المسموح و الممنوع من الاطعمه خلال الحمل - منتدى عالم الأسرة والمجتمع
logo

الملاحظات

صحة المرأة صحة المرأة ، الحمل والولادة ، الصحة الانجابية. استفسارات ومقالات حول الامراض النسائية والتثقيف الصحي المشاركة للنساء فقط

إضافة رد
قديم 09-12-2009, 10:51 AM
  #1
منت عاجبني
شيف المنتدى المتألقة
 الصورة الرمزية منت عاجبني
تاريخ التسجيل: Sep 2007
المشاركات: 1,615
منت عاجبني غير متصل  
المسموح و الممنوع من الاطعمه خلال الحمل

السلام عليكم يا بنوتات , صباحكم خير مغلف بورد عطر


عندي كم سؤال عن الحمل ,,
مثل ماتعرف توني جديدة على هذا العالم
واجهل اشياء كثيرة ..

وبما إني ما خبرت احد بالخبر السعيد ف ماقدر اسأل احد
عشان لا يكشفوني
وطبعاً ما استغني عن نصائح الماما ولكن هي بعد نصحتني اسألكم
عشان استفيد اكثر واكثرر


آنا في بالي اسأله كثيرة , بس يوم فتحت الموضوع تبخرت الاسئلة

بس اهم سؤال شاغل بالي ,,
احس بآلالام في بطني واسفل ظهري من ناحية اليمين أكثر شيء
وخصوصا ً وقت النوم؟ هو الم مو قوي ولكن يضايقني
هل هذا شيء طبيعي؟؟
احس بالقلق والخوف.... لأن امي استغربت من احساسي بالالم
تقول بعدج بأول الاشهر


وحبيت اسأل عن الاطعمة الضارة على الحامل الي لازم اتجنبها ,,
الي عرفته إنه ثمرة (البابايا) كلش مو زينة
ابي اتأكد لأن احبه وحدي خاطري آآكل
وعرفت إن (البقدونس) والتبولة مو زينة لبداية الحمل؟؟
وشنو بعد ؟؟

والاكل المفيد الي لازم آكله
قرأت عن البطيخ + التمر وايد زين



,,


بليز بنات لا تبخلون علي بالنصائح
آنا ماعندي اخت كبيرة تنصحني


تم تعديل العنوان..الاشراف
__________________


حموودي وأبو حمودي
الله يخليكم لي
شمعة تنور لي حياتي
ووردة تعطر لي دنيتي

احبكم 3>

التعديل الأخير تم بواسطة Crestalla ; 09-12-2009 الساعة 04:35 PM
رد مع اقتباس
قديم 09-12-2009, 11:47 AM
  #2
مُنتهـى
كبار شخصيات المنتدى
 الصورة الرمزية مُنتهـى
تاريخ التسجيل: Apr 2009
المشاركات: 1,629
مُنتهـى غير متصل  
منت عاجبني

يا أحلى ماما


^_^




صحيح انا لسه ما صرت ماما .. بس أقرأ وايد وأشوف تجارب الناس


ورح أقولك اللي أعرفه



بنت عمي بحملها كانت طوال أول 3 شهور تحس بآلام دورة

ألم بالبطن والظهر والأفخاذ

لدرجة انها تقول حسيت اني خلاص بجهض اسم الله عليك وعليها

والحمدلله ولدها عمره سنة ونص الحين الله يحفظه


بس هالشي طبيعي .. ويختلف شدته من وحده للثانيه




وبالنسبة للمأكولات اللي تضر الحامل

من قرائتي ... ان الفواكه الإستوائية كلها مضرة بالشهور الأولى

مثل البابايا والأناناس و المانغو


سوي

X

كبيرة على اي شي فيه كافيين مثل القهوة والشاي والغازيات


ولو اني أعرف وايد حريم عادي يشربون ... وقريت انه ممكن الوحده تشرب بس كمية قليله جدا

