السلام عليكم ورحمة الله وبركاته

اليوم جايبه لكم طريقة لمجيوس اللحم سهله واااااااايد وسريعه .. ولذيذة .. وان شاء الله تعجبكم


اول شي المقادير :

1- بصله صغيره
2- فص ثوم
3- كوب عيش
4- جزرة
5- كوبين ماي
6-البهارات على كيفج
7- ملعقتين ملح
8- 4 ملاعق زيت
9- لحم كثر ماتبين << ماشاء الله المقادير وايد مضبوطه
10- 3 حبات طماط مقطعين الى 4 قطع

ويللا بسم الله نبدأ

اول شي طبعا كالعادة تصخنين الزيت وتحطين عليه البصل والثوم لين مايصير لونهم ذهبي :



وبعدين تجيبين اللحم وتحطينه فوقهم وتحطين عليه البهارات :



وتقلبينه .. ثم تخلينه 3 دقايق على نار متوسطه

يعدين الله يسلمكم تحطون الطماطم :



وايضا تقلبينه وتخلينه 3 دقايق على نار متوسطه لين مايذوب لكن مع التقليب المستمر

بعدين تكتين كوبين الماي عليهم وتخلينه ساعه او لين مايستوي اللحم :



وقبل ماتخلص الساعه او قبل مايستوي اللحم بربع ساعه حطي الجزر

وبعدين .. تكتين العيش فوقهم :



انا الله يسلمكم قبل لا حط العيش اشخل الماي .. وبس احط اللحم والجزر لاني ماحب الطماط والبصل مع العيش

المهم وتحركين العيش لين مايصيرالماي هو الطافح :



وتخلينه على نار متوسطه لين مايبدا العيش ف الانتفاخ .. ويكون الماي تبخر



وتقدمينه مع سلطه او روب وخيار كيفج



واي استفسار انا حاظرة .. واسمحوا لي اذا ما كانت الطريقة واضحه او ماعجبتكم الاكله بس احنا صراحة قضينا عليها

وبالهنا والشفا

يم يم يم يم شو هالزين


تسلم ايدج حبيبتي


وعليكم بالعافيه

__________________
ادعولي ربي يفرج همي... محتاجه لدعواتكم

حاملة الهم

اكله من شكلها جدا لذيذه

ولاكن عندي استفسار وارجو ان تردين عليه او اي واحده من الغاليات

الشاطرات با المطبخ

البهارات الخاصه با المجبوس هيه نفسها البهارات العاديه ام شي مخصوص

لأني صراحه ما احب المجبوس با البهارات المعتاده مثل الهيل .. القرفه ... عويدي

ابغى اسماء لبهارات جديدة ... وربي يعطيك الف عافيه وتقبلي تحياتي

اختي الهم ..

الله يسلمج ويعافيج .. شاكره لج مرورج ..

اختي دموع الريحان ..

بالنسبة لي احط كركم وبزار وملح وفلفل اسود وهيل وكمون ودراسين ..

ماعرف غيرهم .. بس يقولون اذا اضفتي ورق الغار والقرنفل يعني نكهه روعه ..

وان شاء الله اكون قدرت افيدج

تسلم ايدك حبيبتي والله يبعد عنك الهم وعنا كلنا واله يعطيك العافيه بصراحه شكلها مشهي .

تسلم ايدك حبيبتي والله يبعد عنك الهم وعنا كلنا والله يعطيك العافيه بصراحه شكلها مشهي .

هلا اختي عالية الاحساس ..

الله يسلمك ويجزيك خير

تسلم الايادي

__________________
اللهم إني تصدقت بعِرضي على الناس وعفوت عمن ظلمني
وأسألك في ذلك بلوغ مراتب المحسنين
ربنا هب لنا من ازواجناوذرياتناقره اعين واجعلنا للمتقين اماما
رب اجعلني مقيم الصلاه ومن ذريتي
اللهم اني اسالك لذريتي صحبه الاخيار وتوكل الاطيار
اللهم الف بين قلوبهم وبلغني فيهم غايه املي ومناي بحولك وقوتك
اللهم اسعدني ببرهم في حياتي وبدعواتهم بعد مماتي

تسلم يدينك...
من زماااان عن الكبسة...

__________________