تذكرت نقطة
باليوتيوب يطبخون بفيديو كامل تقدرين تفتحين المقطع وتسوين مثلهم بالضبط
وبرضو سناب شات طباخات ماشاءالله طبخهم يفتح النفس
وبانستغرام فيه ناس ماشاءالله يطبخون ذبايح وشيء مرررة ويصورون كل شىء

اذا تبغين الحسابات بعطيك اياهم

__________________
سبحان الله وبحمده ، سبحان الله العظيم

يارب يفرج همك وهم كل زوجه مكلومة

الله يفرج همك ويصلح زوجك

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

انا ما ابجل فيه بس اقوم بواجباتي كزوجة مدلعته عالاخر وهو كااااان مدلعني .. وبالنسبة للشغل عندي وظيفه الحمدلله بس قلت لكم عن بعد لان مقدر اروح لهم وبسبب حملي وتعبي اخذت اجازة .. وكنت بروح بيت اهلي فترة الوحام والتعب بس هو رفض اخذني يومين لاهلي ورجعني بحجة انه اشتاق لي .. انا حساسه و عاطفيه يعني غصب عني ادلعه ومن كثر ما اهتم فيه صار يبين عليه عند اهله واصحابه وحتى وزنه زاد عالراحه النفسيه .. وتغير عن اول .. يعني قبل ماكان يفطر .. عودته عالفطور و ان مايصير يداوم بدون فطور .. ولما اقول لاهله يفطر يستغربوووون كيف و احنا ياما يكون جاهز ونفطر وهو مايطيع يجلس يفطر معنا والخ .. انا ما احب اقصر بأي شي تجاهه و احب املي حياته فيني احب اعوده علي لان احبه و عشان لاغبت عنه يفقدني من اقل شي يلاحظ الفرق .. وعشان مايلقى حجه علي ويقول مقصره بغير الطبخ .. عشان كذا مالقى حجه الا الطبخ وما ادري وش فيه فجأه قلب وصار هالموضوع قالب حياتنا وحاسه انه ينتهي بالطلاق لان انا صحيح اصبر بس لاصديت صعب ارجع ومستحيل احد يأثر علي ... عشان كذا اقولكم اخاف اروح لاهلي و اندم لان أي قرار اتخذه ما اتراجع عنه .. الحين انا ما اكلمه الا اذا كلمني او ارسلني اجيب له شي .. وحتى بالفراش بعيده عنه و اول مره ما اضعف قدامه . لانه جرحني والله و راح ابقى اتصرف كذا لان كل ماجيت ابي استقبله مثل اول وكل ماطالع بوجهه اتذكر تجريحه لي وتهديده وضغطه علي .. ماكرهته بس احساسي برد تجاهه .. افكر ادخل الاهل بالموضوع بس الاهل مصيبه مافي مشكله تدخلوا فيها الا و وصلت للطلاق .. حتى لو ماكنت حامل .. مابي اتطلق لان والله احبه ودي يحس فيني ودي يحس انه جرحني .. هالمره مابكيت وانا عكس الناس .. لما ابكي اكون متضايقه سطحيا ... ولما ما ابكي معناه داخلي ناااار وحقد وزعل من قلب وكل شي .. بالنسبه للطبخ افهموووني انا بأصعب مرحلة وحتى لو دخلت لسا ريحة الدجاج تضايقني وريحة الطبخ تزعجني ومايضبط معي شي

بعيدا عن موضوع الطبخ لان واضح انك مجتهده وحتتعلمي
ينقصك حسن التصرف وحب الذات

__________________

انا كنت اثق بنفسي وبطبخي بس هو خللاني ما اثق وخلاني اكره الطبخ .. و احسن التصرف و احب ذاتي بس مادري ليه هو خرب ثقتب وخلاني من سيء لأسوأ .. يمكن من حملي ؟ اغلب المشاكل والطلاق يصير بهالفتره .. زوجي فجأه قلب علي كله لان طبخه ماضبطت و اول مره اسويها وهو قال زيدي وانا ماشيه ع خطوات معينه وقلت له اول مره اجرب يمكن مايضبط وقتها كان يمزح .. بس لما ماضبط قلب489964 درجه .. يعني الحين سؤالي للاخوات . وش تسوين لو انتي مكاني ؟؟؟ سؤالي للاخوان .. لو انت مكان زوجي تتصرف مثله وتهجر زوجتك وتفشلها وتجرحها بسبب طبخه ؟

