انا كنت العام اسكن بعيد عن اهلي لظروف عملي .. والحمدلله سمعتي مرره حلوه .. المهم حتى اشغل وقتي اكثر خذيت دوام العصر مع مجموعه طيبه ..
وكان من ضمن هالمجموعه مشرفه علاقتي فيها حلوه وتنظر لي باعجاب جدا

المشرفه تسوولف عن بيتها اربع وعشرين سااعه لدرجه حفظت زوجها حفظ وزوجها منصب وكويس في المنطقه .. واتوقع انها كانت تتكلم عنده عن زميلاتها وانا من ضمنهم

الحاصل ..

ان زوجها بيوم ارسل لي مسج (( من )). رديت (( نعم )) رد بغلطان وانتهى

ما اهتميت

بعد اسبوعين وزوجته مسافره وهو بالمنطقه عندنا ما سافر معها (( اقابلك اليوم بعد المغرب ))

استغربت من هذا اللي بيغلط فيني مرتين دخلت الرقم النمبر بوك .. والاسم مميز مع منصبه

انصدمت .. وانقهررررت انه ليش يرسل لي انا مو سيئه

قلت لاخوي فورا عن المسجين (( وقلت لاخوي انا لو كان شخص ما اعرفه عادي بس شخص يعرفني يقهررررر ))

قال اتركيه واذا ارسل ثالث بتفاهم معه .. فعلا جلس اسبوعين وكانت الطااامه .. ارسل لي لوكيشن المستشفى اللي موجود في المنطقه واضحه انه افهمي انا حوولك ..

مت وحيييت .. من القهر والخوف انه ممكن احصله عند الباب

قلت اخوي .. ولما رجعت اخوي كلمه من جواله وفشششششله ..ما عرف يبرر و يقول ان هذا رقم زميلة زوجتي يعني عارف .. وانتهى الموضوع الحمدلله

رجعت داومت معها وعادي البنت عنظامها القديم وودوه وانت الحمدلله نقلت عند اهلي

المشكله وين ؟؟

هي رغبتها الكبيره انها تهجر بيتها لانها مو لاقسه نفسها بالمنطقه انصحها انا مليون مره انه لا وانه كوني مع زوجك وين ما يكون ومن هالامور اللي والله من قلب اخت..
تقابلت معها هالايام في منطقتي (( يعني البنت تعنت وجت هنا وقابلتني ))
ونفس الحديث دار بيننا ونفس الوضع صرت انصحها

واقول ترى بيتزوج او ما راح يظل خالي

قالت لي انتي سامعه شيء

قمت قلت لها اللي صار معي .. عادي تصرفت مع انها كانت تاكل وانا اسوولف ابلعت كل اللي قدامها 😂
وبرأته انه هو اصلا يستحي من ظلاله (( ودي اصدق ))
وانه انتي صديقتي وبحق الصداقه انه لازم تعلميني وما الى ذلك يعني رااحت وقلبها عادي علي وعلى زوجها مع انها كانت متهاوشه معه

اللي صار الان ومقهوره منه

انا ابي منها خدمه ضروريه .. ارسلت لها مسج اذكرها فيه حقرتني ما ردت .. قلت عشان ما تقول ما قريت بدق .. بعد حقرت مكالمتي

ما همني الخدمه اللي ابيها منها

لكن مدري الناس كيف ؟؟ يعني هو ابتلاني بنفسي و بعد تسوي كذا ..

هي ما تفكر لو ابيه كان خذيته بأسهل سهوله .. خفيف وعارفه تفاصيل حياتهم

وانا كلامي كله لها .. انه امسكي بيتك ولسانك عن خصوصياتك

مررره مقهوره .. خصوصا ان لي تواصل مع المجتمع اللي هي فيه وما ودي تطلع علي سالفه والله قهر خير تفعل وشر تلقى

تم تغيير العنوان ليتناسب مع المضمون

__________________
أعلل النفس بالآمال ارقبها .. ما أضيق العيش لولا فسحة الأمل

هلا بالغالية
كلامي لك
انصحي لله و اقفلي الملفات ، و اللي يبي يسوي شي حياه الله ..
الخير مو دايما يجي عقبه خير ، احيانا يجر كومة شر ( في ظاهره ) ، و من هنا يتميز المخلص لله من المرائي لعباد الله !

