السلام عليكم
اولا: كيف حالكم يا اعضاء هذا المنتدى الرائع و يسعدني الانضمام الكم
ثانيا راح استخدم العاميه في كلامي حتى مااجد صعوبه في التعبير
انا بصراحه اكثر صبيه من فلسطين وعندي مشكله كبيره من حوالي سنتين تقريبا
هي المشكله هي مع خطيبي .
اول شي حابه كثير اشكر صديقتي وهي عضوه بها المنتدى الي عطتني العنوان و قالت لي انوا رح تساعدوني بالحلول المناسبه للمشكله
اما المشكله بالتفصيل فهي
انا مخطوبه من سنتين لشب (ابن عمي)وهو اكبر مني بثمان سنين يعني من يوم كان عمري 16 سنه وانا مخطوبه
السبب بهي الخطبه المبكره انوا وحده من افراد العائله ارتكبت غلط اثر على سمعة العائله فافتكر اهلي انوا ماحدا راح يخطبني بسبب هي السمعه وخطبوني لابن عمي
انا في هذيك المرحله كنت بالثانوي وفرحت بالخطبه الي صاحبها بنفس اليوم كتب الكتاب والعقد الشرعي
كنت مبسوطه اول كم شهر بالخطبه لانوا في حدا بيهتم فيني او متل ما بيقولوا عم يفكر فيني وبسعادتي وهناي ورضاي
لكن بعدين بدأت المشاكل بين بابا وابن عمي وبما اننا محتاجين لابن عمي بصفتو زوجي قرر والدي انوا مايزعجوا
وكان ايش مايطلب ينفذوا اهلي ع طول من غير حسبان وتردد
فمثلا بالبدايه ما كنت اكشف شعري امامه فطلب اني اكشف فخلوني اهلي اكشف شعري
ما كنت اطلع معاه او نبقى لحالنا وبعدين طلب من ابابا وبابا رضي وصرنا نجلس لوحدنا وصرنا نطلع سوى
عداكم ياخواتي عن مشاكل اهله وامه معي الي لسا ماشفت خيرها من شرها وعملت عليي حمايه من قبل الزواج
طبعا خطيبي لما نكون لحالنا كان يتصرف تصرفات تخوفني منو فمثلا في مره من المرات في بدايه خطبتنا
قالي انوا هو بيحبني كتير ولما قلت انوا رح نتزوج ونحب بعض اكثر قالي (بالمشمش ؟؟؟)
فانا زعلت وفهمت انوا هو لحد هلاء كلامو لعب في لعب و مو جاد بموضوع الزواج
واحيانا كمان كان يفرض عليي اشياء لازم اسويها
ويحرمني منها او يهدد بالطلاق
منعني اطلع من البيت الا معو
ومنعني من زياره صديقاتي
ومنعني من سماع الاغاني الي بحبها
ورفض اني اكلم صديقاتي بالتليفون او اتصل معهم
رفض اني امارس هواياتي المفضله منعني من السباحه وكسرلي ريش الرسم
وانا كنت احزن كتير على هالممنوعات وماهي محرمات لكن تحت تهديد الطلاق واهلي عم يصبروني
طبعا الوالده من غير جنسيه فالوالده سوريه
وكل ما كانت تكلمو مشاني كان يزعل ويقول مافي لسوري حكم على فلسطيني
وانا كنت احزن على امي وهي تنقهر كتير منو
وتوصل بابا بالاخير لانوا كلمتوا هي المسموعه
وماحدا رحمني مع اني البنت الوحيده بالبيت
بعد مرور حوالي6 شهور اجا لعندنا ع البيت وقال انوا مافي مدرسه
ولازم اترك الدراسه لانوا بالمدرسه في بنات سيئات جدا
وانا جلست اتوسل وابكي ابكي لحتى رضي بس بشرط ما يكون عندي صديقات
ورضيت
وانا مع الفتره كنت عم حبه كتير كتير ويزيد حبي الو مع قسوته الكبيره
لانوا لما كان يحسسني بالحنان فعلا احسه واعيشه
واستمرينا على هالحال سنه كامله كلها ما تهنيت يوم فيها كلو زعل وبكاء وحرمان من كل شي بحبو
ومع هيك عم حبو يوم عن يوم
مع بدايه السنه الجديده صار بدو يثقفني جنسيا
وصار يحكيلي عن الدخله وشو رح يصير فيها وايش رح يصير بيننا
