السلام عليكم ورحمة الله و بركاته
انا اعندي مشكلة يا ليت ألقى لها حل عندكم 000 قبل 3 سنوات تقدم لي شخص من اقربائي يخطبني من أهلي 000 طبعاً أنا لما دريت بالخطبة قلت لامي و ابوي اعطوني فرصة أفكر 000 لكن للأسف امي و ابوي علشانهم رافضينه ردوا عليه بسرعة و بدون ما يردونلي خبر 00 واللي زاد الطين بله أن هم تعذروا فيني يعني بالعامي ( مسحوها فيني ) وقالوا له : حنا نبيك لكن بنتنا رافضة و ما نقدر نغصبها حاولنا فيها أكثر من مرة لكنها رفضتك بشدة و قالت ما أخذ واحد عاطل 00 في الحقيقة انا لما اعرفت في الموضوع انقهررررررررررررررررررررررررررررررررت وقلت لهم حرام عليكم تردونه من دون ما تقولولي وتكذبون علي بعد مضت فترة على هذة الحادثة وتوظف خطيبي السابق بوظيفة ممتازة ثم تقدم لخطبتي من جديد وحينها وافق والداي عليه وتم الزواج وبعد فترة قال لي : أنا ندمان أني أخذتك وما أخذتك الا علشان اكسر غرورك وكبريائك 00ما وافقتي علي الا علشان منصبي فقلت له الموقف الذي حدث مالي دخل فيه لانه انا ما رفضتك امي وابوي هم اللي ردوك و تعذروا فيني المشكلة اني احبه كثييييييييييييييير وهو ما هو حساس مجروح ويعاقبني على ذنب ما ارتكبته ؟؟ تعبت كثير 00مرة صارحت اخته ــ صديقتي ــ وقلت لها انا احبه لكن واضح انه ما يبيني انا افكر بالطلاق قالت لي أخته : انه زوجك يحبك و يموووووت عليك لكنه مجروح
في الحقيقة انا تعبت من هذا الوضع ما يكلمني وينام لوحده الى متى وهو كاتم مشاعره
00الى متى وانا اشوف بعيونه حبه لي و اسمع من الناس اني كنت حلم حياته وحبه القديم
لييييييش يعاقبني على ذنب ما ارتكبته هل اطلق منه واريح راسي من هذا العذاب ارجوا المساعدة لاني خلاص تعبت


تم تعديل العنوان ليتضح المضمون.. الإشراف

حبيبتي الله يعينك ويهدي زوجك

يا قلبي لا تفكري بالطلاق ابد حاولي معاه بالكلمه الطيبه واللين واكيد هوه يحبك

اصبري عليه يا قلبي واذا عاملتيه بالطيب والكلمه الطيبه وتوددتي اليه وحاولتي اكثر

من مره وما في نتيجه طنشي خليه على كيفه ولا تبيني انك زعلانه خذي الوضع عادي

واكيد هوه راح يفكر ليش ما عادت تهتم اني ارضى او تبرر واكيد راح يواجهك ويسالك

وساعتها قوليله حاولت فيك لكن ما فاد قلت اخليك على كيفك وابدئي معاه بالكلام على سوء الفهم

بعقلانيه والله يوفقك يا قلبي هوني الامور تهون هوني الامور ولا تزعلي على شي ربنا معك

بالتوفيق وادعيلي

__________________
صورة التوقيع و الصورة الرمزية ممنوعة . راجعي قوانين المنتدى

لجــل دنيآأإ فـــآأإنيـــه نفتـــرق فـــى ثــآأإنيــه

معليش ياقلبي اصبري
ان شاء الله زوجك بيهدا ويفكر

قوليلي بعد كم من زواجك قالك هذا الكلام؟؟
على طول وانتي عروسه؟؟؟؟

الدنيا يبغالها صبرررررررر شوفي حالتي

ادعو الله لك ولي بالفرج القريب

اسمحيلي

هذا إنسان تافه وفاكر حاله عايش في مسلسل تلفزيوني

معقولة؟... بكل وقاحة يقول ((أنا ندمان إني أخذتك وما أخذتك إلا من شان أكسر غرورك))

سامحيني أختي على كلامي
بس أنا بكلمك بصفتي رجل وبفكر كرجل
المفروض الواحد ما يستهين بأمور الزواج.. يعني تزوجك بس عشان ينتقم؟

اللي يستخف بأهم قرار في حياته (من وجه نظري) هذا إنسان تافه

المفروض يقدر النعمة ويحمد الله

الله يعينك ويهديه يارب

اشكر لك مرورك اخت بردانه وجزاك الله خير

[gdwl]قوليلي بعد كم من زواجك قالك هذا الكلام؟؟
على طول وانتي عروسه؟؟؟؟
بعد اسبوعين من زواجنا قاللي هذا الكلام وليته ما قاله 00 جرحني الموضوع كله عنده كرامه00 المشكله حتى لو ابي اتوددله يصدني بقوة 00مرة أخذت ملابسه بدون علمه وغسلتها له وبعدين لما رجع من الدوام ودرا اني دخلت غرفته خاصمني بقوة ومرة طلع من البيت الصباح وتأخر الى منتصف الليل طبعاً قلقت عليه وخفت أنه صاير له شئ أدق على جواله اكثر من مرة ما يرد000دقت على اهله اسألهم 00 قالوا لي أنه طالع مع اصدقائه في الاستراحة000 لمن جاء الى البيت قلتله انا احبك واخاف عليك ياليت اذا بغيت تتأخر تقولي
فقالي :خلي عنك التمثيل
الله يعين ويسر ربي أمري وأمرك

المفروض الواحد ما يستهين بأمور الزواج.. يعني تزوجك بس عشان ينتقم؟

صدقت أخي الامر عنده انتقام وماهو ياقدر ينظر للموضوع من جانب آخر
اشكر لك مرورك

تم النقل إلى قسم المتزوجين حيث مكانه الأنسب..

حبيبتي لا تفكرين هذا التفكير لو سمحتي

طيب لو فرضنا انه تزوجك عشان ينتقم ليش ما طلقك وقالك ما ابيك من اول يوم؟

هذا مو منطق ومتاكده ان زوجك شي زاعجه والله اعلم بس حبيبتي كم صار لك متزوجه؟

وتفولين غرفته ليش ما تجمعكم غرفه وحده ؟ وش السبب؟

__________________
صورة التوقيع و الصورة الرمزية ممنوعة . راجعي قوانين المنتدى

لجــل دنيآأإ فـــآأإنيـــه نفتـــرق فـــى ثــآأإنيــه

صااااااادق في كل كلمة ..


انتي حبيبتي جربتي الاسلوب الطيب والحنية والدلع ..


ليه ما تعامليه بنفس اسلوبه ..


شكله ما يحب الحرمة اللي تجري وراه ..


يحب هو اللي يجري وراها ..


اثقلي عليه ..


ونصيحة لوجه الله ..



اجلي موضوع الانجااااب الين تتضح الصورة لك تماااااااااااااااااااما ..



ت ح ي ا ت ي ..

__________________