متزوجه من 19 سنه , كيف اغير طبعه بعد هذي السنين , هو مو رومنسي يعني ما عنده يوم زواج او ميلاد , حتى المطعم أنا أجبره عليه ما يحب كلام الحب طبعأً معدوم لمسات الحب والحنان ما في, ما نجلس لوحدنا يوم يقوم من نوم على طول على الصاله مع الأولاد
لو بسوي جو شاعري مارح يتغير ويستهزء فيني , حتى الهدايه نادر الوجود
هو طيب و هادءالطباع وأنا عصبيه يمكن هذا السبب الي بعدني عنه أنا اعصب على الأولاد وهذا في سبيل تربيتهم احاول ما اعصب جدامه لكن في بعض الأحيان غصب عني,هو من يوم خذيته هذا طبعه ما يتغير حاولت اشتري هدايه وأغيره لكن ما في فايده شو الحل افيدوني أنا بنتظار أرائكم لا تبخلو علي ارجوكم أبغي أغير حياتي فهي ممله .

مع تحياتي خياله

بعد العمر هذا والصبر انصحك اختي استعيني بالصبر من جد اذا ماقدرتي تغيري طبعه وهذا طبعا مستحيل
صدقيني بدل التفكير بتغير طبع زوجك فكري كيف تتكيفين معه فهذا افضل
وصدقيني هناك نوع من الرجال يخجل حينما تحيطه المراه بالحب والرومانيسه فيحولها الى مزح اومسخره
تقبلي الوضع هاكذا

اتصدق أسوي أحسن الكلات عشان بس أرظيه لكن ذوقه في الاكل معدوم يعني كل شي ممنوع ما يا كل أي شي غريب
يعني أيحب الصالونه أسويها وشوربا بحريه أوسويها هو ما عنده طلابات يعني في حاله

__________________

مرحبا اختي ..
((لا يأس من رحمة اللة))..
اختي احترمت انك بعد 19 سنة مازلتي تحاولين وما يأستي ..
بحاول افيدك باللي اقدر علية ويارب يتغير زوجك ,,

*اولاَ: لا تشاورين ..
(اقصد في بعض الأمور مو كلها طبعا)
بدال ماتقولين شرايك نزوح المطعم ؟؟
اتصلي فية وقولي له انا عازمتك على العشى .. بيحس بفرحة لأن الرجال مثل الطفل يحب اللي يهتم فية ويراعية


ثانياَ: صارحية
(طبعاَ المصارحة تكون برقة ونعومة مب تروحين تذكرين سلبياتة وتخربين السالفة)
قولي له : حبيبي خاطري يوم تفاجئني وترتب لي برنامج او طلعة بدون ما ادري ,,,
خاطري تفاجئني باي شي ,, جد خاطري منكسر على عمري ,,
ترى الزوجة تحب تحس ان زوجها مهتم فيها ويفكر شلون يسعدها ,,
صدقيني خاطرة بينسكر وبيحاول ان يهتم اكثر ,,


ثالثاَ: الكتابة
عطية ورقة وقلم وقولي له ,,
اكتب لي كلام حلو في هالورقة خاطري احتفظ بخط ايدك علشان لما تغيب عني اقراها واستانس ..

صدقيتي يا اختي ما في شي باذن الله مستحيل وان شاء الله تنولين اللي في بالك وتعشين حياة سعيدة

مسكين زوجك احمدي ربك انه هادي وبحاله
انا مع الاخت زوجك صعب يتغير بعد كل هالسنين
بماانك انتي اللي متمرده على هالملل.انا اقول تصبري وشوفي الشي الزين فيه ولاتحطي ببالك انه ممل.بلنسبه للمسات الحب ترى حتى المتزوجين اللي لهم بس سنتين يصير لهم نفس الشي
يعني الرجال كده ماتقدري تغيريه بعد هالعمر بكل سهوله
.

أختي العزيزه صدقني حاولت لكن ما في فايده بحاول مره أخرى , وشكراً على هذه الأفكار بسويها ابغي بعد المزيد منكم ترى هو طبعه كل جد يعني ما يتغشمر الا نادر , أنا ما ألومه يمكن ظروف الحياه خلته يستوس شذي كل جد من اصغير وهو يعتمد على نفسه وبعدين هو ما عنده اهل كل أهله فالخارج ظروف الحياه خلته بعيد عن كل شي هو مكسور داخلياً من ظروف الحياه يعني الفرحه مكسوره في قلبه .

اختي الكريمة
كل انسان من الممكن ان نغير من طباعه
ولكن الذكاء هو اكتشاف الطريقة
واحسب ان زوجك ينقصه منك التفنن في اظهار
المشاعر والحب والاشتياق بمناسبة وبدون مناسبة
وجعل البيت واحة من السلام فلا صراخ ولا عتاب
وخففي من العصبية التي توتر الزوج وخصوصا عند
رجوعه للبيت بعد عناء العمل.
اختي لا تياسي ولا تستعجلي النتائج
واحمدي الله على نعمة الزوج الصالح وتذكري دائما
صفاته الحسنة حتى يدوم الحب
وفقك الله

__________________
[فلنجعل لساننا رطبا بذكر الله

اذكروا الله دائما

*

أتقليه عليه

وأهمليه قليلاً



وسترين الفرق !!!!!!!


.