لأنها اسم الله عليك كثرتها تسبب اجهاض الله لا يقدر



وضرووووووري تاخذي فوليك أسيد 400 mcg

حبة يوميا





والله يثبتلك حملك ويقر عينك بالنونو



^_^
__________________
[IMG]http://im2.***********/2011-03-17/1300376250161.gif[/IMG]

طـريقك الشخصي الى الحمـل (1) (2)
رد مع اقتباس
قديم 09-12-2009, 12:12 PM
  #3
(( ضوى الليل ))
عضو مميز
 الصورة الرمزية (( ضوى الليل ))
تاريخ التسجيل: Jul 2007
المشاركات: 1,047
(( ضوى الليل )) غير متصل  
اول شي مبروك ع الحمل

و ثاني شي هذي يا اختي آلام طبيعيه ع حسب علمي نتيجتها كبر و توسع الرحم للبيبي لأن ف كل اسبوع

من يدخل الجنين مرحله جديده و يكبر سبحان الله ما شاءالله

و بالنسبه للأكل والله ما عندي علم بس الصراحه انا آكل كل شي ما اخلي شي ف خاطري

بس ابتعد عن الاشياء الحاره مثل القرفه و غيرها هذي لا سمح الله تسبب اجهاض بسم الله عليج


تقبلي تحياتي و اسمحي لي اذا قصرت عليج ف ردي,,
__________________
رد مع اقتباس
قديم 09-12-2009, 01:24 PM
  #4
jolie85
عضو مميز
 الصورة الرمزية jolie85
تاريخ التسجيل: Oct 2009
المشاركات: 382
jolie85 غير متصل  
باسم الله وماشاء الله ربنا يتمم لك على خير بالنسبة للأوجاع عادي لا تخافي أنا حصل معي نفس في حملي الأول والثاني الالام أكثر كثير من ألالام الدورة من بداية الحمل لغايةماولدت والطبيبة تقول في بعض السيدات يحصل كذا وطمنتني وطنشتو أما بخصوص الأكل أكل كل حاجة لغاية ما جاني سكر الحمل يعافك منه وكل حامل يا رب وفي حملي الثاني أخذت إحتياطاتي والحمد لله ماجاني ولو في أي سؤال أنا في الخدمة في أمان الله
رد مع اقتباس
قديم 09-12-2009, 01:43 PM
  #5
جناح الرحمه
عضو نشيط جدا
تاريخ التسجيل: Aug 2007
المشاركات: 242
جناح الرحمه غير متصل  
عزيزتي منت عاجبني
مثل الي صار لي في بدايه الحمل وكانو خواتي يقولون لي دلع بنات ولاني كنت انتظر البيبي من زمان فاتدلع بس امي الله يحفظها قالت عادي ويصير
انا قرات ان الكبده والسجق والاشياء الي تشبهم مو زين في بدايه الحمل
والزعفران بعد مو زين والمايونز بعد مو زين
ووكثري من الفواكه والخضروات في البدايه وابتدئي استخدمي كريم حق جسمج من الحين عشان لا يصير لج تشققات الحمل
وكثري من الحليب عشان يخفف اللوعه

ومادري نصائحي على قدي كوني ماعندي خبره كبيره بس الي قالوه لي قلت لج والاشياء الي عرفتها خلال هالكم شهر

تحياتي
__________________
رد مع اقتباس
قديم 09-12-2009, 06:11 PM
  #6
أم يوسف2
كبار شخصيات المنتدى
 الصورة الرمزية أم يوسف2
تاريخ التسجيل: Sep 2003
المشاركات: 8,245
أم يوسف2 غير متصل  
منت عاجبني .. ماني مصدقة .. بسم الله ماشاء الله

الف الحمدلله .. مبرووووووك ياقلبي الف الف الف الف مبروووك حبيبتي ربي يتمم لك على خير و يقومك بالسلامة ياااارب و يرزقك احلى بيبي و تاكليه السنة الجاية بطاطا مهروسة


