شوك

أبغى اصير قوية مثلك

لا تبخلي علي .. محتاجتك

الفترة الماضية ، عزمتهم ..
و أصلا عزموا نفسهم عندي كلللللهم ..
و قالوا له ، شوف نحن اليوم الفلاني عندك و جهز نفسك

لكن زوجي تهرب منهم عشان لا يفتح باب على نفسه .. و مع انه زوجي يحب الضيوف و الناس و العزايم ..
و لما أهلي يزوروني ، ما يقصر معاهم .. و يوصيني اني ما أقصر أبدا في الضيافة ..

( لكن أهله مو مثل بقية الناس .. تجاربي معهم بداية الزواج / و تجارب سلفاتي معاهم .. كفاية مرة )

و صار اخوه يدق بالكلام و زوجة أخوه كمان تدقني بالكلام ..
مع إنها اكثر وحدة مقهورة من أهل زوجي .. و مقهورة اني ليش ما اصير مثلها ..
( عندي سلفتين .. وحدة طيبة و تحبني و مظلمة مسكينة و اللي عاشت معاهم سنوات / وحدة لا .. سوسة )

المهم ..
أنا أرد عليهم بطريقة دبلوماسية .. و أجاملهم قدر المستطاع ..

و فعلا فعلا فعلا ..
نزلت السوق و صرفت 1000 ريال أقل شي عشان استقبلهم ببيتي ، و لإنه أولادي قطعوا الكنبة الجديدة ..
هذا بس تحسينات للبيت ، و غير مصاريف الأكل .. الي كنت حاسبة حسابه ..


زوجي تفاجأ و قالي مرة ما كان له داعي ..
و صرف اهله و تهرب منهم ..

.
.

يعني نيتي و الحمد لله كانت صافية و تمام ..
و اتصلت على أخواته و عزمتهم و كلمت أمه و عزمتها ..

بس زوجي ما يبغى ( لإنه أكيد فاهمهم ) ..

.
.

و مع انهم لما يعملوا عزيمة أو يخرجوا كلهم مع بعض يفطروا أو يتغدوا بالمول و ينادوا زوجي ..
ما يبلغوني و لا يعبروني .. و طنشت و عادي .. و لا يعزموني اي مناسبات لهم ..
لا زواج / لا شبكة / لا ملكة / لا سابع .. إلخ

هما كذا مع كل حريم أولادهم ( زوجة الولد = شغالة لهم )

.
.

تجاهلت و طنشت و ما همني .. و كبرت دماغي
هما الخسرانين

مع انها قلة ذوق الصراحة ..

.
.

الزبدة :

إني عزمت و ما قصرت ، و كبرت دماغي عن الأمور التافهة و ما دققت ، و زوجي صرفهم ..

.
.

( يتبع )

أبوه يمرض .. أوصي زوجي
أمه تبغى شي .. أوصي زوجي

كلمت أمه مرة و عرضت عليها نخرج كلنا نتمشى و نغير جو .. و انبسطت ..
لكن زوجي طلعت له شغلة ( و كان من حظي و عرفت بعدين )
لإنه هناك طبايع تانية مخفية .. ما كنت أدري عنها ..

و كل مرة اعرف ليش زوجي يبعدني عنهم ..

أنا أولد و ماحد يجيب لي هدية لو بنص ريال ..
أخته ولدت و استحيت اقابلها و يدي فاضية و حطيت لها 200 و زوجي قال كثير و مو لازم ..
لكن بعدين شكرني و قالي ( طول عمرك أصيلة ) ..

.
.

يخرجوا و أروح معاهم ، و اخد معايا قهوة و مكسرات و بطاطس ..
و ما أحاول اقصر باللي اقدر عليه ..

و أصلا اخواته مثل الضيوف يجوووا ..

و أنا اخرج معاهم ، عشان أولادي ينبسطوا مع أهل أبوهم ..
و عشان ما كنت أشوف فيه سبب يستدعي اني ما أروح معاهم ..
مع إنه المكان اللي يروحوه ما أحبه ، بس عادي عشان اجاملهم ..
( أنا كذا .. ما أحب الحدايق العامة .. بس اروح عشان خاطر اللي قدامي )
و بصراحة انبسطوا الأولاد مررررررة كثير و ما ندمت ابدا ..

المشكلة فين :

هما يشوفوا حريم أولادهم انهم اقل منهم ..
لإنه سلفاتي من طبقة اجتماعية - أقل منهم - ..
مع احترامي لجميع الطبقات .. و الدليل انه علاقتي ممتازة مع سلفتي و الحمد لله ..

أقل طبقة ، يعني من جنسية عربية و صارت سعودية لما تزوجت ولدهم ..
فيتكبروا عليها و على اهلها ..

.
.

أنا أهلي و الحمد لله من طبقة اجتماعية أعلى و أرقى من أهل زوجي ..
لكن عمري ما حسستهم بالشي هذا ..

لكن طبيعي .. ما راح أرضى بنفس الوقت ..
يعاملوني بالدونية أو بطريقة الإستعباد ..

