الله يهديك ويكتب لك الصالح..
مشكلتك يا عزيزتي سببها انتي,,
و انتي فقط !!
- بعدك عن ربي, وهالشي استشفيته من تحديثاتك للي يصير فمن حجابك لغفلتك للضن السيء لتمني الموت !!
- استثناء العمل فعليا في طلب رضا الله واقلها بالصدقه و القيام بالليل والاستغفاااار والبكاء لله لا على الزوج..
- انك و بكل بساطه خانقه زوجك و قاعدة له بكل مرصد, لان كونك زوجته هالشي مايعطيك الحق في محاصرة تصرفاته و مراقبته و محاسبته عليها وتفتيش جواله و اقتحام خصوصيته!! هالشي غلط لانه يقلل من قدرك وهيبتك وثقتك بنفسك عنده و يعتبر تصرف خالي من الرزانه والذوق فضلا عن التقليل من احترامك له فعليا ولو كان هالشي مختلف داخلك هو بالاخير بشر وماله الا الظاهر..
- طلبك وتعطشك الدائم للمشاعر و انتظارك لها منه ونسيتي ان الحب و الاهتمام عمره ما ينطلب واعتقد ان هذا سببه الفراغ العاطفي و انعدام الوعي العاطفي ايضا و قلة تقدير الذات,, اعطيه فرصه وشوفي واعتقد انك سبق وجربتي استجابته لك وقت خمول حملة حصارك له وياسك من اقباله.
- مفهوم التغاضي عندك محذووووف أو مجهول بالنسبه لك.
- اهدارك لذاتك واستهلاكها في الجري وراءه وغفلتك عن حياتك و متعتها بمحض ارادتك ووعيك !!!
....
ارجو اني ما كنت قاسيه عليك بالرد بس هذا الواقع واللي اشوفه وضاح وجلي من كلامك انتي بس والله العالم بما يكنه الزوج ويعانيه!
اقترح عليك عدة نقاط اذا ما حسنت علاقتك فيه ممكن تعينك على مواصلة حياتك بعده:
- الزمي الاستغفار و الصدقه و عدلي حجابك وعلاقتك بالله فعليا وكل ماذكرتي زوجك افرشي السجاده وابكي لله بان يربط قلبك و يصلح حالك ويدبرك للاصلح.
- اشتغلي على نفسك وقاومي رغبتك بالعزله باقوى ما عندك, وابدئيها بخطوات لاني اتفهم شعورك بعد انقطاعك وادمانك لزوجك وصعوبة الاندماج من جديد,, فابداي بالاماكن العامه مثلا النادي لخفض الوزن او حتى المشي في الحديقه او حول البيت او اي نشاط محدود يفيدك انت فقط,
- ابداي ببرنامج خاص تتعلميه وتطبقيه ببيتك بدون الحاجه له او لغيره مثل الميك اب او الشعر من النت او الطبخ او مجموعة كتب في مجالك المفضل او برامج تثقيفيه وتوعويه تشوفينها بالتي في او النت او الرسم او الخياطه او الاعمال اليدويه..... الخ .
- حاولي البدء في انشاء علاقات جديده وبسيطه زي الجارات الجداد و صديقات من النادي لان هذا النوع من العلاقات هو الافضل لك حاليا لانه بيوفر لك فرصة البدء من جديد و قدرتك على التحكم في صورتك المقدمه لهم ورسم حدود العلاقه بعكس علاقاتك القديمه,, وهذا مو معناته تغيير واقعك ومحيطك لا, القصد التدرج في الرجعه لهم واعادة امتوى العلاقه معاهم لاول او تحسينها,, لانك من خلال العلاقات الجديده والخفيفه بترجعين ثقتك بنفسك وقدرتك على الاندماج و التواصل و بعدها تدريجيا تعمقي في التواصل وتجديد العلاقات القديمه و اعادة مجتمعك لدائرة ممارساتك و اهتمامك.
- تعلمي فن التغاضي واقراي عنه (مثلا زوجك تلفت و انتبه لوحده تغاضي وانشغلي بالبضاعه او الجوال او اقطعي عليه وناسته بسالفه تافهه او سوال غبي وانتي بكامل برودك وكملي التسوق و عاقبيه مثلا بشراء شيء غالي او الانشغال عنه بنفس الليله بدون ذكر الاسباب والتهاتر بالموقف وان ناقشك وقالها صريحه انكري بل ومثلي الاستغراب بعد..
هناانتي ما ارويتي استفزازه لك او تهميشك في حالة كان قاصد و ان كانت نظرته عفويه فانتي مانبهتيه لاهتمامك و عاقبتيه بطريقتك),,
- لااااازم تفهمين وتدركين ان نفسية الرجل وطريقة تفكيره مختلفه عنك وانصحك بكتاب المرأه البحر والرجل المحيط..
- حبي نفسك و علميها ان اللي يحبك بيجيك ويطلبك و كرري هالشي على نفسك لان العقل الباطن اذا استوعب بدا الشخص ياخذ المعلومه كانها قناعه ويعمل بها,, والاهم لا تقدمين اكثر مما تاخذين!
- اطلبك بجد وحرقه,, وقفي تشكي وشحذ مشاعر منه و لا تتمسكنين له وان كان فعلا شعرة حياتك لا تبينين له لان الرجال يقرف من المراه المهانه واللي تحب دور الذبيحه لانه تحسسه بالجمود,,, بيني له مشاعرك تجاهه ورغبتك في اصلاح القادم بس بكرامه و عزه وحاولي انتقاء الفاظك وجهزي جمل تبين طلبك بالذات و انتبهي من اي شي يدل على تحديه او التقليل من هيبته و رجولته.
...
الله يصلح حالك ويختار لك اللي فيه الصالح ويرضيك به