عن سنوات سابقة ... تعرضت للإساءة النفسية في المعاملة وفي كل شي من قبل زوجي
إضافة الى خيانته لي التي إستمرت سنوات وتكللت بالزواج من المرأة الثانية ( يعني تزوج ) علي
هاذي السالفة خذ لها فترة لكني لا أستطيع أن أنساها
أتذكرها بكل يوم وبكل وقت
ودايماً اتهاوش مع زوجي علشان هاذي السالفة وأذكره بالمعاملة والشغلات والحرب النفسية اللي سواها لي هو وزوجته المصون ( رقم 2 ) اللي كان يسويها لي ... يعني الفيلم ماراح يروح من بالي أبد
قولوا لي .... عطوني حل
كذلك الغيرررررررررررره ذابحتني
وأحس إنها قاعده تدمرني مع مرور الأيام
فإذا استطاع الجزء من الحياة ان يغلب الحياة بأكملها فهذا الدمار والنهاية
أقول باختصار تسلي بمستقبلك وابنائك انسي العلاقة المثالية بينك وبينه لان نظرتك له بنظرة مثالية ما يعرف غيرك ما يكلم غيرك ما يتزوج غيرك معناها اي خطأ منه دمار لقلبك لكن لوكانت نظرتك له نظرة مصالح وتبادل منافع وممكن استفيد منه واحصل على مستقبل جيد تحت ضله وقوامته لكن ما اخطأ عليه او اقصر في حقه لان المستفيد بعدها الزوجه الثانية
في النهاية لن تجدي نجاه وسعاده وراحه الا إذا عرفت حقيقة الدنيا وحقيقة الاخرة
تذكري أمرين وترتاحين
القبر وكيف ستجلسين فيه إلى قيام الساعه الرسول له الان في القبر أكثر من 1400 سنه حياه طويله بعدها تضحكين على نفسك اذا تذكرتي زعلك على زوجك صدقيني في امر اكبر مه يجب ان نزعل منه
الامر الثاني والي يريحني كثير اذا تذكرت ارض المحشر والناس يجلسون فيها 50 الف سنه حياه طويله وانا وانت نزعل على امور تافهه بس اذا غاب عن القلب الحقائق تاه
ياساتر الزواج بالثانية خيانة .. لماذذذذذذذذذذذذذذذذذذذذذذذذذذذذذذذذذذا ؟
وبعدين سوف تتعبين من كثرة تتذكرين الإساءات السابقة .
يا بنت الحلال فكري باليوم وأنسي الماضي .. والمسامح كريم .
ولا دام انه تزوج وخلاص بالثانيه ماراح يفيد الندم بس حاولي تخليه يندم على فعلته وخلي نفسك الاحسن والافضل بكل شي لين يحس هو بالندم مو انتي - الله يعطيك القوه !!!