تقريبا استنفدت جميع الاسئله اللي في بالي لهذا الرجل
ماهي الاسئله اللي تسألونها عادة لطالب التعارف في الموقع؟؟
عرفت اسمه
قبيلته
حالته الاجتماعيه
عدد ابنائه
مدينته
الحي اللي يسكن فيه

شددت عليه كثيرا في موضوع العدل
ولن يجعله هذا يعدل ان لم يكن يريد العدل
لكن اهو سويت اللي عليه

غيره؟؟

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

اللهم لك الحمد كما ينبغي لجلال وجهك وعظيم سلطانك

لسا افكر اقبل طلب التواصل عشان ارسله رقمي
الا وهو مرسل
" انا اروح بارات ودسكو "!!!!!!
على اساس منفتح هو وجهه!!!

الحمد لله دايما عناية الله تنقذني في اخر اللحظات!!

فاللهم لك الحمد يا ربي

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

يقول انه كان يرح ايام الهبقات
ويقول والذي بعث محمد بالحق اني ما شربت شي ولا سويت شي مما يغضب الله


طيب اش راح يسوي في بار؟؟
يصلي ويعتكف؟!😥

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

الله يسامحك اخت مبتعثه
شوهتي صورتي عند الاعضاء وما عاد يردون ويشورون عليه!

مدري ليش اللقافه وتخريب المواضيع😪

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

زى ماقالت مبتعثة وقلت انا قبلها
ياحظي انتى للاسف مو راكزه مع احترامي
ولا عندك خطة واضحة و لا هدف محدد ..
كل هدفك زواج و السلام و ان جاء قمتى تركزى على طول و كلام فاضي ..
واعتقد هذا سبب رفضك للزوجات السابقه بحياتك
وعندك اصرار عجيب على ابعاد اهلك عن الموضوع ..!
ويبدو ان اهلك شايفين دا فيك عشان كذا حرصين عليك اكثر ...

تبغى نصيحتى اتركي مواقع الزواج كلها
مافيها جدية ابداا ..
ولا تصدقي كل مايقال لك فيها ..

ان كان ولابد كلمي خطابه خلي اختك تكلمها
مو انتى على اساس انو انتى مو عارفه و هى تشوف لكم المناسب و يجى لاهلك و بس ..
اتركى التواصل واتس و غيره وصور و دا الكلام ..
والكلام اذا طول اعرفي ان ماوراه اي نتيجة
بعضهم كلب همه يعلقك فيه ويستغل نقطة ضعفك

واخيرا اذا ربي مو كاتب لك شيء لو كان قدامك ماراح تاخذيه و العكس صحيح ..
فقوي ايمانك بالقدر و اشغلي نفسك بحاجات مفيدة
وبحل مشاكلك مع اهلك ..

😳
يابنت وانا وش ذنبي
صرت اخرب مواضيع 😳
وش تبينهم يقولون
تعب الكلام من الكلام
يعني رجل وقال اروح بارات وديسكو وفيه موقع زواح
وش الحل الي بيقدمونه لك ياحظي
حقيقه وش تبيهم يقولون وش النصيحه الي تنتظرينها
وعلى فكره المنتدى ميت مت فتره
انا مادخلت هاليومين الا عشانك وشوفي موضوعاتك فيها تفاعل اكثر من غيرها من قبل الاعضاء وماقصروا والله
تبين نصيحتي مع اني ودي ارسلها خاص بس اخاف ماتوصل
بغض النظر عن اي شي
غيري نفسك غيري نفسك
التغيير يجي من الداخل
استلمي زمام حياتك
محد بينقذك الا انتي
لازوج ولاهروب ولا غيره
تصالحي مع ذاتك والحياه اهدافها كثيره
ارسميها عيشيها بزواج او لا
ولا تحسبي انظر عليك او اتفلسف
حالي من حالك غير متزوجه
لكن انا نظرتي مختلفه
صحيح اتمنى الزواج وادعي ربي
وادعي بالذريه
لكن ابدا مو موقفه حياتي على هالموضىع
واسعى دوما امتع واغير واطور وادلع نفسي
قيه عقبات ايه ....فيه صعوبات طبعا
لكن اسعى واتوكل على الله
اهم شي مااصنع اعذار ولا اعلق احلامي على شماعه الزواج وارضى بنصيبي الحمدلله
الي بيعيش دور الضحيه بيعيشه طول حياته
والي بينتظر غيره يغير حياته بينتظر طول حياته
محد ينقذ احد ومحد يسعد احد
حاسه انك تستحقين الافضل .....احصلي عليه وحاربي لاجله

