السلام عليكم

ياجماعه انقذوني والله تعبت وحياتي صارت جحيم وجاني اكتئاب من زوجي حياتنا كلها مشاكل في مشاكل

زوجي مايعرف لغة الحوار والنقاش كل شي يقلبه هواش وصراخ لين ماينتهي بسب وف النهاية يترك المكان ويروح

تعبت والله احس اني الحين استسلمت تماما
اخر مرة صارت بينا مشكلة نوعا ما كبيرة وانا كتت ف بيت اهلي لان هو كان مسافر ولما رجع قلتله مو راجعه بريح عند اهلي يومين قام جا عند امي وقال الاول والتالي وكل شي في حياتنا قالها طبعا كله بصراخ حتى مواضيع الحمل واننا ماجلين الحمل قالها واني انسى انظف المطبخ احيانا واني احيانا هو يغسل الحمام واني واني كل بلاوي الدنيا قالها فيني

مع انه الفترة الي قبل هذه المشكلة كنا كويسين لمدة ثلاث شهور مامرت علينا اي مشاكل لانه غير دوام وكنت حريصة اني ما اشوش افكاره ف كنت ماجله كل شي لبعدين لحتى يستقر

يعني كل الاشياء الي قالها لامي حق زمان حق اول زواجنا وف بعضها حق الخطوبة وف بعضها متفقين عليها انا وهو زي موضوع الحمل انو ننتظر سنة وف مواضيع تناقشنا فيها واخذت حقها من الكلام بس هو رجع وعادها

انا وقتها بصراحة انجرحت مررة وانقهرت جدا يعني الكلام كان بيني وبينه وانا قلتله يومين وارجع

ليش يجي يقول كل هالكلام والاعظم من كذا انصدمت من طريقته وحقده وسرده لتفاصيل كنا متفقين عليها او متراضين فيها وبعضها سواليف قلتها بحسن نية ماقصد من وراه شي وقتها هو ضحك ووقت المشكلة جابها ع اساس انها مشكلة

ولادهى ولامر اني قد قلتله امي مشاكلها مكفيتها لاعاد تتدخلها بمشاكلنا مرة ثانيه راح وقالها. دايم تقولي لاتكلم امي امي مريضة وعندها مشاكل

طبعا انا من تزوجت صار لي عشر شهور تقريبا ومرينا خلالها بميئات المشاكل وتتدخلو اهلي عدة مرات وكله هو الي يدخلهم يقولي خلاص انا مو متحملك بكلم اهلك يعقلوك ف مرة كلم امي ومرة كلم ابوي وكلها مشاكل تافهه مرة يقولهم تقولي ليش ماطلعتني ومرة تقولي حنا مو متفاهمين ومرة يقولهم تاخرت علي وهي طالعه من الدوام ومرة يقول قالت لي اشتري لي ساعه وتزن علي وهم يقولون له حلو هذه المشاكل بينكم ويحاولو يكملوني ويهدوني ويهدونه ونرجع عادي بعدين ع اتفه شي هو يكبر الموضوع ويوصل عجبك عجبك ماعجبك روحي بيتك مني متحملك

مشكلته مايحاول يتفاهم بس يجي من الاخير ويقول ننهي الموضوع
هو مشكلته اني عصبي ومايعرف يتفاهم وعنييد وجاف ومايوزن الامور صح غير سوء الظن الي عنده الي كشفته متاخر
مميزاته طيب القلب اذا حبك رفعك لسابع سما من غير حدود واذا اختلف معاك بشي باعك برخيص وقال فيك كل شي شين وسبك من غير تفكير ان ف يوم كان مبسوط معاي

وانا مشكلتي شوي عنيدة في الحق ما اتنازل بسرعه احب افهم واعرف ليش كذا يتصرف وش مسويه له لكن هو يرفض يفهم علي ماعرف اللف وادور وصريحة

