السلام عليكم و رحمة الله و بركاته.

مساء او صبح الخير جميعاً،،،

قدامي قرار مصيري و محتار و محتاج نصيحة أخوة صادقين أمثالكم.

أنا ساكن بالرياض من يوم كنت صغير و اعرف كل صغيرة و كبيرة فيها و متعود عليها و كل شي.


لاكن أنا طلعت للدراسة بالخارج و جلست حدود 7 سنوات بالغربة و لما رجعت الزملاء و الأصدقاء
القدام مختلفين و كل واحد ناسي الثاني و حاولت اكثر من مرة اجمعهم لاكن الجميع أخذ قراره
بالابتعاد حسيت بالوحدة شوي و قررت الزواج تزوجت و ارتحت بس ما عندي حياة اجتماعية أبداً
و الشركة اللي شغال فيها عندها فرع بالشرقية و اقدر انقل لها و أنا حالياً محتار.


من الناحية الوظيفية تعتمد على الظروف لاكن حالياً اشوف الرياض افضل لي لانه الفرص و
الخيارات اكثر و لاكن الشرقية بعد ممكن و اتوقع فيها فرص كثيرة. يعني من الناحية الوظيفية
الرياض احسن.


من الناحية الاجتماعية يعني الأقارب و الزيارات الشرقية اكثر بكثير من الرياض و هذا الشي
الأساسي اللي مضايقني بالرياض احس اني بغربة قليل معارفي و لا فيه اي تواصل أبداً و انا
شخص اجتماعي يعني مو كل يوم يعني لا بس كل اسبوع او أسبوعين ابغى أزور احد او احد
يزورني و يكون يعني فيه حياة اجتماعية و تواصل مع الناس جداً حاس بالعزلة بالرياض و صعب
تكون علاقات جديدة لان بالشركة الأغلبية أجانب و السعوديين القليلين فيها لهم حياتهم الاجتماعية
من اقارب و اصدقاء.


من النواحي الأخرى:

-أهل زوجتي عايشين بالشرقية هم من الأقارب أيضاً و هذا راح يعطيني حرية اكثر مثلاً لو تجيني
دورة خارجية او رحلة عمل اسبوع او أسبوعين عادي اترك زوجتي عند اهلها بحكم انها تدرس
الجامعة الى الان و صعب تجي معاي و بعد لو تتعب علي او يرزقنا الله بأولاد راح تحتاج أمها
بكل تأكيد و هذا أسهل لها و لي انا بعد.


- طفشت من زحمة الرياض طفشت الأن اكره الطلعة من البيت بسبب الزحمة. أشغال البيت
مستحيل اخلصها بيوم واحد بسبب الزحمة و هذا مسبب لي أزمة.


- زوجتي ما عندها مانع بين المنطقتين و لكن منطقياً اكيد راح تفضل القرب عند اهلها و تقول
أحزم أمرك و اختر منطقة و خلاص نستقر فيها و اقدر اكمل دراستي.


- اذا احد يسال عن الوالدين ( ابوي متوفي رحمه الله) و امي نص السنة عندي سوى بالرياض
او الشرقية و النص الثاني بقريتنا في شمال المملكة مع جدتي.


خايف من الانتقال و اندم و ارجع اشتاق للرياض لانه تعرفون مهما كان انا من يوم طلعت للدنيا
عايش بالرياض و متعود على المدن الكبيرة جداً مثلها و بعد افكر من الناحية الوظيفية اتوقع الرياض
راح تكون افضل لي بس والله تعبت من الرياض احس إرهاق و تعب خلاص احس ابغى هدوء و راحة
و مدينة أصغر و اقل إزعاج و زحمة بس اخاف الوضع الجديد ما يناسبني ؟



عندي أخي بالرياض لكن غير اجتماعي بالمرة و تمر الشهور ما نتقابل مع ان علاقتنا ممتازة
جداً و لا فيه اي مشكلة بس هو اكبر مني بكثير و مشغول جداً مع
زوجته و أولاده و لا يحب يجتمع أبدا.


