السلام عليكم ورحمه الله وبركاته


ترددت كثيرا في طرح مشكلتي .. وصار لي فتره طويله ادخل منتداكم واتصفحه واقرى فيه ..

انا صار لي سنتين ونص متزوجه ..و الحمد لله الله رزقني بتوأم ..

في بدايه زواجي وهي الاربع شهور الاولى عشت احلى ايام عمري مع زوجي .. وكانت من اروع اللحظات والايام غرقني زوجي بحبه وحنانه وبالهدايا ..

بدت مشكلتي من اول ماجبت عيالي ( الله يخليهم )
العلاقه بيني وبين زوجي مو مثل قبل .. يعني ماتصير بينا العلاقه الا كل 10 ايام مره تقريبا وماقمت احس يعطيني الحب مثل قبل

انا ماانكر لي الحين يناديني بحبيبتي ويقبلني لما يرجع للبيت اذا كان غايب عن البيت فتره .. بس احس العيال خذوا جزء كبيييييييييير من الحنان اللي كنت انا اخذه قبل .

انا صارحته فموضوع العلاقه بينا .. قال عندي مشاكل في هالفتره وانا اذا شاغلني شي ماعرف امارس الجنس

بس مادري ليش اوقات احسه باارد .. يعني انا البس له واتزين والحمد لله ماناقصني ولاشي وعلى فكره هو اختارني وتمسك فيني بشده وحاول بكل الطرق ان هلي يوافقون عليه يعني اختياره هو مو اختيار هله ..

يعني انا احاول قد مااقدر اتعدل له واروح له احضنه واقول له كلمات الحب والغزل يستجيب لي ويبادلني الكلمات لكن جنس لااا
حتى اني صارحته اكثر من مره وكل مره يقولي نفس السبب .. وانا ماانكر ان هالفتره مضغوط وايد

لكن انا اللي محيرني .. هو يحبني ومن ناحيه الماده احنا من عياله مستواها المادي عالي بالذات اهله وهو ماديا عنده لكن هالفتره عليه التزامات بحكم انه يبي يكون حياته .. بس مايقصر معااي بالهدايا ودايما اذا سافر يشترلي من اغلى وارقى المحلات يعني هو كريم لدرجه كبير ه

لكن انا اقوله مابي كل هالاشيا انا ابيك انت .. انا محتاجه حبك وحنانك .. يعني تخيلوا العلاقه اذا انا ماباردت هو مايبادرني ولا يطلبني .. مااحس انه شي مهم بالنسبه له بتقولون لي هو يمارس العاده السريه بقولكم شكيت فالبدايه وطبعا انا صريحه صارحته وقالي لا .. عيب تشكين فيني وتقولين لي هالكلام ..

يعني احس اوقا تاذا بينام معاي بس عشاني مااحس عشانه هو .. مع ان وقت العلاقه احسه مستانس ونهايه علاقتنا يحضني ويقبلني ويشكرني ..


بس سؤالي هو هل الرجل اذا كانت عنده مشاكل في شغله يأثر عليه ؟؟
وهل الجنس هو الحب ؟؟ يعني انا حياتي ماناقصها ولاااشي بس جنس ؟؟



اريد رايكم في شخصيه زوجي اللي احسها غريبه .



ادري طولت عليكم ..
لكن محتاجه مشكورتكم ..

تم تعديل العنوان ليتناسب مع النص ..

نقل الموضوع إلى عالم المتزوجين ..

نعم ياختي الكريمة يؤثر عليه لكن فترة وتعدي مثلا اسبوع او اسبوعين بانتهاء الضغط النفسي .

لكن لا بد ان تنصحي زوجك ان يبعد عن الضغط النفسي وانصح زوجك ان يحرص على الراحة النفسية وايضا يحرص على تناول العسل المخلوط مع غذاء ملكات النحل (( ملعقه على الصباح فقط ))

الله يوفقكم ويسعدكم مع بعض

__________________
جاء في الأثر أيضا خير الناس أنفعهم للناس .


ما أروع الانجاز والعمل المخلص اذا كان خالصا لوجه الله تعالى,, وكم من مؤمن وقاه الله شر صروف الدهر وأتراح الحياة فبارك الله له في عمره وماله وأولاده ووفقه الى كل خير وحبب عباده فيه، بسبب ما يقدمه في حياته[/SIZE][/B]

إذا قلنا أن عمره 27 عندما تزوجتما ، فإن عمره الآن 29 أو 30 . في قمة العطاء ،،

وفي هذه الأعمار لا يمكن أن تكون الضغوط النفسية متعبة إلى هذا الحد ، نعم في وقتها ، ثم تختفي .

و 10 أيام طويلة ،،، ولكن 4 أيام ليست كثيرة ....

