اسأت لزوجتي كثيرا وطلبت الطلاق(حُلت المشكلة الرد 24)
السلام عليكم ورحمة الله وبركاته
قصتي باختصار محتار ما ادري انهي زواجي او انتظر
كنت احسب زوجتي تحبني ومهما سويت راح تسامح زلتي
عشرة عمر والله هذي الي قاطع قلبي تسع سنين
وشي من تانيب الضمير
تزوجت والحين عندي ثلاث اطفال ولله الحمد وراح اكون صادق مع نفسي
قبل ما اكون صادق بسرد معناتي لان اريد حل
تزوجنا وعشت مع زوجتي للامانة كنت قاسي واستغليت طيبه قلبها وتسامحها
وصبرت الاجوديه علي طيلة حياتي معها
اسب اشتم ممكن اضرب ما هوب الضرب الي يوجع ادفها وهي بعد احيانا تدفني اروح اسافر اطلع البر
وهي بالبيت عند بزرانه بس للامانه اقول لها وش تبين بديل عن روحتي للسفر او طلعتي للبر
وكانت تطلب يا بعد قلبي شي بسيط
واصبرت رغم قسوتي عليها ورغم تصغيرها وتحقيري لها
بس للامانه والله اني سخي معها بالمادة بشكل جدا رائع
ممكن اسوي لها اشياء تطلبها بالايام العادية مثل روحت السوق
وانفذ لها ، بس متى يمكن بعد طلعة الروح
بنتي الصغيره عمره 5 اسنين وانا افضله عليها حتي ملابس بنتي اطلبها
من خارج المملكة بريطانيا وامريكا سوى للمناسبات او الاعياد وهي طبعا لا
بس تختار المقاس للبنت والملابس وانا اطلبهن وهي لا
وصبرت تسع سنين
يوم الله اراد اليوم الي الله لا يعيده
دقت على قالت اختي عندها حفله وابيك تمسك البزر الصغير
عمره سنه مجرد ساعتين ارجع اخذه واعطيك الي تبي
قلت لها لا ولا تروحين الا معك البزر قالت ما اقدر
تحمله ساعتين اصريت لا واذا طلعتي بدونه لا ترجعين
وكنت مصر جدا دخلت العصر للبيت ولا المره مره ما هميته
حسيت ان هذي ما هيب زوجتي الحبوبه
متمسكة انها تروح للحفله بدون الطفل وانا تمسكت بموقفي الرافض
وتقول اهلي يبي يمرونن ياخذونن معهم
وقاعده تجمع عفشها وتقول خلاص انا بيعتها شي ما كد شفته بزوجتي
يما قلت اطلعي روحي لاهل وتتمسك بالبيت يما طردتها وقلت انقلعي ولا سوت كذا
دقيت على ابوه قالت تري اذا طلعت بنتك بدون الولد لا ترجع
بكل برود رد علي انت صاحب القرار ولو نبي نتدخل تدخلنا من زمان
حسيت انه هي واهلها انا طالع من خشومهم تعوذت من ابليس
ورحمت اعيالي رحت وديتها انا علشان تطلع مع ولدها وامسك الطفل انا بعد
واخذت شنطه كبيره معها بها ملابسها طلعت من الحفله وقالت ودني لبيت اهلي
ودي اريح من الضغظ النفسي الي على وديتها وبديت اراجع كل السنين الي مضت
حسيت اني قليل ادب حسيت اني ظلمتها كثير حسيت اني كرهت نفسي
ليه كذا ليه سويت كذا رغم اني احبها موت
انا ما كنت مخطط لحياتي كذا
حسيت بلحظة اني انسان فاشل.
