المشاركة الأصلية كتبت بواسطة متفائله200

زوجتك نسيانها السبب الي هي فيه نتاج التربيه وهذا لايعني انها مارح تتغير لا بيغيرها الزمن غصب

كان فيني نسيان زيها تزوجت في عمر صغير وهذا مايعني انه السن له دور الدور الكبير من تربية الاهل ماكانو يعطوني اي شي اقوم فيه حتى السوق مااشيل وللاسف بداية زواجي ضيعت في السوق طقم قيمته في ذاك الوقت 15 الف ريال
حصل لي مواقف غيرتني بالقوه رالي ساعدني انه زوووجي حريص بقووووه فكان ينبهني كثير واحيانا يخاصمني ولما ازعل يقول اخاصمك لمصلحتك
وغلط توصف زوجتك انها هبله صدقتي شي فوق طاقتها
اتذكر مره رحنا استراحه مع مجموعة نساء واول طفل لي لسى في الكافوله وخرج علينا ام اربعه واربعين هربت وتركت ولدي 💔💔 وشالته احدى الامهات
مواقف لو اتذكرها اتألم خاصه اني حملت ع طول وانواع التجارب في طفلي الاول كنت انسى حتى مااعطيه علاج الحراره لما يسخن وترتفع الحراره مره
كنت احط طفلي وهو عمره ثلاث واربع شهور ع الكنبه عشان اخذ شي من المطبخ او غرفة النوم فلما انشغل اما احد يدق علي او شغلني شي في الغرفه انساه شوي الا اسمع طيحته 😭
ولدي عمره دحين 10
الحمدلله تغيرت تغير جذري مع حرص زوجي الشديد علي

بالنسبه انها ماتستوعب الاسئله اتوقع لانها في بيت اهلها ماتخرج كثير وماتجالس الناس واعرف بنات كذا ماتعرف الا صديقاتها وتفكيرهم واحد وربما تواصلهم فقط عن طريق الرسائل

حكاية انها ماتشاركك همومك ترى هي ماتعرف ايش هو الهم لانها مدلله فما تعرف تواسي ومو خطأ انك تفهمها ايش عليها تسوي

اخيرا لما يجيها ضيوف وتبكي ياخي وصلت 29 واشيل هم اذا جوني ضيوف واحيانا ابكي انت طمنها انك تكون معاها وتتصل فيها تذكرها عشان مايحترق الاكل وكذا انا زوجي كان يكتب لي الاشياء الي اسويها للضيوف ويقولي شيكي عليها عشان ماتنسي وكل شوي يدق علي سويتي كذا وكذا وبعدها بديت اتضايق وكان لازم اكون انا قد المسؤليه وشوي شوي تعودت ولانه زوجي حريص لازال يسال ويدقق والاجابه الحمدلله غالباً ماانسى لما قرأت موضوعك كان توه متصل علي يقولي الزبده بين الاغراض دخليها الثلاجه لا تعدم الاغراض ع انه في المستشفى مع احد اصحابه 😬