شوفي حبيبتي الالام دي عادي طالما انه مافيش اي افرازات ...
هذه الالام تجي بسبب تفكك الرحم و تمدده لا تقلقي شوي و تروح

بالنسبة للاكل صراحة عمري ما سمعت عن الفواكه الاستوائية انها مضرة . بس بقولك اللي منعوني منه هنا لما كنت حامل .. طبعا هنا النظام الصحي ثاني لما الوحدة تحمل تكون مواعيدها مش مع طبيب و انما مع midwife يعني قابلة متخصصة بالحمل و الولادة ...
المهم بحملي عطتني لسته بالاكل الممنوع وهو كالتالي

lممنوع الكبدة ..
التونة مرتين بالاسبوع على الاكثر
الجبنة و الحليب الغير مبسترين

اللحوم لازم تكون مطبوخة تمممااااما
ممنوع الاكل النيء او النصف مطبوخ زي السوشي مثلا او البيض الني
او اي شي ممكن يحتوي على بيض نيء زي المايونيز او السكريم البيتي

ابتعدي عن الاكل الغني بالزءبق لانه تناول كميات كبيرة منه يؤثر على دماغ البيبي بعييد الشر
بعض انواع السمك غني بالزئبق فا ابتعدي عنه مثل shark, swordfish, king mackerel, tilefish
انتي ترجميها

قللي من الكافيين و كلي اكل صحي مثلا ... فواكه.. خضرة ..سلطة .. منتجات الالبان الخ
و اشربي ماء بكثرة

اخيرا لا تنسي الفولك اسد

ربي يقومك بالسلامة حبيبتي و يبعد عنك كل سؤ ياارب


__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله
رد مع اقتباس
قديم 09-12-2009, 11:58 PM
  #7
منت عاجبني
شيف المنتدى المتألقة
 الصورة الرمزية منت عاجبني
تاريخ التسجيل: Sep 2007
المشاركات: 1,615
منت عاجبني غير متصل  
اقتباس:
المشاركة الأصلية كتبت بواسطة فلافـل مشاهدة المشاركة
منت عاجبني

يا أحلى ماما


^_^




صحيح انا لسه ما صرت ماما .. بس أقرأ وايد وأشوف تجارب الناس


ورح أقولك اللي أعرفه



بنت عمي بحملها كانت طوال أول 3 شهور تحس بآلام دورة

ألم بالبطن والظهر والأفخاذ

بجهلدرجة انها تقول حسيت اني خلاص ض اسم الله عليك وعليها

والحمدلله ولدها عمره سنة ونص الحين الله يحفظه


بس هالشي طبيعي .. ويختلف شدته من وحده للثانيه




وبالنسبة للمأكولات اللي تضر الحامل

من قرائتي ... ان الفواكه الإستوائية كلها مضرة بالشهور الأولى

مثل البابايا والأناناس و المانغو


سوي

X

كبيرة على اي شي فيه كافيين مثل القهوة والشاي والغازيات


ولو اني أعرف وايد حريم عادي يشربون ... وقريت انه ممكن الوحده تشرب بس كمية قليله جدا

لأنها اسم الله عليك كثرتها تسبب اجهاض الله لا يقدر



وضرووووووري تاخذي فوليك أسيد 400 mcg

حبة يوميا





والله يثبتلك حملك ويقر عينك بالنونو



^_^



عيونج الحلوة يا قلبي ,, وإن شاء الله الفال لج تصيرين أحلى ماما عن قريب

بصراحة طمنتيني عن الآلام ,, ضليت كذا يوم خايفة وقلقه من هذا الشيء ,,

إن شاء الله مافي إلا كل خير ,,

بالنسبة للفواكة الاستوائية خبر جديد علي كنت اعرف عن البابايا فقط ...
وزين نتبهتيني لأني بحب البابايا والاناناس والمانجو كلللهم بموت عليهم

الكافيين الحمد لله آنا بدون الحمل ما كنت اشرب على طول إلا نادراً بالتجمعات
اما الحين خليت عليها X كبيرة مثل ما قلتي
والفوليك آسيد الحمد لله مداومه عليه

شكرا ً لك كبيرة جدا ً أختي العزيزة على مرورك ...
وعساني ابارك لك قريب بقدوم ولي عهدك ..




