السلام عليكم ورحمة الله وبركاتة

انا عندى بنتان 5 و3 سنوات وعمرى 32 سنة وتاريح ميلادى 18/3/1979 وكنت اتمنى ان ربنا يرزقنى بولد انا وزوجى نفسنا اوى ربنا يكرمنا بولد بصراحة انا كنت خايفة استعين بالوسائل العلمية او التحدث مع اى دكتور فى هذا الموضوع لانى كنت حايفة من غضب ربنا على وقلت اذا ربنا اراد يدينى ولد حيعطهولى وإن لم يرد فهذة مشيئتة الى انى قرأت كثيرا واقتنعت ان استعانتى بالأسباب لا يغضب الله وكانت دورتى يوم 24/11 وذهبت بعدها إلى الدكتورة وتحدثت معها فى أمنيتى فقالت لى نشوف الجدول وسألت عن عمرى وأجبت فقالت لى ان الأشهر المناسبة لى فى إنجاب الذكور هى ديسمبر 2011 ويناير 2012 ثم إبريل 2012 ثم من أغسطس إلى ديسمبر 2012 والجماع يكون من اليوم ال12 من الدورة مع استعمال المحلول القلوى كدش مهبلى وفعلت ولكن الله لم يرد بالحمل وجاءت الدورة يوم 16/12 وسؤالى انا دلوقتى فرصتى الشهر دة بس يعنى المفروض فبراير ومارس يكون فى عزل اعمل كدة ولا لاء وبعدين اخد حمض الفوليك اسيد ولا دة ممكن يأثر على الوسط الحامضى للمهبل ولا مالوش علاقة وابتدى اخدة يا ريت تفيدونى وتنصحونى انا عارفة طبعا ان كل شىء بإرادة الله بس احنا بناحد بالأسباب

أسفة على التوقيع السابق من أيام بنتى الثانية ونسيت اغيرة

انا اسف اني بقولك الكلام ده
بس ده كلام فارغ ومجرد نصب واحتيال

الطريقة الوحيدة الممكن التدخل بها هي اطفال الأنابيب ودي مكلفة جدا اكتر حتى من العادي علشان بيختاروا حيوان منوي معين

غير كده لايوجد طريقة لضمان جنس الجنين

__________________

السلام عليكم

أشكرك د/أحمد على ردك ولا أسف ولا حاجة بس أنا لا أستطيع على تكلفة طفل الأنابيب هل لا يوجد اى حاجة ممكن اعملها تزيد على الأقل من فرصة الحمل فى ولد؟ وهل أبتدى من اى يوم من بداية الدورة الجماع ؟ ابتدى اخد حمض الفوليك من الان ؟

أرجو لو سمحت ترد على أسئلتى وجزاك الله خيرا

مافيش اي حاجة ممكن تأثر دي بايد ربنا سبحانه وتعالى ماتمشيش ورا كلام الناس

الجماع لافضل فرص حمل من اليوم ال10 يبقى يوم ويوم

واه ابتدي طبعا خدي حمض الفوليك حالا

__________________

أشكرك جزيلا على الرد وان شاء الله لما يحصل حمل حقولك واخد رأيك.... دعواتك ودعوات الموجودين ان يرزقنا الولد الصالح ومعلش سؤال أخير هل أستخدم الدش المهبلى للمحلول القلوى قبل كل جماع ولا مالوش فايدة

جزاك اللة خيرا

لا مالوش فايدة وبالعكس ده يعملك التهابات مهبلية

__________________