السلام عليكم جميعا أحييكم
حقيقة تعجز آيات الشكر عن شكركم جميعاً على هذه الروح السائدة وهذا الحماس للبحث عن اي علاج لي مشكلة

بدون مقدمات واسمحولي أتكلم بلهجتي العادية ..
عندي طفل متلازمة داون يبلغ عمره الآن 10 سنوات لكن طبعاً جسمه أقل بكثير من عمره
حبيب ولطيف وحتى ملامحه ليست بمثل أقرانه يعني شبه عادي اجتماعي يحب الناس بشكل ويحب الأطفال ويلعب معهم
ودرس العام الماضي بالمدرسة يحبها موووت
بس المشكلة والله اللي مضايقتنا أنا وأمه وإخوانه وخواته بعض المرات يكون عنيف يضرب
احيانا نكون على سفرة الافطار برمضان يسحب السفره ويحوس العصير ويحاول ان يسبب اي فوضى
احيانا يكون هذا بعد أن ينهره أحدنا وأحيانا كذا من نفسه .
احيانا يدخل على أمه بالمطبخ ومعه ( جزمه) أكرمكم الله ويضربها أو إحدى أخواته .
انا ضربته مره يبكي ويروح لغرفته آه نسيت أقولكم غرفته فيها كل الألعاب
عنده بلايستيشن وعنده العاب كثيرة وعنده مسبح احيانا يسبح فيه وعنده الحمدلله كل شيئ يرغبه
طبعا هو مايتكلم بس خلاص جميعنا عرفنا من خلال تأتاته وحركاته ماذا يريد ، طيوب وحبيب احيانا
نرسله يجيب من المطبخ ملعقه مثلا او كاس شاي او اي غرض يروح يبجيبه ماعنده مشكله
بس مشكلته والله اللي مضايقنا فيها الضرب اللي يستعمله معنا وعنفه في بعض المرات
والله بعض الأحيان اجلس بالبيت مااروح للشباب كله منشانه وأمه لأن أمه شوي يضيق صدرها منه
فآخذه معي بالسيارة احيانا أتمشى وهو وأحيانا مع بعض أخوانه وأحيانا أجلس انا وهو في الشارع عند الباب
يغير جو . واخوانه ايضا بالبيت مايقصرون معاه يلعبو ن الكره معاه واحيانا انا
فسؤالي كيف أحاول نخليه ينسى الضرب والعنف ؟
من لديه مثل هذا الطفل وكيف عايشين معاه؟
ردو ولاتبخلوا وانا معكم أي سؤال أنا حاضر .
على فكرة طبعا هو يحب اللعب مع الاطفال بس اذا شاف بنوته صغيره او ولد اصغر منه مايقصر ابو الشباب يعطيهم كف على الوجه

افزعو لي والله الموضوع مضايقني بجد

الله يخليه لكم يارب ويرزقكم بره
الفئه هذي يبي لها صبر والمفروض ياأخي ماتضربه ابداا مهما شفت منه
والافضل تعرضونه على دكتور

__________________
live nice

يااخي هذه الفئة من الاطفال اسلوبها يكون كذا في التعامل
يكون طيب وحنون وحبيب
مرة جاء عند خالتي اخو صديقة بنتها وكان عمره عشر سنوات نفس فيه متلازمة داون نفس اسلوب طفلك يضرب خالتي بالجزمة الله يكرمك ويخرب ويدخل المطبخ ويقربع اللي فيه ويضرب امه ومررررة عصبي
انا انصحك توديه دكتور احسن
وتكفى يااخي انك ماتضربه مهما حدث لانه هذه التصرفات مو بيده كل اطفال هذه الفئة يتصرفون مثل ولدك وازود كمان
هو اكيد حس بنقص عن اخوانه خصوصا انه مايتكلم ومايقدر يعبر عن اللي بداخله فحنوا عليه

تقبل مروري

عذاب الورد + انيسة الروح شكرا لكم
لاوالله ياقلبي قلبه وروحي بعد أنا أحبه موت وهو يحبني أكثر واحد في العائلة لدرجة يجلس بجنبي دايم
مكتبتي في البيت يجي عندي ويجلس فيها ويسوي اللي بده فيها معطيه مطلق الحريه
بس والله احيانا غصب علي اضربه بس ماأسرع ماأندم واجي بعده بدقايق اصالحه واراضيه طبعا هو يصالحني
بس كويس اني عرفت منكم ان الفئة هذي عندهم عنف .
وللأسف مدينتنا مافيها مراكز خاصة للتدريب .وإلا كان وديته وسجلته عندهم .
اشكركم خواتي بس أتمنى اسمع من البعض منشان أرتاح نفسياً من كلامكم .

أسأل الله لكم العون في تربيته ، ولاتنسى أخي الأجر الوافر في العناية بمثل هؤلاء الأطفال .
كان الله في عونكم .

__________________
كيف اقاوم الهم والألم. بالسجود راحة واطمئنان.

نهاية نوال..!