اقتباس:
المشاركة الأصلية كتبت بواسطة (( ضوى الليل )) مشاهدة المشاركة
اول شي مبروك ع الحمل

و ثاني شي هذي يا اختي آلام طبيعيه ع حسب علمي نتيجتها كبر و توسع الرحم للبيبي لأن ف كل اسبوع

من يدخل الجنين مرحله جديده و يكبر سبحان الله ما شاءالله

و بالنسبه للأكل والله ما عندي علم بس الصراحه انا آكل كل شي ما اخلي شي ف خاطري

بس ابتعد عن الاشياء الحاره مثل القرفه و غيرها هذي لا سمح الله تسبب اجهاض بسم الله عليج


تقبلي تحياتي و اسمحي لي اذا قصرت عليج ف ردي,,


الله يبارك فيك حبيبتي ,,
تصدقين احس بطني من الحين كبر شوووي؟؟؟؟
ادري بتضحكون علي بس صدقوني ملاحظة من كم يوم بطني كبران وحتى زوجي لاحظ هالشيء

ايوووة القرفة من الاشياء الخطيرة ,, وعموما ً إن كل شيء ينزل الدورة خطير على الحامل ...
شكرا ً لمرورك العطر عزيزتي ...






اقتباس:
المشاركة الأصلية كتبت بواسطة jolie85 مشاهدة المشاركة
باسم الله وماشاء الله ربنا يتمم لك على خير بالنسبة للأوجاع عادي لا تخافي أنا حصل معي نفس في حملي الأول والثاني الالام أكثر كثير من ألالام الدورة من بداية الحمل لغايةماولدت والطبيبة تقول في بعض السيدات يحصل كذا وطمنتني وطنشتو أما بخصوص الأكل أكل كل حاجة لغاية ما جاني سكر الحمل يعافك منه وكل حامل يا رب وفي حملي الثاني أخذت إحتياطاتي والحمد لله ماجاني ولو في أي سؤال أنا في الخدمة في أمان الله


الحمد لله تطمنت من ناحية الآلآم اكثر من كلامج ,, الحمد لله
الله يبعد سكر الحمل يارب ...
وشكراً لمرورك اللطيف حبوووبة ...




اقتباس:
المشاركة الأصلية كتبت بواسطة جناح الرحمه مشاهدة المشاركة
عزيزتي منت عاجبني
مثل الي صار لي في بدايه الحمل وكانو خواتي يقولون لي دلع بنات ولاني كنت انتظر البيبي من زمان فاتدلع بس امي الله يحفظها قالت عادي ويصير
انا قرات ان الكبده والسجق والاشياء الي تشبهم مو زين في بدايه الحمل
والزعفران بعد مو زين والمايونز بعد مو زين
ووكثري من الفواكه والخضروات في البدايه وابتدئي استخدمي كريم حق جسمج من الحين عشان لا يصير لج تشققات الحمل
وكثري من الحليب عشان يخفف اللوعه

ومادري نصائحي على قدي كوني ماعندي خبره كبيره بس الي قالوه لي قلت لج والاشياء الي عرفتها خلال هالكم شهر

تحياتي


اي والله آنا حتى اخاف اعبر عن شعوري واقول إني اتألم خايفة يحسبوني اتدلع
بس الحين يوم عرفت إنه طبيعي بعبر عن شعوري على كيفي وبتدلع
صحيح من خلال بحثي بالنت قرأت ان الكبدة مو اوكي للحامل ولكني قبل كم يوم كليت كبدة

