ماشاء الله تبارك الله على النشاط والهمة
أشوف الموضوع نور
حبيبتى نوره ماشاء الله عليكى ايوه كده عايزين همة ونشاط ولو ان وزنك مثالى جدا وأنصحك بعمل تمارين تستهدف الجزء اللى فيه السمنة عندك علشان ما تخسيش من مناطق تانية انتى مش عايزه تخسى منها وانا ان شاء الله هأدور لك على تمارين تستهدف الجزء السفلى من الجسم وانزلها لك هنا . واياك تهملى البيبى الأمور بالرجيم بتاعك اهتمى بالخضار والفاكهة علشانه ياقمر . وسلمى لى عليه.
أختى المصرية أنا متأكدة انك زى القمر فى كل حالاتك بس برده لازم ريجيم فورا والا .......... ولا بلاش الطيب أحسن بس علشان فى يوم خطوبتك باذن الله تبقى قمر ورشيقة الرشيقات يالله ابدأى معانا من دلوقتى ويوم عيد ميلادك كلى قطعة واحده بس من التورته وما تتعشيش ......... وكل سنه وانتى طيبة ، وأنا معاكى تماما فى ان المشى أحلى وأسهل رياضه .

أختى مشاعر مرهفة انتى كده مانيكان ماشاء الله عليكى ولكن ممكن تنزلى كمان 3 كيلو احتياطى علشان لما تسافرى لجوزك بالسلامة و يدلعك وكل يوم يغديكى فى مكان يبقى فى احتياطى من الكيلوات عندك . ربنا يسعدك ويجمع بينكم على خير يارب.

عزيزتى الغربة مره برافو عليكى ماشاء الله تبارك الله حاسه فيكى بالالتزام وان شاء الله تنزلى ال15 كيلو بصحة يارب
أختى ساندى حبيب أهلا بيكى معانا فى نادى الرشيقات باذن الله . على فكره طلوع الدرج تمرين رائع ومفيد بس للى ماعندهمش مشاكل فى الركبة زى خشونه او غيره . يالله شدى حيلك وربنا يقويكى يارب.
أما عنى فأنا اليوم صحيت الساعة 9 ونصف وبدأت يومى بالرياضة مشى بهرولة لمدة ساعة ونصف ثم كوب من الزنجبيل غير المحلى ثم الفطور عبارة عن نصف رغيف سن وبيضة مسلوقة وقطعة جبن قليل الدسم حوالى 16 جرام وخس وشاى بنعناع محلى بملعقة سكر وزيتونة صغيرة جدا يعنى حوالى 200 سعرة
والغذاء سيكون ملوخية دايت ومعها رغيف سن وربع دجاجة مشوية بدون الجلد وسلطة خضراء طبعا ولا ننسى شرب الماء بكثة حوالى 2 ليتر فى اليوم
وبالليل ان شاء الله هأعمل تمارين الأروبكس لمدة نصف ساعة
دعواتى لنا جميعا بأن نصبح رشيقات عن قريب