السلام عليكم.
أتمنى إن الكل بخير=)

أنا إنسانه تجرعت الهم والحزن لحد إن شبابي إختفى وأنا ماوصلت العشرين من عمري.
أبوي بخيل جدآ لدرجة إنه يجي العيد مايعطينا شيء ولاعمري أخذت منه عيديه,عيديتي
دائماً هي إني أصحى يوم العيد على سب أبوي وهواشه!!
أبوي عنده عمارتين بالإضافه لتموينات ومغاسل مأجرها,وراتبه 8000 وشوي.
..
أمي إستحملته20 سنه!,وهو مايعطيها حتى شيله ولا عطر بعشره!
وإذا أمي مدت يدها ع دولابه وأخذت ريالين ولا حتى ريال,يقولها ياسارقه!!
..
مانطلع من البيت نهائياً ولا عمر أبوي قال تبوني أمشيكم,حتى مصروفي المدرسي ريالين
وأحياناً ولا شيء.
..
تحملنا تحملنا,والضغط يولد الإنفجار,والله العظيم إن مطبخنا حالته يرثى لها,غرفة أمي
لها15 سنه,والدواليب مكسره والفرش منتهي!
كلمنا أبوي بالهداوه وماطاع يسمع لنا حتى,وبعد عدة محاولات ونقاشات معاه,أمي قررت تروح
لأهلها,خلاص يومياً ياله نلاقي أكل بالمطبخ,وحتى الإنترنت أختي اللي بالجامعه تدفع فاتورته
والله حالتنا حااااله,والله العظيم إني يومياً أصيح قلبي خلااااااص شوي وتجيني جلطه من الهم!
..
حالياً أمي راحت الله يوفقها و ع الأقل حياتها أسعد مع أهلها ونفسيتها تتحسن,لكن تخيلوا
حتى وحنا محرومين من أمي,أبوي قدامنا يدعي عليها!!!,ويشوه سمعتها قدام عمتي!
يمسك الجوال,ويجلس يحش في أمي وأهلها!!!!
العاااااااالم كله مادرى عنا,صلتنا بجماعتنا ضعيفه جدآ,بسبب أبوي!,تعامله مع الكل يرفع
الضغط!
أبوي شال خدمة الصفر من التلفون علشان مانكلم أمي.
الله يخليكم ساعدوني,إيش أصلح؟كل شيء إنتهى من حياتي,أمي مدري متى أشوفها؟يومياً
أسمع سب وهواش ومشاكل,أختي تتمنى الموت!
ماعاد في شيء يخفف عني,نفس الهموم يومياً عجّزت كرهت الحياه,يا الله والله مو عارفه كيف
وبأي طريقه أكمل حياتي:بكااااء:

__________________

يااعمري انا الله يعينكم والله الا البخل مااحد يتحمله وبالذاات مع الاستطااعه

تصدقين زوج خالتي اغنى من ابوك دبل مرااات وينشف دمهم عشاان يااكلون
والله مره خلص الغاز وبناتها جاين من الجامعه والمدرسه وبزارينها وماعاد يمدي تطبخ غدى قامت جابت
رز ودجاجه يعني ماكلف 20 رياال ودخل فجاه لاقهم يااكلون جلس يلعن ويدعي عليهم ويقول جعلكم للسم ويارب تموتون
خسرتوني والفلوس ماهي من عنده لحد مااستفرغت بنته ع السفره وانتم بكراامه

يعني ترى هالبلوى بكل مكاان
بس راايي لاتسكتون له كلموه بالعقل قولو حرام عليك الفلوس مانبيها من بعدك نبي تعيشنا بعز وكراامه
دخلو احد كبير وعاقل يتفااهم معه ارسلو له نصاايح ذكرووه بالله

ويااارب انه يتغير للاحسن وتهون مصيبتكم

الله يجزاك خير حبو,وشكرآ جدآ ع ردك,
الله يساعدهم ويعيننا ع ظلم الرجال,اللي مو قادر يصرف ويحب الفلوس
من أول لا يتزوج ويقعد يخلف عيال تعبانه نفسياتهم.
آآآآآآآآمين يارب,ألف شكر عزيزتي.