مميزاتي وفيه اتذكر احسان ساعه وهذه نقطه ضعفي الي يخليني ما اقدر ارد الاذية وما ابيع احد، ماحب النكد هادئة جدا اقدر الحياة الزوجية واتحمل كثير مصاعب الحياة طيبة القلب اسامح لكني اكون حذرة دائما ممن اذاني اتعقل كثير ووقت غضبي لا اجد الزوج الي يتعقل علي ويمسكها علي طول عمري

الان وصلنا مع زوجي لطريق مسدود بعد المشكلة الاخيرة ان تكونت لي كمية غيظ كبيرة عليه بصراحة واحس اني انصدمت فيه وف نفس الوقت خفت منه ماحسيت انه يراعي الاسرار الزوجيه ولا هو الي يعرف يستر ع زوجته لدرجة كنت اقول يارب اذا بيطلقني يطلقني من غير لا يتبلى علي

لاني حسيت انه انسان بلا ضمير ولا رادع ويحب الانتقام

المهم صارت احداث كثيره ف النهاية ابوي صالحنا ورجعت معاه البيت لكن مو راضيه تماما وقلت خليني اهدا يومين بعدين اكلمه انو كيف نناسس حياتنا من جديد بعد كل هالعواصف الي اخترقتها نبني اساس جيد بينا

هو لما رجعنا كان وديع يحاول يرضيني يكلمني بس انا كنت ف حالة صدمة وارد السؤال واسكت واتكلم بالاشياء الاساسية فقط

الى ماجا اليوم الي قلت اكلمه فيه بهدوء واول سؤال سالته ايش كان الهدف من سردك مشاكلنا واسرارنا ع اهلي لان هذا اكثر شي اثر فيني ابي افهم عشان نوعد بعض انو نتفاداه

طبعا رده صدمني ع طول صراخ وتهزئ وانتي الحين وش تبين قلت نتفق قالي جاية تتفقين بعد انا ع بالي انك تادبتي وجيتي انا مو متفق معاك انا مابتفاهم معاك لانك غبيه وكلمة مني عشرين كلام منه واقول لو سمحت لا تحول الحوار لخصام يقول انتي اصلا تبين مشاكل انتي تتدوري مشاكل

ولا ليه جاية تكملي كلامك هنا كان تكلمتي عند ابوك قلت مو كل شي يتقال ف النهاية احنا لي بنعيش سوا وحنا الي مفروض نتفق مو كل شوي بندخل اهلي

المهم خبص ف الكلام كثير ونتي عندك مشاكل مع اهلك وانتي محد يفهم لك وانتي ماتادبتي ف النهاية قال انا مو قادر اتحمل شوفيلنا حل

قلت ماعندي حل حلي الوحيد نحاول نفهم بعض عشان ماتتكرر مشاكلنا قال وش تبين تفهمين انتي مين عشان اتفاهم معك

ف كلم ابوه وقاله كلم ابوها وانهي الموضوع انا مابيها

وجا اليوم الثاني قالي ترا انا كلمت ابوي خلاص مافيه حل غير كذا خصوصا انو انتي ماتبي تتادبي قلت بهدوء براحتك قاليي وانتي وش رايك قلت مالي راي خلاص لاني فعلا تعبت

والحين صار لي يومين قاعدة في البيت انتظره يقولي روحي او ابوي يجي يكملني وماصار
وانا بصراحة مخي موقف وتعبت وماعادت اعرف وش الصح من الغلط وش المفروض اسوي وش المفروض اتصرف

فيني برود مو طبيعي كل شي ماصار يفرق معي سواء تتطلقت ولا قعدت احس زوجي مو طبيعي ودي اني اكمل حياتي وتكون زينه وهو يتعدل وف نفس الوقت خايفة انو يكون وهم العيشة السوية معاه

خلافتنا خلال هالعشر شهور اكثر من رضنا وسعادتنا الذكريات الجميله بيننا محدوده جدا

ارجوكم لا تبخلو علي ولو بدعوه انا بجد متعبه
ي

افتحي قوقل
واقرئي عن صفات الرجل الشمالي الشرقي .

