المشاركة الأصلية كتبت بواسطة سموره ☆

شكرا لكم ...

مو كبر يا اخي بس لانه نبهني اذا جيت اعتذر مارح يقبل عشان كذا كنت مستثقله بيقول هذي ماعندها كرامه انا قايل لها لا تجي تعتذر وجات ؟؟ هذا اللي احسه انا ورغم هذا
اعتذرت له بس مو راضي يرضى ويقول اعتذارك مو من قلبك !! ... وهذي مو طريقة اعتذار لأنك اللي سويتيه شي كبير .... كان ودي اقوله ليه انا وش سويت بس حسيت انه بيقول اني مستصغره حجم اخطائي ... قلت له طيب علمني كيف اعتذر طبعا كنت اقولها بمزحه ... قال مابغى اعتذار ولا ابغى اتكلم معاك حالك حال قطعة الاثاث بس انتي اقدم من الاثاث ... حاولت امسك اعصابي وماهتم لكلامه لاني حسيت انه يبغى يخليني اعصب ... قلت له بس انا شايفه نفسي جديده وحاولت امزح واضحك معاه وكان يسوي نفسه مشغول بالجوال وكل شوي يتصل على اصحابه او على خواته او اي احد يبغى يقطع كلامي واذا خلص من مكالمته يقول ايه كملي وش تبين تقولين ... وانا اخذ نفس واتعوذ من ابليس واكمل واقول بنفسي هذا اختبار لي ولازم انجح وماعصب ولا انكد ... وبالاخير يقول خلصتي يلا طفي اللمبه بنام وطردني من الغرفه وقال روحي نامي عند بنتك ... حسيت بالاهانه طلعت من الغرفه قفلت الباب بقوه ودخلت غرفة بنتي وقفلتها بأقوى من القهر اللي فيني وجاتني رساله منه فتحتها شفت مكتوب كسر في ايدك ...مارديت عليه جلست نص ساعه بعد ماهديت ارسلت له رساله اعتذار واني احبه وكلام كثير ... قال ايه يبين وامتناعك مني هذا دليل قوي على حبك لي .. قلت له ان عندي عذر شرعي ... ومن بعدها ولا رد صحيت الصباح قبله وجهزت الفطور وجلست معاه افطر ونفس الحاله هدوء وملل وطلع للدوام .. ارسلت له بعدك زعلان مني ... قال على ايش ؟ ... قلت له على كل شي ... وبرضو ما رد علي ...

هل هذا يكفي اللي سويته احس اني سويت شي فوق طاقتي مو متعوده على هذا الشي ..
ابي نصايحكم لي لا عدمناكم

المشاركة الأصلية كتبت بواسطة ريتاج2016

خلاص اعتذرتي لاتعتذرين اكثر .. المهم خليك ع طبيعتك هذي وطبعك الجديد ومهتمه بكل شي و اكشخي و اذا خلصتي من العذر اكشخي له حق ليله حلوه وبعدها تتصالحون ان شاء الله .. لان انا زوجي كذا عنيد لما يزعل واحيانا اعتذر مايقبل و اجلس اكشخ وبعدها نتصالح .. انتي استغلي هالنقطه و اسفه على الجرأه شوي بس اتكلم لمصلحتك ومن واقع تجارب مريت فيها وتخلصت من الزعل بهالطريقه

المشاركة الأصلية كتبت بواسطة *أمة الرحمن*

وفقك الله سمورة
لا تغفلي عن الاستعانة بالدعاء

جميل اعترافك بالخطأ و أخذك بالنصح
جزى الله خيرا كل من أهدى لك عيوبك و كان سببا بفضل الله في تفتيح عينيك عليها فكل الردود فيما اطلعت عليه اتخذت منحى واحد
أذكرك بالحديث سمورة
ألا أخبِرُكم بنسائِكم من أَهلِ الجنَّةِ ؟ الودودُ ، الولودُ ، العؤودُ على زوجِها الَّتي إذا آذت أو أوذيت ، جاءت حتَّى تأخذَ بيدَ زوجِها ثمَّ تقولُ : واللَّهِ لا أذوقُ غَمضًا حتَّى ترضى
و أوافق مهرة سوى في نقطة ترك الغرفة اسعي ما أمكن على عدم هجر فراش الزوجية فهي خطوة تزيد في رفع الجدر و لا تهدمها و اياك ان تبادري انت اليها حتى ان طلب منك هو حاولي احتواء الموقف و تجنب تلك الخطوة
استمري في تمالك نفسك و ترشيد ردود أفعالك و ستنجحين ان شاء الله
تراكمت مواقف زعزعت ثقة زوجك في حبك له و عليك اعادة بناء تلك الثقة و تعزيزها و هذا يحتاج منك صبرا فالهدم أسهل من البناء
و الدليل على زعزعة تلك الثقة سعيه لاثارة غيرتك بأي شكل
يريد أن يحس و يتأكد أنك تحبينه و تتمسكين به و لكن في انفعالك تصدر منك تصرفات ترسل رسائل عكسية للأسف
هدد بالزواج من قبل
و من ثم السفر و اعتقد أيضا انه مجرد تهديد و استثارة لغيرتك و الا لاستغل التوتر الحاصل و سافر
زوجك يحبك و هذا الأمر جلي في تعامله معك فلا تضيعيه و اعملي جاهدة على تعزيز ثقته في حبك له و أظهري ذلك بالأفعال قبل الأقوال
أظهري الحرص على فعل ما يحب و ترك ما يبغض و حاولي تمالك اعصابك أسأت له في كثير من المواقف فحاولي التغاضي عن الإساءة منه حتى تعود المياه إلى مجاريها
و استمري ما شاء الله عليك اللهم بارك فأنت في الاتجاه الصحيح أحسنت يا سمورة أحسنت و تأكدي كل ما تفعلينه من أجله يفرحه من داخله و إن أظهر اللامبالاة أو قسى في الرد فهو يحاول افراغ غيضه
استمري و ستجنين الثمار قريبا بإذن الله
و أما الحرص فمعظم الرجال حريصون على غير طبعنا نحن النساء ففينا شيء من الامبالاة يعتبرونه إهمالا و كم عايشت مواقف شبيهة مع والدي و من ثم زوجي فلا تأخذي الأمر بحساسية و راعي اختلاف الأطباع
و امسحي من بالك فكرة التمنن انظري للنصف المملوء من الكوب كريم معك و يسعى لإسعادك فأظهري السعادة بما يجلبه و يهديه لك و اشكريه عليه و سيخف ربما ما تعتبرينه تمنن ربما هو يريد ان يلفت نظرك كم يقدم من أجلك و كيف يسعى جاهدا لإرضائك في المقابل ردة فعلك تبدو له باردة لا تليق بعطائه
ربما لما قال لك واجبك يريد أن يصلك إحساسه
قد اعتذرت ولا يعيبك ان تعتذري بل يرفع من قدرك الآن اعملي على استعادة ثقته و تمتين حبل الود بينكما

