هو النظام حلو ماعليهوش كلام
بس مش شايفة ان العيش المدهون زبدة ده تقيل شوية
وفعلا الاطفال بيموتوا في الجبنة النستوا حتى ولو حاف .. وممكن تحطي النستو على بيضة .. او حتة بطاطس مسلوقة ..
عن نفسي لإبني كونت بدوق الاكل قبل مادهوله عشان هما بيحسوا بطعم الحاجة لو خضار مسلوق مش هيحبوه اوي .. لازم يبقى على الاقل بمرقة او حاجة ..
وكمان الفاكهة يعني التفاح مثلا بحط عليه عسل وسيريلاك بعد ما بسلقه نص سلق بس يكون طري شوية .. بيبقى طعمة زي فطيرة التفاح بس طبعا خفيف .. ممكن تعملي كدا في فواكه كتير .. موز بأه والخ
وكمان عندك الرز الابيض المصري برده لو حطيتي عليه خضار بالمرقة بيعجبهم جدا ...
السمك المشوي ظريف وخفيف .. بيحبو مثلا العنب .. بس طبعا تفعصيها قبل ماتدهالها لحسن تقف في زورها وحاولي ترمي قشرتها بعد كدا
والبطاطا .. ممكن كمان ..
ممكن تحاولي تضيفي معلقة زبادي قليلة الدسم في الاكل
والبسكوت بتاع الاطفال ده كان على طول في شنطتي ..
بس اهم حاجة انك تدوقي الاكل لو ماحبتيهوش أكيد هي كمان مش هتحبه .. دول ماشاء الله ذويقة
وبالنسبة للرضاعة بليل انا بحس زيادة الرضعات بليل بيكون من الطفل نفسه عاوز يحس بيكي وبحضنك مش أكتر وانا بصراحة من النوع اللي قلبي مش بيطاوعني ...
وربنا يعيننا جميعا ... وابقي طمنيني
التعديل الأخير تم بواسطة helwaya ; 12-11-2008 الساعة 07:32 AM