لو أنا بمكانك بوقف اهتمامي فيه وراح أقوم بالواجبات فقط ..
وبكون رسمية معاه .. أوضح له حزني وزعلي من وضعنا ..
يعني أجهز أكله .. أجهز ملابسه .. اتكلم بالاشياء الضرورية فقط .. واحاول انشغل عنه بوقت فراغنا اغسل الصحون مثلا او اكوي او اقرا كتاب او اي شغلة ثانية بعيد عنه
وبكتب بجوالي بملاحظة الأشياء اللي مزعلتني منه على شكل نقاط ..
ولو سألني ايش فيني برسله الملاحظة أو بقولها له بدون دراما وصراخ ..
ممكن تنزل دمعتين تبيّن زعلي بس بحاول أتكلم بكل وضوح وبدون لف ودوران ..


ع فكرة ، انا متزوجة من 5 سنوات
ومثلك ام دميعة ودراما كوين
واذا تزاعلنا كنت اسكر ع نفسي واذبح روحي بكى ولا اكل واكبر الموضوع واكتشفت ان طريقتي غلط * غلط

صرت اتعامل مع المشكلة بوضووح والحمدلله ارتاح من صداع البكاء والتجويع 😂 ونتائجه افضل من الطريقة الاولى ..

__________________
سبحان الله وبحمده ، سبحان الله العظيم

نعم افعل مثله وخاصة اننا تونا متزوجين ( اتكلم عن وضعكم ) وهذا اول حمل لزوجتي

وش فهمني فرق الهرمونات والوحام والحمل ؟!

لاعندي رحم ولاعندي دورة ولاعندي هرمونات متقلبة

فمستحيل اني استوعب هذه الامور انه حقيقة وليست دلع منها!!!

اذا تكرر هذا الامر ثلاث اربع مرات ( الحمل الرابع) وقتها اقتنع وخاصة اني ساكون كبرت ونضجت

وش فهمني معنى " انجرحت " ؟!

انا لما اعايرها واهددها بالزواج والايام السوداء ( اللي صدقيني مدري ايش هي ، بس اقول سودا من باب التخويف)
مقصدي اني ابعد عنها الدلع واحمسها

انا احبها واخيراً وجدت ضالتي فيها وخاصة اني طلقت الاولى

اذن الطبخ ليس مهم عندي

ولكن المشكلة تكمن في عدم تصديقي واقتناعي انها من جد ماتقدر تطبخ بسبب ظروف مختلفة مرت بها!

زوجتي رائعه وابغاها تكون كاملة مكملة

ومهما قالت لي او بررت لي فلن اصدقها

او بالاصح سوف لن استوعب كلامها

مالم اسمع نفس شكواها من اصدقائي

او اذا قرأت عن زوجات يعانون من نفس المشكلة ( التجريح والتهديد واثره الخطير على زوجتي اللي انني مش حاسس فيه)

وبعدين تعالو هنا

كيف تريدوني اقتنع

وثلاثة ارباع الكلام اللي كتبته هنا ماكنت ادري عنه ( احساسها - موضوع زيادة كمية الرز البرياني - موضوع الموس - بكاؤها الصامت - وووووو) كيف بالله اعرف كل هذا؟!

انا رجال مش حرمة

وهذه اول زوجة تستمر معي لمدة سبع شهور

فبالله كيف افهم نفسيتها وانا تركيبتي مختلفه عنها

وافسر كل تصرفاتها بمعنى مختلف عن تفسيرها هي لهذه التصرفات

بعدين تعالو هنا

مين ا ل غ ب ي اللي صدق اني راح ابدأ تجربة زواج جديدة وعيد نفس المعاناة من جديد!

هو تهديد لها عشان اشجعها تصير حرمة سنعه مثل امي

وسلامتكم

__________________

عزيزتي هل انتي جالسة تبحثين عن حل ام للفضفضة وتنفيس عن الغضب فقط ؟

__________________
سبحان الله وبحمده ، سبحان الله العظيم

والله ياغاده جربت هالاسلوب ودافعت و عددت و قلت له انت جحدت كل ايجابياتي مقابل الطبخ ! قال الطبخ اهم شي و و و و الخ .. قلت ياكثرهم بالنت يشتكون زوجتي مو شاطره الا بالمطبخ ومهملتني وو الخ قال ياليتني منهم والله محسسني ان جدددد ماعرف اطبخ بس والله اعرف لكن طبخي عادي لان توني بديت اتعلم ماصارت لي فرصة اتعلم كنت عروس وبعده وحام