و بالمقابل عندي أخوان و اخت هناك و اجتماعيين جداً مع بعض اكثر من مرة بالاسبوع
اجتماعات او طلعات و زوجاتهم مع بعض و مبسوطين جداً و يتمنون و يطلبوني ان انقل عندهم.



ساعدوني لو انتم بموقفي وش راح يكون قراركم ؟ انصحوني لاني مهما كان أصغر منكم عمر
و انتم مرة عليكم تجارب كثيرة بالحياة و راح استفيد و الله يجزاكم كل خير على كل حرف
تكتبونه لنصحي و إرشادي.


و السلام خير الختام،،،،

1) أتفهم وضعك بشكل جيد.
2) لا تستعجل بالانتقال النهائي أبداً.
3) فقط قم بأخذ انتداب أو إعارة من الشركة إن كانت القوانين تسمح إلى فرعها بالمنطقة الشرقية لمدة 3-6 أشهر+بعدها قيم وضعك بين الاستمرار هناك أو الرجوع إلى مدينة الرياض.

الله يعطيك العافية أخي البليغ و نعم المستشار أنت.

أنا غير مستعجل و عندي وقت أقرر قرار نهائي 4 الى 6 شهور تقريباً لكن بعد هذه الفترة لازم أقرر و أحسم امري لان النقل للشرقية بعدها راح يكون صعب جداً.

مع الأسف لا يوجد مثل هذا النظام عندنا بالشركة. و النقل للشرقية يعتبر أسهل بكثير من النقل للرياض و الرجوع للرياض بعد ذالك شبه مستحيل الا بتغيير الشركة كلياً.

من الناحية الوظيفية فرع الشركة بالشرقية جديد و صغير لو اكمل طول عمري مع نفس الشركة راح يكون افضل لي العمل بفرع الشرقية لكن العمل بالقطاع الخاص مختلف و لتحسين مستوى الدخل و المنصب يجب على الشخص تغيير الوظيفة كل كم سنة و لان عدد الشركات اكثر بكثير بالرياض الفرص بالرياض راح تكون افضل و كذالك عدد المتنافسين فالموضوع نسبة و تناسب ممكن الرياض يكون افضل و ممكن لا ؟؟ لانه ممكن أيضاً تتاح لي فرص بالمنطقة الشرقية أفضل بكثيير من الرياض و عمري ما حلمت فيها.

من الناحية الاجتماعية ما تحس انها مهمة جداً و تعادل أهمية الحياة العملية ؟

قبل زواج ما كنت أركز كثير على النواحي الاجتماعية لكن بعد الزواج تغيرت شوي و صرت افكر بزوجتي و أولادي بالمستقبل و انه لازم يكون لهم أقارب و معارف.

و حتى انا نفسياً مو مرتاح بالرياض و ادور اي فرصة اروح فيها للشرقية عند الناس اللي ارتاح معاهم.

يعني بالرياض اطلع للسوق يكون الطريق زحمة و مواقف ما فيه اطفش و أتضايق كثير و اكره الطلعة و اتمنى اخلص بأقرب وقت و ارجع للبيت.

لو اروح اخلص أغراض للبيت بعد زحمة و ملل و كل شغلة بعيدة عن الثانية ووووو

لو اطلع للبر بحكم اني احب طلعات البر اروح مع من ؟ بس انا و زوجتي ما فيه وناسه وسوالف،،، ابغى يكون عندي ناس اطلع و اروح معاهم بالشرقية راح يكون مثل كذا.