المشاركة الأصلية كتبت بواسطة Lofty

!!معدنك طيب يا سمورة واصلي فما نتيجة الصبر الا الفوز و النجاح

المشاركة الأصلية كتبت بواسطة طمووحه

يردها لك فقط
يوم تقوليله تتمنن علي

تحملي كمان طبيعي ما بيرضى بسرعه

المشاركة الأصلية كتبت بواسطة ريتاج2016

خلاص اعتذرتي لاتعتذرين اكثر .. المهم خليك ع طبيعتك هذي وطبعك الجديد ومهتمه بكل شي و اكشخي و اذا خلصتي من العذر اكشخي له حق ليله حلوه وبعدها تتصالحون ان شاء الله .. لان انا زوجي كذا عنيد لما يزعل واحيانا اعتذر مايقبل و اجلس اكشخ وبعدها نتصالح .. انتي استغلي هالنقطه و اسفه على الجرأه شوي بس اتكلم لمصلحتك ومن واقع تجارب مريت فيها وتخلصت من الزعل بهالطريقه

المشاركة الأصلية كتبت بواسطة لست كغيري*

ياحبيبتي ذكرتيني فيني قبل .. كنت ازعل زوجي وبعدين أرجع أعتذر منه .. وبعدين ارجع ازعله وبعدين أرجع أعتذر منه .. الين ماصار خلاص ماعاد يثق في اعتذاراتي ومايصدقها .. بس لما تغيرت وصرت ماازعله وماأزعل منه الا على الشديد القوي وهو لاحظ تغيري صار يداريني ويشتري خاطري .. واذا زعلت من شيء يبرر لي موقفه .. هذا اللي يحتاجه زوجك مايبي اعتذار بالكلام يبي اعتذار بالفعل .. يبيك تتغيري .. والله العظيم اني وأنا أقرأ تصرفاتك تضايقت وارتفع ضغطي بالرغم إن مالي في كل اللي يصير كيف عاد زوجك وشريك حياتك ..

لما رجع من الدوام وكنتي أنتي مغيرة في البيت ليش طلبتي رأيه؟؟ خليه هو يلاحظ من نفسه ويشكرك من نفسه .. لاتتطلبين منه يلاحظ ولاتطلبين منه يشكرك .. خليه هالشيء يجي من نفسه .. وماراح يجي كذا بين ليلة وضحاها .. يحتاج وقت الين مايتعود زوجك على سمورة الجديدة والين مايتأكد من تغيرك .. لانظني انه راح يرضى بسرعة لازم يلاحظ تغيرك ومن نفسه حتلاقيه تغير معك صدقيني ..

المشاركة الأصلية كتبت بواسطة لست كغيري*

الرجل يحتاج في المقام الاول إلى التقدير والاحترام.. ممكن يتنازل عن كل شيء إلا إن الزوجة ماتحترمه .. هذه الدرجة الاولى في ترتيب اوليات حاجات الرجل .. إذا حصل الرجل من زوجته الاحترام راح يبذل قصارى جهده في إرضائها والاهتمام بها.. وإذا حصل منها التقدير راح يبذل قصارى جهده في تدليعها .. والدلع والاهتمام هي الدرجة الاولى في ترتيب اولويات حاجات المرأة .. فعشان يشبع زوجك حاجتك الأولى يحتاج إنك تشبعي فيه حاجته الأولى

صدقيني لو طبقتي هالشيء حتشوفي رجل آخر .. وماراح تحسي إنه يمن عليك زي ماتقولي ولا راح يجرحك أبدا زي ماتحسي .. وراح تجي وتدعي لي..


نقطة أخيرة عاملي زوجي كما يحب الله ويرضى وأحتسبي ذلك عنده سبحانه وربك لن يضيع أجر من أحسن عملا..

نقطة أخيرة كوني له أمة يكن لك عبدا..