لذلك اسمحي لي أن أطرح هذه الأسئلة ،، وأترك الإجابة لك ، ومنها ممكن أن تستنتجي شيئا .

هل يغيب عن البيت فترات طويلة في غير ما يقتضه العمل ؟؟

هل يسافر كثيراً ...

في حالة اللقاء بعد 10 أيام من الانقطاع ، هل تكون كمية المني معقولة أو قليلة .

هل تنتبهي إلى طعامه ونوعيته ؟ من ناحية فائدته ..


وقبل هذا وذلك ،،، لا تجعلي الجنس هو مقياسك في الحب من عدمه ...



!

__________________

صاحب راي سديد .. اشكرك ع النصيحه

arbab

هو الحين عمره 27 .. وزوجي عنده طبع اذا هو يفكر في شي او في حاجه شاغلته يتم طول الوقت يفكر فيهاا .. وانا اقولك الضغوط هاذي مو سهله يعني مشاكل نوعا ما مو بسيطه ..

نعم يغيب عن البيت يعني هو يا تلاقيه ينام لفترات طويله يعني مثل ماتقول عشان ينسى .. وعنده دوام من العصر لين بالليل الساعه 12 او 11 اوقات يجي يجلس معاي ويتعشى بس اغلب الاوقات يحب يروح يلعب الورق ( البلوت ) مع ناس بس اعرفهم من هلي يعني في المجلس وهم كلهم اكبر منه بكثييييير بس ناس اثق في اخلاقهم .. يوم اسأله واقوله ليش ماتقعد معاي يقولي والله احبج لا تحكمين على هالشي بس انا بعد احب اسهر ويقول احس اني اغير جو هناك انسى مشاكلي وماافكر ...

نعم يسافر كثيرا لحكم شغله لكن مايكثر عن اسبوع واعرف بالضبط هو ليش رايح ولاي هدف ..

كميه المني معقوله يعني كثيره مو انها قليله ..
وغذائه لا مو صحي ..

بس للعلم هو يحب التلفزيون كثير وانا اغلب الوقت اكون جالسه معاه ..
وهو مدخن كان مدخن شره بس من اول ماتزوجنا خفف كثير والحين مايستخدم السجاير يستخدم لو تعرف ( المدواخ ) بس هو يحاول بين فتره وفتره انه يخفف

هو مو متين واايد يعني وزنه ادي مناسب على طوله بس احس انه ماعنده لياقه .. حتى وقت الجنس احسه يتعب بس ماننتهي ومايقدر الا بوضعيه معينه ..

والله يااختي ماني متزوجة لكن باقول لك تجربة اختي

في البداية كان عادي وجاهم بنت والحمدلله ولم يتغير
وجاهم ولد
والظاهر والله اعلم انه خرب كل شي
لان حجمه كان كبير
ومره لمح لها بهذا الشي
واصبح قليل المعاشرة لدرجة انه يتركها شهرين موعشرة ايام
والولد صالح وبيتوتي ونفس الشي تتزين وزي كذا

وبعدها ولدت بنت وسوت خياطة اكرمك الله تسمى الخياطة السودانية
طبعا في مستشفى خاص
وبعدها رجع مثل اول ويمكن اكثر

ترى الرجال يخوفون

واذا كانت عنده ضغوط فهذا احتمال كبير جدا

اما اذا سويتي عملية قصيرية
فما اظنك زي اختي

والله ترددت في التابة
ولكن ربي شاهد علي ابغاك تستفيدين

__________________

الله يخليكم لبعض

إحساسي يقول نفس كلام أختي شروق السعودية لأن هالأمر مررره حساس ولاأدري يمكن يكون إحساسي غلط

وأنا كمان رأيي من رأي شروق السعوديه وعقود اللؤلؤ

أنتبهي لهالموضوع لأني اعرف كثير بنات مروا بنفس موقفك
وبعد ما عالجوا المشكله رجعت حياتهم مثل أول



بس
أنا ألي أستغربه ليش أغلب الرجال ما يصارحون زوجاتهم بهالمشكله ؟؟؟؟؟؟؟؟؟؟؟؟؟؟


أتمنى ألقى رد على سؤالي

مشكورين خواتي ع المساعده والرد

بس انا سويت عمليه قيصريه .. يعني ماتغير عندي مثل قبل

ويوم اسأله واقول له انت قاصرك شي ؟؟ يقولي انا راضي عنج .. واحبج واايد انتي اختياري

انا هذا اللي محيرني لاني احس هالكلام نابع من قلبه ..

ادعولي بالتوفيق وان الله يرجعلي زوجي مثل قبل ..

الله يوفقك ...

ويرجعلك مثل ما كان ...