وهذا كلو على اساس انوا العرس كان بنصف السنه وماكان باقي عليه غير6شهور
وصار يحكي يحكي وانا بصراحه كنت اول مره بسمع هيك كلام
انا الي كنت بفكر انوا البنت بتحمل من بوسه سمعت كلام اكبر من هيك وطلعت البوسه هينه جنبه
وانا ماكنت ارضى اسمعه دائما كان بدي الموضوع يتغير لانوا ماكان يحكي معي غير ايدي بايده ويقرب مني بشكل فظيع ويبدأ يحكي مع شويه حركات
وطبعا انا كاول مره بسمع هالكلام احيانا ارتعب واحيانا ارجف واحيانا ابكي وهو كان يستغل الفرصه
و يصير بحجه انوا يراضيني ينهال عليي ويقبلني ولا يحكي كلام بسميه مو قده هو
وانا عم جن بزياده ولما بحكي لامي كان يزعل مني لانوا بيقول انها اشياء خاصه
و لما عرف انوا انا مو جاهزه لموعد العرس المحدد وانوا راح يتأجل كمان زياده زاد
صار بدو يطبق الحكي عملي وصار بدو يشوفني من جوى ويشوف اعضائي وبدو يعمل ويسوي
وكان يعمل اشياء بيسطه وماكنت اخليه يتمكن اكثر مني
لكن كان بيألمني كتير و مابعرف كانوا صار شرس ولا هيك بيسموه
صار بدل البوسه عضه و بدل ما يمسك ايدي يكسرها
وكان يضغطني بايده على بطني حتى صار معي نزيف ثلاث مرات ونمت بالمستشفى منو
ومابعرف اشياء كتير
المهم انوا مضت ست شهور وطلعت من عيوني بالاضافه لضغط اهلي ومشاكله مع ابي وامي
ومشاكلي مع امه وحالتنا حاله
وكان لما يسمع عني اني ارتكبت خطأ مو هالخطأ الجسيم مثلا لو سمع اني اخفقت بشي امتحان
كان يجي ويضربني ضرب عنيف جدا حتى يسيح دمي و يموتني وبصير ماعم اقدر اتحرك
واهلى واقفين عم يتفرجوا على المذبحه الي صايره و ماحدا بيتكلم
ولو حكيت انا زاد عليي بالضرب وكان يستخدم حزامه تبع البنطلون بالضرب
ومكان كل ضربه كان يصير ازرق لعده ايام وماياثر فيه صراخي وبكاي ولا شي كاني وحده من الشارع
وضربه مايكون غير بمناطق حساسه جدا
يعني مره على بطني ومره على رجليي من فوق
ومره اصابع ايدي ومره وجهي واذا تعلقت ايده بشعري ماكان يفكها الا وشعري كلو بايديه
وهلاء ياخوتي بعد مرور سنتين ماشفت فيها طعم الهنا ولو يوم واحد بس جاي يهدد بالطلاق
ويحلف انه راح يطلق ويطلق ويطلق وانا لسا عمري 18
وصار يجي لعندي بس عشان يقهرني واخر مره شفته من حوالي شهرين
وقلي انوا هي اخر مره بشوفه فيها
واني خير شر اذا طلقني مارح اتزوج بعده لانوا هو ومتعمد اسقطلي بكارتي
وقلي انوا كان الهدف من ضغطه ايده على اسفل بطني بقوه هو انوا يزيل الغشاء وانوا هو متأكد انو تحقق له ذلك
انا هلاء برعب وخوف نفسي ومابدي يطلقني هيك بلا سبب
ولو كان بدو يطلقني فانا اصبحت غير بكر
وخايفه اروح على الدكتوره وافحص حالي لاني رح اموت اذا عرفت انوا كلامه صح
بس وهلاء صايره عم اتصل فيه واترجاه انوا يرجعلي وانوا لو بدي اصير خادمه عندو وعند اهله
بس هو بيضحك وبيكررلي (بالمشمش)
والله انا محروق قلبي ودمي عليه
وماخليت ولا صديقه الا وحكيتلها وماقدرت تساعدني
وماخليت شي ابدا وعرضت حالي على اكثر من دايه لتشوف بكارتي ومارضت تشوف
اه ايش اعمل بحالي وماعم اقدر انام من الخوف
ليتكم تعطوني مجرد افكار للحلول الممكنه الي استخدمها معو
ويعطيكم العافيه سلفا اذا رديتو او لاء
وياريت بالاخير تقبلوني عضوه بينكم