__________________
## مهم ##
هل تتعرضين للابتزاز في الانترنت؟


هنا من ينقذك

الله يفرج همك ان شاء الله

واضح انه ما قال لابوه بس يخوفك.

قال لاهلك علي اساس انك بنتهم و تهمهم مصلحتك

ادا وافق يروح معاك شوفوا مستشار اسري يوجهكم .ما زلتم في مرحلة التاسيس و المشاكل طبيعية.

زوجك تنفع معاه المسايسة و لكن انت بالك مو طويل

__________________

(انما يوفي الصابرون اجرهم بغير حساب )

أنا أول سنه من زواجي كان زوجي مثل زوجك كل هوشة يدخل أمي ويغثها يظن انها بتعلمني
والان ركد فيمكن أنتي مع الوقت بيتغير بس خليك على موقفك انك رافضة يشغل امك بسوالفكم

اتوقع اللي خل زوجي يبطل هالعاده اني كلمت امه وعلمتها اني رافضه تماما ان يبلغ أمي ويشغلهأ
جربي هالحل
اذا هو مايحب النقاش الزايد خلاص لاتناقشينه

طبعا مرفوض انه كل اشوي يهددك انه مايبيك
بس حلي مشاكلكم حبة حبة

خليه يسوي اللي يبي .. انتي خليكي هاااااااااااديه ع الآخر وكوني طبيعيه .
هو يخاف المواجهه معك وعارف انه غلطان وما يبي يعترف بغلطه عنيد جداً..

تواصلي معاه كتابياً مش شفهياً وحاولي تتفاهمون ع الواتس مثلاً لأنه بيكون أهدأ ..
وهو يبغى له تثقيف في الحياة الزوجيه ..
المهم انتي لا تفاتحينه في شي ابداً .. خليكِ منتظره لاني اتوقع فعلاً انه ماكلم ابوه ولاشي .. واذا صار فعلاً انه كلم ابوه فرصتك جت لين عندك قولي لابوووه كل شي ..

واذا كلامه بس تخويف وماقال لاحد فصدقيني هو اللي راح يبادر ويجي يكلمك ..

رسميتك معه الايام اللي فاتت هي اللي خلته ينفجر كذا لانه كان منتظر هالجلسه منك ومتخووووف منها .. عموماً ثقي ان ربي يدبر امرك الى الخير دائماً..
اتذكر تماااماً مشاكلك معه اللي نزلتيها في بداية الزواج ..
انتي للحين مافهمتي زوجك وماقدرتي تحتوين ردود افعاله .. هو من النوع اللي يبي له سم وابشر وتامر امر .. ومشكور ويعطيك العافيه .. ووداع مع الباب واستقبال حار .. وانتي واضح انك عنيده وتعاملينه بنديه ..
الله ييسر امرك .. اذا عدت اول سنه بتكونو تجاوزتم اصعب مرحله بالحياه الزوجيه ..

__________________
استغفر الله العظيم وأتوب إليه .. سبحان الله ..الحمد لله.. الله أكبر

اذا فعلا كلم أبوه فهي فرصة جات لعندك قولي لأبوه كل شي من اول الزواج الي يومك هذا ومنها خيانته الهاتفيه اذا ما خانتني الذاكره .... عشان مره ثانية يتأدب ويعرف ان المشاكل البسيطة والأسرار الزوجيه ماتطلع برا البيت ....

