السلام عليكم ورحمة الله وبركاته

هلا بالعياااال وهلا بالبناااات

بشقتي .. التلفزيون شغال وصامت على قناة ناشيونال جيوغرافيك .. الدفاية مضبطة الجو ، تلفوناتي صامتة .. تكتكات الساعة مزعجتني .. كل شي حولي يقولي ناااااام .. وللامانة اكثر شي سويتة اليوم هو النووم .. وبرد انام ان شاء الله بعد ماخلص هالموضوع ، لكن هالجو اللي انا فيه عطاني فرصة اني اتذكر حاجات كثيرة بحياتي الزوجية السابقة .. وحبيت اكتب لكم موقف بسيط فيه نصيحة للرجال بالذات ، وبفتح لكم المجال جميعاً (بنات وشباب) في انكم تكتبون مواقفكم الايجابية لنحضى كلنا بشيء مفيد نساهم فيه بإسعاد الحياة الزوجية ..

كانت زوجتي السابقة لما تمر علينا اي مشكلة .. اعرف من نظراتها الضعيفة ان كل كلمة تقولها لي اثناء نقاشنا مو من قلبها ، لذلك كنت ارحمها بشكل مو طبيعي ، واسمع كل كلمة تقولها حزة زعلها وما كنت اواخذها ولا اقاطعها ولا اشرة على كلامها ، لكني كنت احط عيني بعينها بإهتمام (مش بعصبية) ، وكانت تثق أني مستحيل اخذلها بردة فعل تكرها او ماتحبها .. لأني معودها على كذا من بداية علاقتنا ومعطيها الامان بالكامل ، وكانت تعرف 100% أني بعد ماتخلص كلامها بستقل اي كلمة او جملة اعلق عليها واضحك ، واحول موضوع الزعل وجو الكدر لشيء من المزح والضحك.. ومن ثم نتصالح ونعيش يومنا ..

بعد ماتهدى النفوس .. وتصارحني
تقولي احسن مافيك حزة الزعل أنك تسمعني..

وش نستفيد من الحوار السابق ؟؟
إن الزوجة لما تكون زعلانة .. تبغى زوجها يسمعلها ويستوعبها ويخليها تفضفض كل اللي بقلبها من دون مقاطعة ، وهي مطمئنة وحاسة بالأمان وعدم الخذلان من اي ردة فعل معاكسة من زوجها ، خصوصاً ردود الافعال اللي تجرح قولاً او فعلاً ..

صدقوني المرأة حتى في حزة الزعل محتاجة رجل تثق فيه .. واحسن وقت تحسس فيه زوجتك بالأمان والحب والاحتواء هو حزة الخلاف او حزة الزعل.. واحسن وقت تصنع فيه الثقة هو هالوقت.

همسة ..
لاتصالح زوجتك من دون حضن .. الاحتواء مطلوب .. ف اختمها صح (:

وسلامتكم ..


في إنتظاركم ..

__________________
استغفر الله واتوب إليه

مما لا شك فيه انك اذا اتفقت مع زوجتك على موضوع المادة والصرف
بتكفي نفسك كمية مشاكل وسوء فهم كثيرة ..

كنت مسويلها نظام مادي محكوم بالمسطرة ..

مصرف شهري يقبل الزيادة مع تضخم الاسعار + الثلاجة مليانة من خيرات الله + ان لاصارت عند اهلها مناسبة عرس اتكفل فيها بالكامل .. غير كذا مالها عندي الا الحشيمة والكرامة .. وعودتها على كذا ومشت على هالنظام ..

لذلك انصح الرجال بنفس التجربة ..

__________________
استغفر الله واتوب إليه

المادة من اهم العناصر التي ينظر لها اهل الزوجة قبل الزوجة نفسها
اخفي عنها قدر ما تستطيع لكن لا تبخل عليها بشيء دون تبذير و اسراف
كن بيت مهجور لا تعرف خلفيته ولا قصته ولو ارادت ات تعرف راتبك او دخلك فإقسمه على 2 قبل ان تخبرها

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

زوجي ماقد خبرني بالضبط كم راتبهه
فكان مره يكلم صاحبه
ويتناقشوا فموضوع الراتب فخبره كم راتبه بالهلله
واطلع جوالي واسجله بسرعه عشان ما انساه
بعدها بيوم قلت له حبيبي كم راتبك؟
صرفلي رقم من عنده
قلت لا بالضبط حول كم
وكمان صرفلي رقم من عنده هع
وافتح الجوال وقلت انتا راتبك كذا كذا كذا
انحرج مره
طيب ليش يخبي مافي ثقه ؟ .. اخذتها في خاطري ):
اوكي صح احيانا اطمع وابغى اكثر
بس اذا اقنعني انو فعلا لازم نوفر والظروف ماتسمح ..اقتنع واساعده كمان
بس لايحسسني بانه مايثق فيه

