه منصبه الوظيفي كونه ( مسؤول) عن بيته حتى لو انك تساعدينه يظل مسؤول … و بعض الفرص ما تجي بالسهولة فاتباع. المنطق فيها أفضل من اتباع ( العاطفة)

و انا قلت لك اللي (تحبينه) منه من طرق للتعبير العاطفي حاولي تعودينه عليه بشكل غير . مباشر بنفس الوقت راعي اختلافه عنك لان واضح انك ( رومانسية و رقيقه الشعور) وهو اقل من الناحية هذي

وين موقعك من الاعراب؟

أنتِ شريكة حياته تشاركينه تفاصيل كثيرة و تشوفين عيوبه و حسناته / طيب قبل زواجك كنت تتعاملين مع الزميلة مثل الاخت؟ احيانا تتجملين قدام صديقاتك و تحاولين تخفين جزء من صورتك عندهن لان وقتكم مع بعض محدود لكن اختك غير تشاركك تفاصيل اكثر و تشوف صورتك الكاملة …

كذا انت و زوجك و زوجك و اخته …
و هذا ما يمنع انك تاخذين منه نصيب من الاهتمام و السؤال حاولي تشوفين لك طريقة مناسبة ما ينفر منها تعودينه فيها بذكاء على انه (يكثر) من السؤال عنك و يظهر اهتمامه … فيك بطريقة تحبينها

حاولي ما تربطين كل موقف ( بالاهتمام) و لا تخلين العاطفه نظرتك لكل موقف () العاطفه لها وقتها و كل انثى تحتاجها و المنطق ( قائد) القرارات ……