[gdwl]
[read]
حبايبى اول مشاركه لى بوصفه مصريه للرز المعمر الفلاحى ويعتبر من الحلويات
اتمنى تعجبكم

المقادير

فنجان شاى كبير ارز مصرى مغسول
2 كيلو لبن كامل الدسم مغلى ولو عندكم اللبن بيتباع سايب لبن بلدى يعنى يبقى افضل لانه بيكون محتفظ بقشطته ومكوناته كلها
مقدار من السكر حسب الرغبه يعنى حسب الحلا اللى تحبونه
2 فنجان شاى قشطه بلدى( انا بشترى لبن سايب كتير وكل ما كنت باغلى اللبن واسيبه فى التلاجه لتانى يوم يعمل قشطه اشيلها بالمعلقه فى علبه فى الفريزر وكل ما احتاج منها اخد )
لو ما فيش قشده ممكن 4 ملعقه كبيره سمن بلدى او زبده صفرا

الطريقه سهله جدا جدا

هتجيبى طاجن فخار مستدير او بايركس مستدير عالى الجوانب
تحطى الرز وعليه اللبن المغلى بعد تحليته والقشطه او السمنه
الفرن يكون حامى تدخلى الطاجن ولاحظى ان الطاجن مايكونش مليان على الاخر عشان اللبن ما يفورش ويبهدل الدنيا

سيبيه مده ساعه تقريبا لحد ماتلاحظى ان الرز بدأ يبان من اللبن من على الوش والطاجن سطحه اخد لون بنى غامق
ماتخافيش من اللون ده هو لازم لونه يبقى كده
ممكن يتاكل بارد او ساخن حسب رغبتك
وبالهنا والشفا
[/read]
[/gdwl]

يا سلام عليك

سهلة الوصفة جداا

وشكلها لذيذ... هل تستخدمون اي مطعمات ؟ ولا بس سادة ؟

__________________

بكر انتى متابعه ؟؟؟؟؟؟
لا حبيبتى ساده خالص......لو عملتى له اختراعات ايا كانت هيدى طعم تانى هيبقى حلو اه بس مش اصلى

ده انا هتحفكم اكلات بقى من قايمه الطعام بتاعتى

ويارب تعجبك

والاكلات كلها اهداء ليكى

صحيح احبب حبيبك هونا ما بس انا مندفعه وحبيتك كتيييييييييييييييييييييييييييييييييييير

ههههههه تسلمين لي يا فتوشي

خلاص ان شاء الله اعملها


عندنا طاجن فخاري حجرب الليلة بأهلي قبل حبيب القلب


تسلم ايديك يا غالية

__________________

ما شاء الله

إحنا بنسميها رز بحليب بس طريقتك بتختلف شوي حنا نطبخها على النار و ما ندخلها الفرن و السمن البلدي نضعه عند التقديم فقط

إن شاء الله بجرب طريقتك

مشكورة غاليتي و الله يجزاك خير

__________________
اللهم ارحم أخي رحمة واسعة و أجعل قبره روضة من رياض الجنة

مشكوره حبيبتى عشق عبادى على مرورك

طريقتنا دى طريقه الفلاحين فى القرى

وياسلام لو عندكم فرن بالحطب ............ هيبقى جنان

تحياتى

ما شاء الله حبيبتي


وصفة رائعة


بارك الله فكي غاليتي

__________________

تسلم إيديكي و يعطيكي العافية يا رب

__________________

تسلم ايديكى يافتوشينى روووعة يلا اتحفينا بالاكثر ننتظر المزيد مشكوررررررررررررررة

__________________
اللهم بارك لى فى اولادى وزوجى وعوضنا خيرا مما فقدنا

جميلة اوي في البرد ده

تحسيها وجبة دافئة في الليالي القارصة

تسلم اديكي

__________________