و بحكم وظيفتي و شهادتي و لله الحمد و زوجي معايا في اي شي ابغاه ..
و طبايعهم و معتقداتهم غريبة جدا ..

فما راح أقدر أنزل من نفسي اكثر من كذا ..

كفاية علي تواضعت بما فيه الكفاية و عاملتهم بالحسنى ..

.
.

لكن أجي اسلم على وحدة من أخواته عشان رجعت من السفر ..
و تتجاهلني ؟ أو تعطيني ظهرها ؟

أجي ابغى اسلم على أمه .. و هي لما تشوف بناتها تستقوى ..
تقوم تكشر و تعطيني يدها بدون نفس ؟
أنا اسلم على راس و يد أم زوجي و أناديها أمي .. بطيب نفس من عندي و احترام لسنها
و سلفاتي ينادوها - عمتي - ..

طبعا أمي الله يرحمها و اللي أنا بنتها ( أناديها ماما - لاني قررت مستحيل اساوي بين أمي و بين حماتي )
بسبب افعال حماتي ..

اعطيكي هي من الآخر

واهجم ؟

__________________

الزبدة :

يعاملوني مثل ما يعاملوا سلفاتي ( بدونية و تهميش و استحقار ) ..
خاصة لما يجوا بناتهم زيارة لهم ..

باستثناء ابو زوجي و اخوانه الذكور .. كويسين و حالهم حال نفسهم ..

هذا و سلفاتي يخدموهم مرررررررررررررررررررررررررررررة مرة مرة و يخافوا منهم ..

.
.

جاملت و تحملت و كبرت عقلي و طنشت و تجاهلت - خلال الفترة هذه من 8 أشهر تقريباً - ..
لكن ماني قادرة اصبر أكثر من كذا ..


اخر موقف حصل ..
أنا امشي وراهم عشان اسلم عليهم و هما يتجاهلوني ..

و بعدين فرشوا سفرة عالأرض للاكل للأطفال .. أولادي و اولاد سلفاتي و اولاد أخوات زوجي ،
و عالأرض جالسين سلفاتي .. و انا جالسة معاهم و أحسب الكل كذا بيجلس ..

و عالطاولة حقة الأكل .. أخوات زوجي جالسين .. و أمهم تنادي وحدة وحدة من بناتها ..
و فلانة تعالي اجلسي و جيبي كرسي .. و فلانة تعالي يالله .. ( حركاتها أنا فاهمتها بتغيظني و كم مرة اطنش و اكبر مخي )
لحد ما جمعت كل بناتها عالطاولة ، و نحن عالأرض ؟

و الأكل اول شي يتغرف عندهم و البواقي عندنا ..

أنا قمت و اخدت صحن ولدي الصغير ، و جلست في غرفة تانية و طنشتهم كلهم و لا عبرت احد ..

أكلت ولدي الصغير ، و الحمد لله أولادي التانيين كانوا شبعانين و اكلتهم في البيت ..
و كانوا يلعبوا ايباد ..

.
.

أحس ( انسة منشن اللي بداخلي ) راح تخرج بيوم من الأيام عليهم ..

يعني ما راح اضرهم أو اسيئ لهم ..
لكن راح أكون ( انانية ) مثلهم ..

مثلا زوجي كان يبغى يروح لهم الأسبوع الماضي ..
و كان نايم و تركته نااااااااااااااااايم و انا شايفة اتصالاتهم على جواله
عشان اخواته نزلوا زيادة عند أمهم ..

أنا ما ضريت ، و نفس الوقت .. أنا ماني ملزمة اني اصحيه أو أفكره ..

قالي بعد يومين

بشويش ، ترى النفسية عندي عالآخر ..

و ما أقدر أكثر من كذا اجامل .. خاصة بعد الموقف الأخير

صار لي اسبوعين ما رحت لهم و لا اتصلت و لا سالت و لا كلمتهم ..
و أخواته مستغربين ليش زوجي ما يرد عليهم .. و أصلا زوجي مشغول بوظيفته و قلت لكم من أول ما نشوفه كثير

__________________

لما خلونا عالأرض ناكل مع الصغار
و الهوانم و البرنسيسات عالطاولة ..

ارسلت لزوجي رسالة ..
تخلص من الأكل لو سمحت و أمك و أبوك يخلصوا من أكلهم ..
و توديني البيت .. هو ما كان ملاحظ ..

لما شاف كذا ، قام هو كمان من طاولة الأكل و ما كمل اكله ..
بعد ما شبعوا امه و ابوه .. قالهم يالله نحن رايحين

خرجت و سلمت على امه و ابوه و على سلفتي ..
و ما سلمت على اخواته ..

طبعا انقهروا .. بس تجاهلتهم ..
مثل ما يعملوا ..

لسى ما شافوا شي ..
و بالقوة أحاول امسك نفسي

كل اللي قدرت اعمله ، اني طنشتهم اسبوعين اقل شي

__________________