................! هذي زوجته ولها مثل ما لك طيب واذا ردو تفاهمو وحبها شلون يعني......................انا ماشوفها غيره صراحه وبحركاتك هذي يمكن يتخلى عنك وترجح كفتها عليك،،،

مشكلتك يا زين ابيها، انك تخافين تفقدين اللي لك

لما كنت تطبخين و تدرسين كنت تطمئني انك لسا الرقم واحد و حتى الرقم 2 اللي بحياة زوجك ما تشكل خطر بالنسبة لك

انت حسيتي بالخطر لما اتوقف الطلاق، و الاحساس زاد عندك لما عرفتي انها تضحك معاه و سمعت الضحكة بادانيك

هذا خوف عندك لازم تقضي عليه بنفسه، لازم توصلي انه ثقتك بنفسك تكون عاليه، يعني عيشي حياتك عاديه مع زوجك، و ثقي انه ما راح يتخلى عنك، و ادا صار و قدر الله تزوج وحدة ثانية ثقي انه عجله الحياة اقوى و راح تفرض عليك تستمري

انت جايه من وسط يتقبل التعدد يعني ما راح تحسي انك ضحيه او انك منتي ست ممكن تكفي زوجها، اعتقد و الله اعلم عندك صورة بداحلك تجعلك تريدي تتملكي زوجك، صورة مرتبطة بواقع التعدد، او انه عندك خوف من رفض الاخر لك و لمشاعرك

زوجك لما رفض عرضك الاخير، مبين عليه انه رجال و النعم فيه، و عرضك الاخير يبين انك انسانه غير ناضجة، لانك لما قدرت انه مشاعرك اللي قدمتيها قوبلت بالجحود قلتي له انك تبقي كالة،

من جدك هذا الكلام،

زوجك يدور على شريك يتحمل معاه مشاكل زوجته، و انتي تقولي الة

التصرف الصحيح هو اما قبول الوضع كما هو لانك انتي دخلتي و كان هذا احتمال وارد، و اما ان تنسحبي تماما من حياتهم، اجل حياتهم و ليست حياته

سيري على القانون اللي هو حاطه حترتاحي و يرتاح

و خلي زوجته تدير حياتها و حياة اولادها كيف تبغي و انت ما الك دخل

الله يكون معك و يهدي سرك و يختار لك الافضل و لا يخيرك

و اعتذر عن التطفل بالاجابه، و ننتطر معك حل الاخت مهرة

زين
دخلت علشانك .. حزنت ع وضعك وحالتك ..
ريحي نفسك وحاولي انك تنسي زوجته الاولى .. شيليها من حساباتك..
استغربت انك تقولي ع أساس ما بينهم علاقه وما يحبها .. !!!
زين .. زي ما تحبي لنفسك الخير حبيه لغيرك.. انا احسك داخله حياته وانتِ بنيتك تبني سعادتك على تعاسة غيرك ..
علشان نفسك بس اصلحي نيتك .. الحل يا زين بينك وبين نفسك ..
بكرا الايام تدور واللي نتمناه للغير يرجع لنا ..
اكلمك من واقع تجربة .. انا انسانه مرا حساسه وأغار على امي قبل ما اتزوج بشكل جنوني.. كانت لما تدلع احد قدامي وربي تسود الدنيا بوجهي وأكره نفسي ..
بس لما تزوجت كل ما حسيت بالغيرة .. رددت بيني وبين نفسي ب اسلوب هجومي ع نفسي ( سلامات يا منفردة ترى المفروض هي اللي تموت غيره مو انتي بالذات انك متزوجته وهو متزوج يعني طبيعي هي زوجته وعشرة عمر بينهم وبعدين ليش أغار عليه ؟ انا اعرف انه يحبني ويسوي كل الأشياء اللي تسعدني لذلك يا منفرده هذا الانسان دوامه شفتات يوم عندك ويوم بعمله ) كذا كنت أفكر وكنت احاول اقول للغيره ستوب .. حدك لا تخربي حياتي ..
مرا وحده اللي خاصمت وزعلت منه انه قبل فتره اتصلت عليه ورد قدامي .. مو الغريب انها تتصل ويرد .. بس سمعتها تقوله بسم الله عليك وتضحك .. وسالفه طويله صارت رغم انه المكالمة ما اخذت نص دقيقه .. بس قلبت الدنيا قلت ما تعاكسها قدامي احترمني وكلام كثير من ضمنه انه انا ادري انك ت و ت ووو لكن مو قداااامي بس بالاخير بعد كم يوم شرح لي هي ليش اتصلت وايش قالت والموضوع كان بعيد عن اللي بمخي ..
ومرا عرفت حسابي بالانستقرام عن طريق حساب اخته .. وبناته صاروا يرسلولي ويكتبوا كلام .. والموضوع صار تحت عين اخته .. قالت قولي له ورفضت .. بعدين هو رسل لأخته انه اذا طلبوا منك حسابات منفردة لا تديهم شي .. وقالت لي يا ويلّي ايش اقوله قلت لا تقولي شي قولي طيب .. الا جا وقال فلانه اللي هي زوجته بتضيفك بالانستقرام انتبهي تضيفينها .. بعد كلامه هذا خبرته باللي صار .. عصب وقال شغلهم عندي وخليته لما يهدى ومن قلبي وربي جيته وقلت له بطلبك طلب .. لا تعصب عليهم بكرا لا تتهور ترى مافي شي تفاهات .. انت ترضى تنزل نفسك لتفاهات وكلام حريم .. اصلا مو حلوه بحقك ..وبناتك خليهم يحبونك لا تخليهم يكرهوا وجودك وكلام كثير .. سكت شوي بعدين باس راسي ..