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

اخي متفائل حالياً عايشه جوك 😣

المواقف كثيره بالنسبه للموقف الي ذكرته أنا عكسك زوجي هو الي يغلط ويغلط ويغلط وانا أحس انه مو صادق اثناء الزعل حتى بعد مايقول كلام قوي يهتم كثير ايش ارد عليه ويكرر ايش قلتي ايش قلتي أنا أتحدث فقط عن المشكله أثناء الزعل ماأحب أسب واسخط ...وطبعاً بعد ماينتهي النقاش أنا مستحيل حتى اجلس معاخ لانه أخذ حقه وزياده وكل ماحنيت وقلت يابنت أعطيه وجه خاصه اذا تكلم معاي أتذكر كلامه وأزيد في الهجر وفي النهايه يضطر يصالحني وأقبل منه وتقريباً يصفى قلبي عليه........


بالنسبه لموضوع المال فعلاً أنارفي معاناه مايحب يعطيني بالمسطره واحيانا يدفع كثيير أقله أبغى مصروف شهري يقول مالك الا ماتحتاجي شي
اذا طلبت السوق يقول كم تحتاجين و انا أحط ميزانيه اكثر من إحتياجي عشان مانتخاصم في السوق كالعاده اني زودت عن الميزانيه الي سألني عنها قبل مانروح السوق....
واعرف انه مو في صالحه وقاعد يخسر لكن ايش اسوي اذا هو مايحب يعطيني شهرياً مبلغ ثابت ....

طيب تكسبوا فيه اجر اذا قلتولي كيف ممكن يكون الوضع المادي بيني وبين زوجي
خاااااصه اني موظفة

يعني هل اطرح عليه فكرتك يا اخ متفاءل في طريقتك بالصرف مع زوجتك..؟<<صراحه اعجبتني مره
وهل الوضع يختلف معي لاني موظفة..؟

صراحه ما ابغاه يعتمد على صرفي على نفسي ابغاه يصرف عليه لو 500 شهريا حلو
غير باقي مصروف البيت ال500 لي شخصيا

ارشدوني..؟

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

بالنسبة لطريقة التعامل حيال المشكلة

في طبع اخذه من زوجي بعدين

بعد المشكلة ادخل في حالة صمت لا ارادية , ما اناقش و لا اتكلم حتي

قد تدوم ساعات و احيانا يوم او يومان

بعدها اذا كانت المشكلة تستاهل ارجع اناقش و استفسر و اطالب بتوضيح

و اذا ما كانت تستاهل نرجع بحركشة بسيطة او طلب او ابتسامة

2 ) طوال سنوات زواجي ما عرفت راتب زوجي و لا سالت

كريم و يعطي بطيب نفس و لم يقصر ابدا , فما احتجت اسال

عرفت الراتب لما دخلت بنتي الجامعة و طلبوا كشف الراتب لتحديد استحقاقها للمنحة الجامعية من عدمه

__________________

(انما يوفي الصابرون اجرهم بغير حساب )

امممم ...اهم شي .. احتواء الأغلاط ،،، لازم نعرف انه كل بني آدم معرض للخطا... فإذا اخطا زوجي انا اعرف انه مش عشان شخصي ...ف فعلي تكون ع حسب ✨ بس فالأخير قلبي يصفا عليه لان غلاه عندي يشفع له خَص اذا كان إنسان قايم بواجباته و مب مقصر فيني وهيك

__________________

كلام منطقي جداً واحط ايدي بأيدك بكل اللي قلتة ، حقها يجيها وفق مايرضيها ويوفر لها احتياجاتها ، لكن انها اتعرف كم الراتب فهذا اعتبرة شخصياً باب من ابواب المشاكل.

نظرة اهل الزوجة لراتب الزوج اعتبرة تطفل ومو من حقهم
يعتمد هالشي على ثقافة الزوجة وعقلانيتها ..

حبييييييبي يا تلميذ شرفتني ..

__________________
استغفر الله واتوب إليه

هههههه تقعدتيلة
الله يسعدكم يارب
بصراحة ياسما ومن زمان قلتها فيه علاقة بين المادة وبعض الحريم!!
هالعلاقة قوية جداً وانا اعتبرها اكثر من دم ولحم ، وكتمان الزوج للمادة ثقي انه يعتبر باب حماية من مشاكل كثيرة علاقتكم بغنى عنها ، القصد منها مو بخل لكن إحتراز .. الكل يرتخي عند الفلوس هههه

__________________
استغفر الله واتوب إليه