__________________

لاحول ولاقوة إلا بالله البخل يجيب الجلطة والله والأمراض كلها
الله يعينكم من جد
بس تعالي ماتقدروا تكلموا أي احد من العائلة يعني احد عمامكم ولاعمتكم اللي يكلمها وتشرحون لها الوضع؟؟؟
اعزموها عالبيت وخلها تشوف بعينها عشان تصدق
عااااد امك الله يصلحها توها تتذكر تروح لها عشرين سنة صابرة والحين راحت وينها من أول؟؟؟
كان عالأقل لو راحت قبل كان أبوك تغير ولاانقرصت أذنه شوية
بس الحين وش ينفع

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

يا اختي طالبو بالعيش عند داااار جدووو اهل الماما ..........والله مو عارف شو بدي احكي بس عنجد الله يعينكم على البخل .....ما بعرف انه يوم ما الواحد يصرف وينعم اولاده تعد من افضل الصدقات عند رب العالمين .....لاحول ولا قوة الا بالله والله قطعتي قلبي الله يكون بعونكم ويحنن قلب الوالد عليكم وعلى امكم

الله يهديه ويسخره لكم لاحول ولاقوه الابالله ادعي ربك يااختي وصلى قيام الليل والله حزنت عليك امك الله يحفظهالكم اطمني انهاسعيده عنداهلهاواستمدي القوه من راحتهاربي يسعدك انت واخواتك يارب ويفرج عليكن

للأأأسف أغلب الابآآء مآ يدرون قد أيش يأثر البخخخل بأولآآدهم
وقد آيشش ممكن يخلي الاولآآد يتنآزلون عن مبآديئهم
وقد آيشش يسبب حزن وححقد وككره ونننقققص شديد
والمشكله انهم ينصدمون لآ آكتشفوآ ان عيالهم لجأوآ لسبل اخرى !!!
من جدد مدري ليه اذا الوآححد مو قد انه يوفر حياة كررييمه لأهله ليه يبلش خلق الله ويتزوج
الله يسهل آمورك انتي وأخختك وأن شآآء الله بكرآ تتخرجون وتتوظفون وتستغنون عنه وعن مغثته
بس برضوآ اذا ابوك ما يمانع انكم تشتغلون وتدرسون بنفس الوقت شوفيلك شغله ودبروآ اموركم
ججد صعبه الحيااة مع أب بخخيل وقاااسي الله بعوونك حبيبتي
أنآآ حااسه فيكي وبدعيلك كل يووم

شكرآ بنات الله يجزآكم الجنه,كلامكم يبرد الخآطر ويخفف عني والله.
أمي ماكان ودها تفارقنا وحنا صغار علشان الناس مايكرهونا فيها,فيوم كبرنا قالت خلاص يكفي تحمل.
الله يفرجها علي همومي وعليكم يارب.
ألف شكر.

__________________

ياقلبي عليكي الله يفرج همك ويحنن قلب ابوكي عليكم يااااارب ..,

حبيبتي فين اخووااانك عنه ,,!؟
ان شاءلله يقدرو يكلمووه ويتفاهموو معااه يااارب ..,

الله يعينك ويووفقك ويسعدك في كل حيااتك ياارب ..
دمتي بوووووووود=)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

ابنتي الكريمة
أسأل الله العلي القدير أن يفرج لكم من واسع فضله
,ان يرزق والدكم كرم النفس والمال
وأن ينير حياته بكل خير لكم
لا شك أن هذا التصرف من الوالد مشين جداً ومكروه شرعاً
ومن جانبكم
لا تملكون إلا الصبر والالتجاء إلى الله وبنظرة إيجبية للموضوع إجعلي من بخله دافعاً لكِ لعمل ما يدر عليك بالمال لتكتفي بنفسك من هوايات تصنعينها بيدك أو أشغال أو حلي نسائية وربطات وتوزعينها بين صديقاتك أو عبر من تثقين بهن أن يبعن لك لتكتفي بنفسك عنه ولعله ينكسر لاستعطافك بأن البخل سيؤدي بذريته لبيع أنفسهم من أجل المال فلعله يخشى أو يلين.
وعليكم بالدعاء له ولكم لعل الله سبحانه ييسر لكم مخرجاً.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.