انا مو من النوع اللي اخذ الدنيا لعب و طلعات ووو لا بالعكس انا شخص صبور و عملي جداً و لله الحمد ناجح عملياً و احب النجاح بالعمل لاكن بعد لنفسي و اهلي علي حق لازم ارتاح و اريحهم و خلاص تعبت صار لي صابر و غير مرتاح بحياتي 9 سنوات 7 منها بالغربة و 2 بالعمل في الرياض،،،

الشرقية بس لا تاخذ بقراري لاني من مواليد الشرقية وفي مدينة صغيرة
بس احس الشرقية افضل لوضعك والله أعلم
لاتنسى الاستخارة

__________________

والله من خلال كلامك اخوي واضح ان الشرقيه افضل لك ولزوجتك
والشرقيه حلوه على فكره
واذا اشتقت للرياض ترى كلها 4 ساعات بالسياره وانت هناك
تروح تتمشى فيها وتزور اخوانك

اخي الكريم
اخي الصغير يعمل بشركة معروفة بالشرقية و عاش هناك لسنتين بالظهران و الخبر و الدمام
يقول لي ليتني لم اترك الشرقية فالصحبة هناك جيدة و الحياة هناك متعة
لكن لا تستعجل بالنقل اسأل من يعمل هناك او خذ اجازة و سافر للشرقية و اذهب للشركة لترى كيف الجو الوظيفي

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

أرى من طرحك أنك تميل للشرقية أكثر ..
وايضا مميزات الشرقية أكثر من مميزات الرياض بالنسبة لحياتك ..
لا تنسى الاستخارة ..

الرياض مدينة اسمنتية حتى في مشاعرها
ومع الزحمة اصبحت بلا نبض!!
ولو كنت حرة الاختيار ما ترددت لحظة واحدة في النقل للشرقية
على الاقل اتخلص من الزحمة
والوجوه التي لا تعرف الابتسامة

بما أن ذاك النظام غير موجود فأقترح عليك ما يلي:
1) تواصل مع أحد الموظفين في فرع الشركة هناك وحاول سؤاله عن كل كبيرة أو صغيرة في مجال العمل.
2) تواصل مع أناس آخرين هناك يعملون في الشركات واسأل عن طبيعة الحياة الاجتماعية هناك.

بسم الله الرحمن الرحيم
اولا الله يوفقك لما يحبه ويرضاه
والله يختارلك الخيره اللي تسعدك وتهنيك طول العمر
شوف اخوي
التعود على مدينه او مكان او انسان صعب علينا نفارقه لكن سنة الحياه فيه شي اسمه تكيـــف
يعني ابسألك لما كنت مراهق كنت تحب مكان معين -غرفتك -صديق معين الخ وينهم الحين؟؟؟؟؟؟ مافي خلاص
هذه سنه الحياه تكيف , تعود , ترحال وهكذا
الصعوبه هي انك متضايق من مكان واذا تضايقت من شخص او منطقه راح تظل هالضيقه طووووول العمر
عكس الشوق والحنين لشي قديم بيكون ((مسأله ووووووووقت)) وبتتذكر كلامي
خصوصا وحط تحت كلمه خصوصا مليون خط ان طبعك اجتماعي والشرقيه فيها الشي اللي بيخدم طبعك : وناسه -اجتماعيات -طلعات جماعيه الخ الخ
جملتك اللي اقتبستها فوق هي زبــــــــــــــــــــــــــــــــــــــــــــــــ ــــــــــــــــــده الموضوع كله , راحه الانسان فوق كل اعتبار فوق كل شوق فوق كل تعود ممكن تتعود على غيره بفتره قصيره فوق كل اعتبار , راحتك ثم راحتك ثم راحتك
مدينه كبيره مدينه صغيره صدقني كلها مسميات لاتودي ولاتجيب لو ارتحت بديره راح تشوفها كل شي واحلى شي ولو كرهت مدينها ومليت من شغلات فيها بتضيييييييييييق بعينك مهما كانت كبيره
نصيحتك لك استخير فالله هو العالم بالافضل لنا
وربي يوفقك ويكتب لك اللي فيه الخير