يسعد صباحكم ..
خلااص قررت بقدم استقالتى طفشششت
من اربع سنوات افكر تفكير مستمر ..
الى ليله الماضيه اليوم خلااص قررت قرار نهائي بستقيييل

دعواتكم ..
صح فيه تردد داخلي بس برتاااح من المجال الغلط اللى دخلته بدون رغبة
واجنى اليوم نتيجته ..

اعتبروها فضفضه صباحيه >

تم تعديل العنوان ليتناسب مع المضمون

صباح النور
افهمك لاني كارهة دوامي كره الموت
لكن اختي رايي خذي اجازة طويلة بعدين قرري
واهم شي استخيري
والله يكتب لك الخير

قدمت اجازه بس دى --- تتمطط و تحااول تاخررنى
على اساس اليوم تبدا الاجازه و اتفاجا انها رافضتها الله ياخذها
لازم ارجع اقدم من جديد اليوم و تااخذ 15 يوم قبل الموافقه ..
ما احس فينى طاقه اتحمل خلاااص ..

قدمي شهادة طبية
روحي عند طبيب قولي انك محتاجة راحة وانك تحسين بضغط وارسليها مع احدهم تقبلها غصبن عليها
ليش احس انه قرارك متسرع

قدمت شهادات طبيه اغلب الترم الاول بس صارت الان صعبه
يعطونى يومين ثلاثه وبس ..
انا ابغى سنه كامله ..

ومعك حق هو قرار متسرع جد
لكن احس انى مقتنعه فيه ..
اربع سنوات تفكير خلااص ..
واخاف والله اجيب لنفسي مصيبه ^_^ اعصابي ماتتحمل
من بدايه اليوم و انا خناق مع الطالبات سبيت طالبتين سب ..
ماعندى طاقه اتعامل مع نفسيات مختلفه و مراهقات و غيره .

لاو الله بنات الناس مو لعبة تسبينهم
قدمي استقالتك والله يستر عليك

__________________
سبحان الله وبحمده سبحان الله العظيم

بنات الناس المحترمين ماحد يتجرا يسبهم ..
لكن الناس اللى ماتربى بناتها ، مجبورين احنا نربيهم هذا مهمتنا ..
لو علينا ماهمونى تربوا او ماتربوا ، تعلموا او ماتعلموا ، ماراح استفيد منهم شي
لكن من باب الامانه نحرص عليهم ..
تجيك وحده جاهله امها وتعلمها عدم الاحترام والانضباط بس ترسلها المدرسه
تاذي خلق الله و تخرب تربية امهات غيرها لبناتهم ..
هنا تستحق التربيه ..
لو كان بيدي قرار وزاري كان خليت التعليم كله خاص الا للمتفوقات
عشان الناس تتعدل وتعرف قيمة العلم و التعليم ..
ومايجى المدرسه الا اللى فاهم هو ليش جاي مو اللى يجى يوميا بدون هدف ..

مرحباً أختي

إذا أستخرتي الله ثم قررتي عن قناعة

فجزاكِ الله خيراً وأبدلك الله خيراً منها

فلعل في إستقالتك رزق وخير لمعلمة أخرى قد دعت الله بالوظيفة التي تحتاجها أو بالمدرسة التي تتمناها

وقد يكون خيراً للطالبات أن تأتي معلمة يحببنها ويميلون لها ويحبون التعليم من خلالها وتكون هادئة وليست عصبية

وبالنسبة للإستقالة .. ما رأيك بالإستعانة بالمشرفة أخت العريس


بارك الله فيك

ياااليت في معلمه بديله كان انحلت مشكلتى ،،،
مشكلت اجازاتى الان انه مافيه بديله من نطلب معلمه بديله يرفضون
بحجه ضغط و مافيه غيري ..
مع ان فيه خريجات كثيييير جدا نفس التخصص لكن ايش نقول عاد !!
لو علي والله اتنازل الان لاى معلمه و بالف عاافيه عليها ..
وفيه كثييير متمرمطين بالقرى البعيده و يتمنون المدينه وبرضو مافيه اى مجال يجون
واتمنى تجى وحده مكانى بالمدينه ..

عصبيتى عليهم غصب عنى هم السبب بتصرفاتهم ..
مايمشى معهم الا العصبيه و الصراخ ..
المشرفه استحيت اكلمها ^_^ عاد مالى وجه من بدايتها واسطات ..
انا اعرف اروح القسم الرجالي بيخلصون اجازتى سرريع وسبق سويتها
لكن فيها صراحه احراج و تماديات من بعضهم ..