اللهم امين اللهم امين اللهم امين
جزاك الله خير اخي الكريم وسأخذ بحلك وان شاء الله يكون فيه حل

وعليكم السلام ورحمة الله وبركاته
اعجبني رد قلب صافي الله يسعدهاا ممكن تعمل به وان شاءالله ربي يسخرهالك ياكريم ويهديها

__________________
دعواتكم لي
الله يجزاكم خير

غالباً اذا كان حمل في بداية الزواج تتغير نفسية الزوجة وتكون مشاكل وآعذرها ممكن تكون متنسية عليك آنا بحملي كرهت زوجي وآغلب النساء بالحمل تكره ريحة الطبخ ..

__________________
وإني لأرجو الله حتى كأنني ... أرى بجميل الظن ما الله صانعُ .

اول شي مبروك اخوي ..

بس وربي تضحكون تركضون على الزواج وبعد كم شهر تطلع المشاكل و تقولون ما نقدر نتحمل

الحياة يبي لها صبر واسلوب في التعامل

و زوجتك واضح من كل كلامك أنها صفيرة وما عندها ذاك الادراك الكبير .. فلازم تاخذ هالشي بعين الاعتبار

محتاجة للزمن والصبر عشان تتعلم وتنضج .. وانت يا أخوي لازم تتقبل هالشي

يعني مو تتزوج وحده في عمرها وتبي مخها وعقلها وتفكيرها مثل عقل ومنطق وخبرة وحده في اربعين

الانسان ما ياخذ كل شي من هالدنيا ..

أما وحدة في سنك وتفهمك لأنكم تعيشون نفس المرحلة العمرية أو وحدة اصغر منك وتصبر عليها




ماتسمع الكلام في كل شي

1 فلت لها لاتلبسين كعب طبعا خايف عليها وعشان هي حامل وماسمعت وتلبس

أكيد متعودة تلبس كعب عالي طول عمرها .. و تشوف نفسها مو حلوه ولا انيقه بدون الكعب العالي

انت بس كلمها بهدوء وعلمها ليش ما تبيها تلبس الكعب .. خلها تفهم سبب طلباتك عشان بس ما تحس

انك متحكم فيها .. لأنها هي مو حاسه شنو سالفتك والموضوع بسيط جداً بس انت مكبره

قولها مثلاً أنا خايف على ظهرك .. ترى اهم شي في المرأة ظهرها إذا خرب

ما تقدر تتحمل جنين ويمكن لا

سمح الله يقولك الطبيب نامي على ظهرك طول الحمل لو تعبتي نفسك او صار شي لظهرك .. خلك بعافيه

ربك تروحين وتجين احسن لك

انتي في عيوني حلوه بكعب ومن غير كعب .. >>> بس المشكله انها تفكر في الناس بعد مو بس فيك


- شيلي الدببه وماشالتها لين خلتني اشيلها

انا والله مثلك مستغربة من سالفة الدببة .. الظاهر ناقصها حنان من أمها

ما حضنتها ولا حست بدفئ حضن أمها .. عموما راح تبطل هي بس يجي البيبي الجديد وتبدأ تعطيه حنان

اصبر عليها شكلها طفله ومدلعه بعد


-وقلت شيلي المجلات ولاشوفها بالغرفه وماشالتها

مراهقة توها عندها ادمان مجلات .. وتغريها هالعناوين البرقة .. وأخبار الفنانيين والموضة .. واشياء تثير

الفضول .. كلنا مرينا بالهمرحلة .. وبطلناها الحين .. الحين نادر امسك مجله

إلا اللهم إذا رحت مكان وابي اقضي الوقت اجلس اتصفح فيها

- واطلبها اي شي تقول اوووف او استغفر الله -

ايه مو متعوده احد يطل منها شي .. هي متعوده انها هي الي تطلب وينفذون لها ..

والي مو متعود كل شي يصير عنده ثقيل حتى كاس الماء لو تطلب منها تقول اووووووف ليش تقومني من مكاني

بس الصراحة المفوض اهلها فهموها ان الزواج مو لعب .. يمكن يصير لعب في البداية بس بعدين لا

المفروض يفهمونها بصير معك كذا وكذا واعملي كذا .. بس ما حصل لها احد يعلمها .. والناس هليام صايره

كذا اهم شي يزوجون البنت يخافون تعنس ولا يهمهم يفهمها يخلونها تمشي كذا وتتعلم لحالها .. عقب ما

تذوق المر

ايش تسوي اقعد انت فهمها ..




2- من يوم تزوجت ما قد اكلت معي الا مره وحد بس تجيب الاكل وتروح غرفتها وتقرا مجله او تقعد على

الجوال وفهمتها اكثر من مره تاكل معي وتقوول كلمتها الشهيره واللي غثتني فيها مااالي نفس ومن كثر

ماسمع ذا الكلمه سرت اطفش منها ومن الحياة كلها لاني ابيها تاكل معي

لا اهي شنو سالفتها متعوده تاكل متى ما حست بالجوع ولا تفكر في أحد يعني يمكن في بيت اهلها كذا

متى ما جلست من النوم كلت .. متى ما حست تبي غدا دخلت المطبخ وكلت .. ولا تفكر انها تاكل مع أحد

لأن يمكن كلهم متعودين كذا .. كل واحد متى ما طرا على باله الاكل كل لحاله

وربي صرت اسمع صحيح العالم صايره هالشكل ..

وهذا الشي في نظرها مو جريمه لأنها كانت عايشة حياتها كذا قبل وما حد انتقدها

بس الحين المفروض تعرف انها متزوجه وبيتها غير بيت ابوها .. بعد الزواج الانسان ما يفكر بنفسه وبس

انت اجلس فهمها وتكلم معاها وقول لها تعالي اكلي معي عشان تفتحين نفسي ماحب اكل لحالي

و في شي ثاني بالنسبة للمطاعم .. يمكن للحين تستحي تاكل جنبك .. صدقني في بنات كذا

خلها تتعود عليك .. البنات حساسيين يفكرون في حاجات ما تخطر لكم على بال

قولها بنروح المطعم بتاكلين نطلب ما تاكلين نقوم احسن .. شنو متزوج صوره وإلا ادميه >> امزح معها

علمها تاكل معاك عشان تتعود



ودايما اجي من العمل والقاه يا عالجوال او المجله مافي يوم فرحتني وقالت مثل ماتقول اي بنت ترحب

بزوجها وتهليبه وتاخذ شماغه وتشوف وش يبي ابدااا مافي هذا الشي عندها

-- اذا جيت اسلم واناضر ابي تقول شي مافيه شي واروح اجلس في غرفة الجلووس ولاتجليني وتسوي

شي لي او اقل شي تجبر خاطري بكاس شاي لحد ماتجبرني واجيها واشوف وش فيها وتقول ماافي

شي --- والله طفششششششت مهالحياة معها

يا اخوي صغيره على بالك وحده ناضجه ولا تدري شنو في مخك .. ولا حد علمها تعمل هالأشياء و لا تدري

شنو اهميتها .. وهي اصلاً مو فاهمه شنو زواج

ولا ايش دور الزوجه .. تفكر تعاملك مثل اخوانها يزعلون ما يزعلون ما تدري عنهم

وهي تحس انها مالها دخل في زعلك .. مدام ما زعلتك ما عليها منك >>> هذا الدلع وما يسوي

انت تفكرها انسانه ناضجة بس اهلها معودينها تعيش لنفسها .. ما عمرها تحملت مسؤوليه

انا احياناً استغرب لما اروح المستشفى اشوف الأم جاية مع بنتها مو صغيره .. والأم هي الي تتكلم

كنها توها صغيره .. لا والأدهى والأمر يوم كنا نسجل في الكليه في امهات جايين مع بناتهم وماسكين

اوراقهم ملفاتهم على بالهم بيسجلونهم في ابتدائي .. بالله عليك إذا ناس هذا تربيتهم وين يتحملون

مسؤوليه ..

الله يعينك زوجتك محتاجة تثقيف من الألف إلى الياء .. اشتر لها كتب بهذا الخصوص وخلها تقراهم بدال

المجلات .. أو خلها تحضر دورات .. وإذا صار برنامج في التلفزيون نادها تجلس معك وتشوف وتسمع وبعدين

تناقشو ا فيه .. لأن الحين هي مافي مخها شي عشان تتناقشون فيه ..

الي اهلها علموها عليه طلع وانت شفته خلال الـ 5 شهور .. غيره ما عندها

إلا صحيح ..

كم عمرك ؟؟ وكم عمر زوجتك ؟؟

عفواً على الفضول

ما في شي بدون سبب .. واكيد تصرفاتها في لها سبب .. حاول تشوف الأسباب وتعالجها بحكمة ..

وإذا بتقول ما في سبب فإسمح ان اقول ان زوجتك دليعة وما عندها احساس ..


الله يهديها إن شاء الله ويسخرها لك يااااارب ..

1. أخي الكريم بعد الاطلاع على الموضوع تبين ان فترة الزواج ليست كافية للاخذ بالحياة الزوجية ( لا توجد عشرة كافية )

2. يبدوا ان زوجتك صغيرة في السن لا تدرك الحياة الزوجية جيداً .

3. تجاهل الامور لصغر سنها اذا كانت صغيرة في السن فعليكم الهدوء ومراعاة السن .

4. لربما تستحي منك او لا توجد محبة لحد الان فعليك اشعال المحبة بشكل أكبر .

الف مبروك الزواج


استحمل شويه ،شكل العروس صغيره في السن


ثم الحمل زاد من الدلع




نصيحه مني شد وارخي


والله ما شاء الله صهري زوج بنتي طوعها مثل ما يريد


مع ان بنتي دلوعه ولكن هو يدلعها وايضا يقول لها بس ارجع من العمل بدي البيت مرتب



واريد كذا ،



نصيحه مني خذ واعطي وشد وارخي



كثر من امثالك في بداية الزواج حصل معهم هيك


وقت يجي البيبي ما رح يكون عندها وقت تحك راسها


عشان الكعب العالي ما تخاف وقت تحس انه يتعبها رح تتوقف عن لبسه



ياما لبسنا الكعب العالي والآن زحف



خلي فترة الحمل تمر علي خير

انا ان زوجي يطعميني بيده اول زواجي ووقت بدا الوحم ما كنت اقدر اجلس معه على الطاوله

ولم اكن استطيع ان آكل اي طبخه انما كنت اطبخ له بيدي وهو ينظف الجلي ما كنت اقدر اشوف الجلي




صدقا غدا ستتذكر هذه الايام وتضحكو على انفسكم انت دايما ادعو الله ان يحبب زوجتك فيك ويحببك فيها

__________________
http://live.gph.gov.sa/
اللهم اني استودعك اولادي

السلام عليكم ورحمة الله وبركاته
اشكركم على المرور والردود الجميله
اخواني من ناحية التفاهم والنقاش والتعليم والله علمت كثثير وقلت لها شوفي حياتي عندي اشياه احبها وابيك تمشين فيها وفي اشيا ابدا ماحبها وتجنبيها عشان تكون حياتنا مليئه بالحب والسعاده وطرحت عليها الفكره كامله ولكن بدون نتيجه من ناحية صغيره سن ماتوقع عمرها صغير الحين تقريبا عشرين وانا اكبرها بخمس سنين بس البلاء انها ماهي معتبرتني زوووج ابدا وحقوقي اللي مفروض تسويها لي مالقيتها معها

عندي سؤال -- كل وحده تزوجت تبي تسوي كل شي لزوجها وتبي ترضيه وتبي تهئ له الجؤ الصافي

حاولت بجميع الطرق وجميع انواع الاساليب ومانفعت معها