__________________
أشهد أن لا إله إلا الله و أشهد أن محمدا رسول الله صلى الله عليه و سلم

والله انتي طيبه وتفضلي الصراحة والوضوح للأسف هذا الأسلوب ما ينفع في مجتمع النساء وصدقاً خانتك الحكمة لما قلت لها زوجها غير مستقيم وأكيد هي مطلعه منه على أشياء أكثر مما ذكرتي لكن عادة المرأة لا تغلط زوجها وتضع اللوم على من اعجب بها وتجعلها ندها وخصمها حتى لو كانت ناصحة صادقة تجاهليها ولا تخبري أحد بما حدث حتى تموت السالفة

الله يوفقك

غلطتي يوم اعلمتيها

اعتبري علاقتكم انتهت ولا تحرجيها زيادة،

ايش تتوقعي منها، تقول لك يا صديقتي العزيزة شكرا وفعلا زوجي مايسوى؟ مافي وحدة تتقبل هيك كلام عن زوجها ولو عامل عمايل بتحس بالاحراج والاهانة.. حطي نفسك مكانها هي شايفة ان زوجها صغرها بعينك غلط غلط غلط الي عملتيه خلاص الله يوفقها ويصلح زوجها انت مصدر للاحراج وللالم الآن وهي تحاول تسترجع ماء وجهها بس مو عارفة كيف لذلك بطّلع حرتها فيك

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

رد فعلها متوقع وأغلب الحريم يتخذون نفس الموقف
زوجها أبقى لها وأهم من كل صديقاتها حتى لو كان غلطان

__________________

مع سلطان
اخطاتي لما ابلغتيها
المفروص تحتفظي بالمسجات في حاله هاجمتك صديقتك وتبلت عليك مثلا
لكن تبادرين غلط
وقمتي خففتي علاقه معاها
من حديثك هي انسانه ثرثاره
يفترص حطيتي هذا بعين الاعتبار
يمكن تحط السالفه فيك وتمشي تثرثر عند الناس
الله العالم مانبي بعد نظلمها

تصرفك كان خاطئ جدا
غير الاحراج اللي حطيتيها فيه
احتراما لها و لمشاعرها المفروض ما قلتي لها حرررررررف

علاقتكم كانت من فترة بسيطة حسب كلامك مفي تعمق يعني عادي ممكن تنتهي

هي بعد غلط منها تنشر حياتها وتكلم زوجها وبكل بساطة جاب رقمك سبحان الله

لا تتواصلي معها اللي صار صار

__________________
يا رب خاتمة حســنة ، وزلفى ، وحسن مآب ..

شكرا لتعليقاتكم اللي تجبر الخااطر..

وااخر مره انبه احد .. خلاص توبه

مع اني مو حاسه اني ابدااا غلط .. لكن لازم نراهي تفكير هالبشر

__________________
أعلل النفس بالآمال ارقبها .. ما أضيق العيش لولا فسحة الأمل

لا ماغلطت انت الصح ...
انت انسانه شفت الغلط وتكلمتي ..
ولا رضيتي لنفسك تكوني شيطان اخرس ..

ممتازه يوم عطيتي اخوك خبر عن تحرشه فيك ...
وممتازه يوم خبرتي صديقتك عن غلطة زوجها لعلها تعي وتفهم وتنتبه لحالها مع زوجها ..

لايهم ان قطعت علاقة الصداقه معك
المهم انك نبهتي وفعلتي الصح ..

اذن ليبقى راسك مرفوعا دوما فانت انسانه صريحه وواضحه ..لم ترتكب خطأ

وتصرفهم الخاطئ تجاه صراحتك غلطتهم هم لا غلطتك ..