بس اختي اذا ماعليح امر ,, ممكن تكتبي لي اسم كريم حلو حق امسح فيه جسمي عن التشققات ,,
والا اسأل الدكتورة احسن ؟؟

لا توصين حريص , مع إني ماطيق الحليب إلا إني اشربه كل يوم شسوي غصب عني

بالعكس نصائح حلوة واستفدت منها وكل يوم تعالي
شكرا ً لك من الاعماق حبوووبة ,,





اقتباس:
المشاركة الأصلية كتبت بواسطة noora مشاهدة المشاركة
منت عاجبني .. ماني مصدقة .. بسم الله ماشاء الله

الف الحمدلله .. مبرووووووك ياقلبي الف الف الف الف مبروووك حبيبتي ربي يتمم لك على خير و يقومك بالسلامة ياااارب و يرزقك احلى بيبي و تاكليه السنة الجاية بطاطا مهروسة


شوفي حبيبتي الالام دي عادي طالما انه مافيش اي افرازات ...
هذه الالام تجي بسبب تفكك الرحم و تمدده لا تقلقي شوي و تروح

بالنسبة للاكل صراحة عمري ما سمعت عن الفواكه الاستوائية انها مضرة . بس بقولك اللي منعوني منه هنا لما كنت حامل .. طبعا هنا النظام الصحي ثاني لما الوحدة تحمل تكون مواعيدها مش مع طبيب و انما مع midwife يعني قابلة متخصصة بالحمل و الولادة ...
المهم بحملي عطتني لسته بالاكل الممنوع وهو كالتالي

lممنوع الكبدة ..
التونة مرتين بالاسبوع على الاكثر
الجبنة و الحليب الغير مبسترين

اللحوم لازم تكون مطبوخة تمممااااما
ممنوع الاكل النيء او النصف مطبوخ زي السوشي مثلا او البيض الني
او اي شي ممكن يحتوي على بيض نيء زي المايونيز او السكريم البيتي

ابتعدي عن الاكل الغني بالزءبق لانه تناول كميات كبيرة منه يؤثر على دماغ البيبي بعييد الشر
بعض انواع السمك غني بالزئبق فا ابتعدي عنه مثل shark, swordfish, king mackerel, tilefish
انتي ترجميها

قللي من الكافيين و كلي اكل صحي مثلا ... فواكه.. خضرة ..سلطة .. منتجات الالبان الخ
و اشربي ماء بكثرة

اخيرا لا تنسي الفولك اسد

ربي يقومك بالسلامة حبيبتي و يبعد عنك كل سؤ ياارب



نووووووري حبيبي ,, وينج عني كنت ناطره تباركين لي ,, وما لقيتج
أنتي اختي الكبيرة واحتاجج خصوصا ً الحين لا تخليني بروحي
الله يبارك فيك يا قلبي ... ويسمع منك الدعاوي الحلوة واجي اسألج شنو ااكل نونو حبيبي غير البطاطا الي من كثر ما عطيته يآكلها طقت جبده

مافهمت عليك حبوووبة ,, يعني بداية الحمل مافيه افرازات ؟؟
بس آنا تنزل علي افرازات بسيطة يعني شنو خرعتيني
وشكرا ً على قائمة الاطعمة الممنوعة ,, والحمد لله اغلبها مستغنية عنها ,,
والله طقيتي على الوتر ,, آنا ناسية الماء تماماً اشرب بشكل قليل جدا ً
لأن الجو الحين بارد ولا احس بالعطش
لا تخافي ما انسى الفولك اسيد ان شاء الله اعجبك
الله يسلمك ويخليك ويخلي لك نجومك الي منورين حياتك ....
وعساني ما انحرم منك
والله احبج بس لا تسأليني ليش لأني مادري
__________________


