السلام عليكم

"انا بنت عمري 25 للاسف مريت بتجارب حب وخطوبات فاشلة وللاسف مو قادره انساها او انسى الاشخاص اللي دخلوا في حياتي وكانت لحظاتها جدا سعيدة عليا ماانساها وللاسف انتهت بخيبة وجرح وحزن..
حاليا اتقدم لي واحد من اقاربي وهو اصغر مني بسنه ولظروفي الصعبة اضطريت اوافق عشان ظروف خاصه تجبرني اتزوج عشان اخرج من الوضع اللي انا فيه حاليا..
خطيبي انسان محترم محافظ على صلاته وخلوق وامكن فيه صفات بتسعد اي بنت ترتبط فيه ويحبني ومهتم جدا فيا..

بس المشكلة فيا اني مو قادره اتقبله كزوج احس انه اصغر مني وكمانا هو شخصيته ضعيفه وماعنده ثقه بنفسه وفاشل في دراسته وانا عكسه انسانه ناجحه جدا في حياتي بس بسبب ظروفي اتوقفت ودا الشيء اللي جابرني اتزوج عشان ارجع اكمل حياتي بنجاح..
انا ماانكر لو كان اي واحد غيره فيه نفس صفاته على طول بوافق واكون مرررررا فرحانه واسعد انسانه..

بس في قلبي احس صخره واقفه بيني وبينه ماني قادره اتقبله
كثير قالوا لي ارقي نفسك و و خصوصا ان الولد اغلب بنات العايله تتمناه وحاولوا يوصلوا له، استخدمت برامج رقية في وقتها احس اني بديت اتقبله واتقرب منه وبعد ماوقفتها ارجع نفس الشيء مو متقبلته والله اوقات احس قرفانه منه وللاسف مافي اي سبب..
محتاره ايش اسوي؟؟ اكمل معاه امكن بعد الزواج اتقبله او اني انفصل عنه وارتاح نفسيا.. صار لنا 6 شهور مع بعض

عارفه كثير بيحطوا اللوم عليا بس يعلم الله انه مو بيدي وفي جبل بيني وبينه بس والله قاعده احاول اضغط على نفسي لاني بجد اتمناه بعقلي لاني عارفه ماحيتقدم لي احد افضل منه.. "

نقلت المشكلة بدلا عن صاحبتها لأنها لا تعرف كيف تستخدم المنتديات