ندمت كثير كان احد صحاني من شي من اسنين المفروض اصحا
مدري ليه حسيت اني كانت عايش بعالم ثاني وحياتي بعالم ثاني
بعد كل الندم حاولت اصلح ما بقاء
دقيت من بكرا وردت وكانت تبكي وتقول طلقني يكفي تعذيب معك خلاص
ابرتاح اهلي مره متاثرين علشاني ريحني يا اخي
ارسلت لها كلام كثير من ضمنه انتي سبب من الاسباب
ليه من زمان ما اتخذتي قرار وزعلتي وخليتيني اصحا والله ندمت والله ندمت
كانت صدمه بعد ما حسيت بالندم وفكرة ابدا اعوضها عن شقا كل السنين
تطلب الطلاق وكانت مصره عليه قلت الي تبين راح يصير بس هدي
لاني كنت حس فيها ضاق صدري من تانيب الضمير بديت ارسال لها كلام
والله انه حقيقي اني ندمت واني اكتشف اني ما اقدر مستحيل اني اطلاق
انتي الغلاء انتي دنياي وهدات الامور حبه حبه والحمد لله
رحت شريت هدية قيمة جدا جدا جدا وغاليه
وارسلت رساله انه ما يسواء شعره من راسك
ردت وقالت ما لها داعي التكلف وجرحتني الحقيقة
ورديت قالت شكرا اجل ماله داعي التكلف
كنت انتظر رد يشجعني ويحسسني اني سويت شي لو بسيط
ردت علي برساله قالت انا اعرف من انت يا بو ...... واعرف انك ما تجيب الا الغالي والثمين
ولا تلومني انا تعبانه منجرحه
هي تقول ما ابغاء الا الموده والتفاهم
الان الوضع ارسال كثير من الرسايل وللاسف الرد بخيل او ضئيل منها
ادق كثير بالتلفون ما ترد واذا كثرة الاتصال ترد وتقول ما نيب عند الجوال
قلت له عند اجازة وابغي اروح انا وانتي سواء بعد العيد قالت اصبر لا تسوي شي
ما ادري انا ما ادري وش يبي يصير
والان كانه بدت تخف من ناحية السفر راحت السوق قالت تقضي للسفر ودوري لي بدل حلوة
وبنبرة حزن حسيتها تقول ان شاء الله
بالمقابل من ناحيتي بديت احس اني اهين نفسي بكثرت الاعتذار
بديت احس انه خلاص ما فيه رجعه بديت احس انه تحاول تهينني
لدرجة ترسل تقول انا ابروح للسوق تعال خذ العيال ومن ضمنهم الصغير طبعا
اروح اركض احاول ابين له اني تغيرت لكن ما ادري احس المره هذي باعتني خلاص
ومهما كان انا رجال عندي كبرياء لما تهمشني لا ترد على مكالماتي لا تعطين امل
تجرجرني تحاول الان اي شي تشوفه تحطن انا غلطان
انا والله بدأت افكر فعلا اني اطلقها للامانه حاولت كثير وهي تقول اصبر
ما ادري شكله ما تبين قلت لها من شان العشرة من شان العيال من شان كل شي بيننا
اذا كان مالي موده عندكم لا تخليني احطم اهين نفسي على سراب
والله اني احترت معها قدمت اعتذارات و قدمت هدياء قدمت كل شي له
ولا ادري اطلقها وخليها بسلام وانا بسلام او اصبر لعل الايام تجمع بيننا
ما ادري افكر اقول لو طلقتها يضيق صدري شهر سنه اسنين بس مصيري انسا
واقول ان زدت من تجديع روحي لها اخاف ترجع لكن بس تفرض علي اشياء
حتى لو كانت غلط اخاف ترجع للانتقام بس والله اني احترت وش رايكم
هل اذا طلقتها هي راح تكون مبسوطه او اذا طلقتها ازيد همه هم
انا تهمني ام اعيالي ابغى الي يسعدها
تعبت وامل مساعدتي رايكم
عذرا حذفت الصورة لأنها مخالفة
التعديل الأخير تم بواسطة ماريا ; 06-07-2011 الساعة 08:31 PM
السبب: أخطاء إملائية و نحوية
06-07-2011, 04:23 PM
ضوابط المشاركة
العرض الشجري