حموودي وأبو حمودي
الله يخليكم لي
شمعة تنور لي حياتي
ووردة تعطر لي دنيتي

احبكم 3>

التعديل الأخير تم بواسطة منت عاجبني ; 10-12-2009 الساعة 12:02 AM
رد مع اقتباس
قديم 09-12-2009, 11:58 PM
  #8
أم داليا
كبار شخصيات المنتدى
 الصورة الرمزية أم داليا
تاريخ التسجيل: Jan 2006
المشاركات: 2,782
أم داليا غير متصل  
اضيف لكلام البنات
ضروري تتابعي مع الطبيبة حتى تعطيك مثبت وفتامينات
وارشادات وتجاوبك على كل تساؤلاتك
بالنسبة للتمر اتبهي منه لان النسوان تاكله بالتاسع كمحفز للطلق
وكمان انتبهي للجماع يكون خفيف والقذف خارجي لان المني يحوي على تركيبات
نفس التي تستخدم بالطلق الصناعي
وكمان احب انبهك على المواد الكيميائية مثل الكلور وغيره
ابتعدي عنها نهائي
وفهمي زوجك على الوحم وقولي له يمكن اتوحم عليك واكرهك غصب عني فتحمليني ولا تصدق كرهي لك
والحلو ان البيبي بيطلع عليك
والله يهون عليك ويتمم لك ويواجرك ويواجرنا ويواجر امهاتنا
على اللي عاشوه
رد مع اقتباس
قديم 10-12-2009, 12:08 AM
  #9
منت عاجبني
شيف المنتدى المتألقة
 الصورة الرمزية منت عاجبني
تاريخ التسجيل: Sep 2007
المشاركات: 1,615
منت عاجبني غير متصل  
اهليين حبيبتي ام داليا ,,
اكيد لازم بتابع مع دكتورة وآخذ مواعيد ,, على بداية الاسبوع الجاي ان شاء الله
لأن زوجي بيقعد اجازة وبيفرغ لي ...

وآنا بعد استغربت يوم قالوا لي التمر زين للشهور الأولى ,, لأني قرأت كثيرا ً عن التمر
يأكل اذا وحدة تبي ولادتها تسهل ... والله اعلم الحين شنو !

خرعتيني من ناحية الجماع , اهو اوردي آنا وزوجي خايفين على البيبي ,,
خلاص بفهمه بالمرات الجايه عن الي قلتين لي فيه

بالنسبة للمواد الكيميائية الحمد لله احاول ابعد عنها ,,, قالت لي الماما من يومين
بس قبلها استخدمت منظف حمام وانتي بكرامه واستخدمت كلوركس
والله يستر =( خايفة حدي ما اصدق يجي يوم الي اكشف فيه على البيبي واتطمن عليه

بالنسبة للوحم , الحمد لله احس زوجي متفهم من هذه الناحية ... آنا كلمته من قبل الحمل
واكيد بذكره بهذا الشيء مرة ثانية

شكرا ً لك حبيبتي ,, ولمرورك العطر ,
__________________


حموودي وأبو حمودي
الله يخليكم لي
شمعة تنور لي حياتي
ووردة تعطر لي دنيتي

احبكم 3>
رد مع اقتباس
قديم 10-12-2009, 12:14 AM
  #10
منت عاجبني
شيف المنتدى المتألقة
 الصورة الرمزية منت عاجبني
تاريخ التسجيل: Sep 2007
المشاركات: 1,615
منت عاجبني غير متصل  
اخواتي ,,


آنا للحين ما احس بوحم ولا لوعة وغثيان
هل هذا شيء طبيعي ؟؟


الاسبوع القادم بإذن الله سأبدأ من دكتورتي بالمتابعة والرعاية ,
هل يمكن رؤية جنيني عبر الالتراساوند الآن ؟؟؟
__________________


حموودي وأبو حمودي
الله يخليكم لي
شمعة تنور لي حياتي
ووردة تعطر لي دنيتي

احبكم 3>
رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 08:19 PM.


images