على قول مبتعثة
تعب الكلام من الكلام
مدري والله ايش اقولك
الرجال نقدر نقول عنه الكتاب باين من عنوانه
وانا قلتلك من البداية وضعه مايطمن لكن أخذتي كلامي انه تشاؤم فسكت

انا مدري من وين جبتي منتي راكزه هذي!!!!

انا فيه اندفاع وتسرع "كفكره في راسي فقط فقط"
لكن كفعل وتنفيذ " لا "

ومواضيعي خير شاهد
اجي استشيركم في كل خطوه اسويها
بداية بموضوع الموظف اللي قبل خمس سنوات "يمكن بعضكم يتذكره"
مرورا بموضوع المشهور
وهذي المواضيع الاخيره (سواق كريم، وزواج الموقع)

كل هذا ايش معناه.؟اني اجيكم واستشيركم..؟
ركازه والا عدم ركازه..؟!!

وفعلا سويت كل اللي اشرتوا عليه فيه
الموظف قبل 5سنوات ونسيته
المشهور ولا ارسلتله ريال
سواق كريم وصرفت نظر
الموظف اللي رجعت له شرتوا عليه انها فكره صح وسويتها
هذا الاخير اللي في الموقع قلتوا لا تتواصلي واتس
وصرفت نظر!!!
وين عدم الركازه اللي تقولين عنه؟!!!

كوني استشير واعلمكم ايش الخطوه الجايه
واقول هاه اقدم ولا لا..؟؟
ان قلتوا ايه اقدمت وان قلتوا لا تراجعت
فيه ركازه اكثر من كذا؟!!!!


لا نقول كلام محنا مدققين فيه اختي!
الا اذا مجرد الاستشاره عندك يعد عدم ركازه فهذا شي ثاني!!

عدم الركازه اني اجي بعد ما اكون عملت العمله
واجي اقول ساعدوني سويت كذا وكذا!!انقذوني،، ايش الحل؟!
هذي عدم ركازه ومن حقك ساعتها تقولي منتي راكزه

لكن واقفه مكاني واقول اش رايكم اسوي كذا ولا لا
وانتظر رايكم،،، واعمل فيه!!
هذا عين العقل والحكمه والركازه!!



وشكرا لك عزيزتي🌹

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

يقولون اللي يقولونه كلن ورايه ما سألت الا ابي مشورتهم
ان وافق راي الاغلبيه رأي صوتي الداخلي سويته
وان عارض رأي الاغلبيه صوتي الداخلي تركته

اما اني اشغل نفسي باشياء اخرى فهذا نوعا ما صعب
يا عزيزتي تعالي واجلسي في زاويتي بالضبط وسوف ترين الذي اراه
ولو اتيت انا وجلست مكانك بالضبط لرايت ما كنتي انت ترينه
انا اهتم بنفسي ولله الحمد
(تدرين من اكبر وساوس اهلي واوهامهم انهم شايفيني مهتمه بنفسي)!!
فقط لاني اعمل في مكان مختلط!!
في بيتنا يغلب سوء الظن

ثم ايش الاحلام او الاهداف او الطموحات لوحده ناصفت الاربعين
غير ان يكون لها زوج وطفل؟؟!!!

شكرا لاهتمامك ولا تزعلي مني🌹

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

صرفت نظر عن تواصل الواتس
الا اذا قبل برقم اخويه غير هذا لن يكون

شكرا لك عزيزتي🌹

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )