السلام عليكم ورحمة الله وبركاته
انا متزوج من سنتين والنصف من فتاة عمرها 25 سنة والحمدلله
مشكلتي تكمن في شخصية زوجتي الغريبة نوعا ما
زوجتي مع انها في عمر نضوج واستقلالية الا انها تملك من الغباء والهبل في التصرفات
ما لايملكه احد اي بمعنى لما اسالها عن شي تقعد 5 دقايق تفكر في الاجابة مع ان اسالتي عادية جدا ، ماتستوعب كلامي ابدا ابدا ولا تسولف معي ابدا ابدا
ساعات ابي اسولف معاها ولكن للاسف كله فاهيه وكله ماتدري ماتدري ماتدري !!!
احيانا ابي اخذ استشارتها بشي تقولي انا ماعرف انت رجال وانت اللي لازم تعرف !

فيها غباء وطول الوقت تضحك بس تضحك على شي سخيف تضحك حتى الاخبار اللي يبيلها جدية هم تضحك عليها
ساعات اكون مضايق افضفض لها تقوم تضحك ولا ترد علي ولا شي الا بضحكات رنانة 😕
شي غريب والله !!
تسال نفس السؤال مليون مره في اليوم !!
اعطيكم شوي امثلة
يعني مره مدحت شعرها ماشاءالله طويل وغزير تفاجآت حضرتها جايتني قاصه شعرها ولما قلت لها ليش ? قالتلي مو حلو قلت لها انا احب الشعر الطويل ! قالتلي اوه فكرت العكس > يعني بالله ايش اسمي هالشي!!

وبعد موقف ثاني ..............

وبعد لما يكون عندنا ضيوف ي جماعة تقعد تبكي هههههههه انا داري انها مسؤولية وشوي ضغط بس ليش البكاء ? والله على بالي صارلها شي اسالها ايش فيك تقولي انا اخاف يزعلوا الضيوف او مايخلص الاكل او ينحرق !!

وهم بعد لا حظت فيها التصنع الكثير والتسليك
يعني ياريت تقولي مثلا انه هالشي مايعجبها وهذا يعجبها

انسانه غريبه عجيبه مره من المرات راحت المول تشتري اغراض وعطيتها فلوس وكل شي تمام
دقت علي تقولي تعال البوابة كذا انا خلصت المهم لما ركبت سالتها ماشتريتي شي
قالت الا اشتريت اشياء كثير لما ارجع البيت اوريك قلت لها مااشوف شي معك
قعدت طالع فيني ساعة وبعدين استوعبت انه مامعاها اكياس نستهم داخل المول وماحصلناها

يااخواني والله مواقف كثير انا عطيتكم ترا الخفيفة ولا فيه اعظم من كذا شوي والطم
طيب ياريت احد يفسرلي شخصيتها او ايش فيها بالضبط
اخواتي انتوا تعرفون بعض ياريت احد يقولي ينورني اي شي

بالنهاية انا رجل وابغى زوجة اعتمد عليها ولها شخصيتها وتونسني بحياتي وتسولف معي واسمع منها وتسمع مني انا مابي وحدة جدار او زينة بالبيت ??
زهقت من حياتي


تم تغيير العنوان ليتناسب مع المضمون

حالتها غريبة الصراحة وديها عند طبيب نفسي يمكن عندها ادراك متاخر

واضح جدا انها تعاني من قلة ادراك وصعوبات تعلم ..
وتلاحظه في مستواها الدراسي المتدني ..
وفي تخلفها عن اقرانها .. ومن يكونوا بعمرها ..
وتتصرف تصرفات عمر اصغر منها بكثير ..


هناك مراكز تعالج مثل هذه الحالات ..
ولكن كل ما يكون العلاج في وقت ابكر وعمر اصغر يكون افضل ..

__________________

في البداية ي اختي اقنعت نفسي بما قلته ولكن مستواها التعليمي خلاني انزع هالشي من راسي هي متخرجة من الجامعة من قسم ممتاز ودراستها كانت باللغة الانجليزية وانهت دراستها في المدة المعينة ولم تتاخر او واجهت صعوبات ولكنها لم توظف بعد وبمعنى ادق هي لم تقدم بعد

مو شرط يا اخي التعليم شيء وسرعة الادراك شيء والغالب انها من النوع الا يسرح كثير وما يسيطر على تفكيره

طيب .. وكيف مستواها في الصفوف الاوليه ؟
الابتدائي الى الثانوي .

__________________

اعتقد انها من النوع الاتكالي ..يعني لم تعتمد على نفسها وكثير بنات مثلها ..
لانها كانت محتميه باهلها
يعني ما هي ماخذه انها تطلع لوحدها المول ..وتتبضع وتدفع الفلوس ..
وقص شعرها .. يمكن خافت انك تحسدها ..
وبكائها قبل الضيوف ... لانها ما تعودت تستقبل ضيوف لوحدها وتكون مشرفة الجلسه ..لانه ببيت اهلها امها موجوده واختها
اظن انها ليست الفتاه الاكبر بين اخواتها او البكر
ما اشوف فيها شي
راح تتعود مع الايام .. عادي ..ايضا الوظيفه ممكن تصقل شخصيتها وتجعلها اكثر نباه

البنت ممتازة ، مادري بس يمكن هي من الناس الاذكياء في الدراسة ولكن في حياتهم مايعرفوا يتصرفوا ابدا

جايز ي اختي وطرت على بالي من قبل ولكن في بعض المواقف اللي اصير بيننا مااصدق ولا استوعب سذاجة تفكيرها ??

نعم هذا ما قصدت ...لأنها مدلله في بيت اهلها ولم تتعود الخروج لوحدها الا ما اهلها ..وهذا الصحيح ..لكن تخوض مع الخائضين
يعني مثل تابعه دائما ..وليست متبوعه ...
ومع الاييام تتعود ....مثل الدفع النقود ...وحمل الاغراض المهمه ...ومعرفة الاماكن والطرق