اللي بوصله لك بختصره بنقاط:
1-لا تتكلمي عن زوجته اعتبريها مو موجوده واعتبري نفسك الوحيدة بحياته.
2-تبغي تكوني سعيده حبي نفسك اول شي واقتنعي برزقك بالحياة ونصيبك منها.
3-حسني نيتك علشان حياتك تصير حلوه.
4-اشغلي نفسك اذا تيسرت لك وظيفه توظفي او احملي ترى الحمل عقلني وخلاني اكثر حكمه.
5-زوجك ان شافك طول الوقت تبكي وتغاري تطيحي من عينه .. ثقي بنفسك وبحبه لكِ.
6-محد يستاهل ننهار علشانه ..بكرا ان صار لك شي ما راح تفيدك غيرتك اللي من الشيطان .
ما اعرف ايش اقولك يمكن تستفيدي من كلامي ويمكن لا .. لكن يكفيك من بين كل هالسطور انك تخلي قلبك ابيض علشان زوجك يحبك وربنا يرضى عليك.. لان ربي الان ينظر لسريرتك مو للظاهر .

نسيت اقولك انه حاول فيني يطلقها ويجيب أولاده بشقه قدامي
لكني رفضت رفض تام
قال اتزوج غيرها ترى علشان عيالي بس انتي أولى من غيرها
قلت انت حر تزوج ثلاثه وحطهم مع اولادك انا ما أتدخل بخراب البيوت
قال هي اللي خربت بيتها
قلت هي بكيفها وبعدين مافي وحده تطلع من بيتها لمجرد انها ما تبغاه اكيد لها اسبابها الادميه..
وكلام كثير لكن انا كانت نيتي ومن كل قلبي ما أتدخل لان الدنيا تدور ولان مافي قلبي شر
وكوني زوجه ثانيه ما يعني اني سيئه او ناقصه بس هذا نصيب .

رغم صفاء نيتي تجاهها الا اني ما ابغى أتواصل معاها ولا ابغى أشوفها .. خلاص هو احترم رغبتي
لكن هي للان تحاول توصل لي .. مدري ايش هدفها لانها لما وصلت لحسابي ما قالت شي مفيد ولا تكلمت ب ادب معايا ..

زين اخرتها رح تخسري كل شي بغيرتك المرضية خليك ذكية مثل زوجته الاولى رجعت تكسبه حبه حبه

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

يا جماعة الله يرضى عليكم شوي شوي على زين.

البنت فيها خير كثير .. ونيتها ما فيه أي شي سيء.
.
.
.
زين .. راجعة حبيبتي.

__________________


اللهم طِيبَ الأثر .. وحُسْنَ الرحيل.

انا زعلانه عليها والله ..
بالنهاية مافي رجل بالعالم يستاهل انه الوحده تهلك صحتها ونفسها علشانه ..

بالفعل اخواني واخواتي قرأت موضوعها بساعدني

اختنا بحاجة نمد لها يد العون لا ان نرمي اتهاماتنا
ربما ارى انها تعيش غيرة مرضية


اختنا لجأت لنا ولنكن معها خطوة بخطوة ونفهم القصة من اولها وبعدها نحكم على ردة الفعل القوية اللاارادية التي حصلت مع اختنا
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

لا حول ولا قوة إلا بالله

توقعت الموضوع فيه خيانة أو تقصير حب من طرفه

طلع الموضوع إن زوجته الأولى ضحكت وجلست جنبه عالغداء !! ):

طيب هي إنسانة حالها حالك ويمكن معاناتها أكبر من معاناتك

الإنسانة واضح إنها تعبانة بالحيل ومو قادرة حتى تقوم أطفالها للمدرسة أو حتى تضحك من قلبها

من يوم أخذتيه كان حطيتي ببالك إنه ما تركها على ذمته إلا وهو حاط أمل إنها بترجع بيوم زي ما كانت

لا تذبحين عمرك عشان تكونين المحبوبة الوحيدة بحياته .. الرجل الشرقي لا يمكن يكتفي بأنثى واحدة ولو أقسم على أغلظ مواثيق الحب

بيجي يوم ويبحث عن أصغر وأجمل من اللي عنده وبيقول احبك بس الشرع أباح لي العرس

افهمي انك معيشة نفسك بعذاب وهمي

..................

لا حول ولا قوة إلا بالله!

__________________


اللهم طِيبَ الأثر .. وحُسْنَ الرحيل.