و عليكم السلام حبيبتي

اختي انا حذفت بعض من كلامك اللي قلتيه برأيي انكم عاملين زي الاطرش و الاعمى، بتكلموا بعض بلغة يفهمها اللي يحكيها مش اللي موجهة له مثلا:

لما الوالد صالحكم، هو فهم انه الامر خلاص انتهى بتدخل ابيك في حين انت تقولي انك مو راضية تماما، لهذا كان لازم تنهي الموضوع هناك في بيتكم

بالنسبة لك هي تفاصيل ( الاهم عندك انك ممكن تتحملينه لو تغير)

هو المسأله جوهريه لو ما احترمتيه راح يعلم اهلك حتى يعقلوك على قولته

فلما تكلميه لازم تلاقي لغة حواريه يفهمها مش تناسبك انت، غير كذا انتم قاعدين تدمروا بعضكم

هذا كلام من وحدة في مقام اختك:
- عط زوجك مساحة حتى يثبت قدرته قدامك
- ابتعدي عن حرب الاعصاب اللي تمارسيها

انت طيبة كثير لهذا تحاولي تكوني معه صريحة، بس الامور ما تجي هيك، انت الحمد لله عندك تجربة الثلاث شهور اللي قلت عنها، حاولي تستفيدي منها و حاولي تغيري حالك قبل ما تغيريه هو

زوجك يحتاج اللي تحطه على راسها و بعدين هو راح يحطها على راسه، هذا الشئ مانه عيب و لا حرام

من حسن و طيب نيتك أنك تجي للمنتدى تستشيرين يعني حابة تلا قي الحل و تكملوا مع بعض

راجعي نفسك و الكلام اللي كتبتيه و ادعوا الله انه يهدي نفوسكم

و ان شاء الله ما نسمع عنك الا الطيب

الله يسعدك كل الي ردو علي ع انو كلامي فوق ملخبط ومو مرتب كنت حاسه محد بيفهم علي
ع كثر ماشككني زوجي في نفسي وماغير يردد انتي ماتفهمي وانتي غبيه خايفه كلامه بدا يأثر فيني

اتوقع هو فعلا كلم ابوه والدليل امه امس متصله علي وتقول وش سالفتكم قلتلها ولدك مو راضي يتفاهم ابدا ويبغا كل شي علن امه طبعا قد علمتها قبل عن سالفه خيانته وكل شي بس موقفها طول فتره خصامنا كان سلبي ماسوت شي
ومبررها كان ان ولدها قالها لا تتدخلي ولاحد يتدخل انا بتصرف الي يسمعه بيقول بيتصرف معي هو قصده بيكلم ابوي وان ابوي يرجعني غصب

انا اكثر كلمه استفزتني منه لما جا وكلم امي انا من كثر قهري اتصلت عليه عشان اكلمه واقول ياتقعدين بمعروف ياتسرحني باحسان
بس هو للاسف مارد وارسل لي ف الواتسااب لا تكلمني انا ماتكلم معك انا اتكلم مع رجال انتي اقلبي وجهك

بالله عليكم الي يقول هالكلام يكون في نيته يرجع زوجته ولا هذا اخر كلام يتقال بين اثنين!!!
انا وقتها اخذت موقف اكثر وزاد تحاملي عليه بصراحة
وبعد مل هذا يبي يرجع عادي طيب ع الاقل يعتذر ع الكلام الي قاله
بالعكس يرجع ويقولي انتي السبب لانك انتي قلتي كذا انا رديت كذا

جربت اكلمه واتساب والله كل الكلام هواش حتى ف الواتس ويوم جينا نتفاهم يقولي انتي كبتي كذا عشان كطا رديت كذا
جيت الجوال وفتحت المحادثه عشان نتحقق من كلامه وطبعا مافي لاني ماقلت يحلف ويقسم اني مسحته

مايثق فيني ابدا ويسئ الظن ف كل كلامي وكل تصرفاتي
يعني تخيلو ان طبعا من ضمن الاشياء الاساسيه الي قلتها لابوي هو بس ابي الاحترام وابي نحل المشاكل اول باول ومايسفه فيني كل ماكلمته والصلاة اهم شي لانه جدا مقصر

يمكن الشي الوحيد الي اعترف بتقصيره في الصلاة بس تخيلو وش قال الشي الي صدمني قال لابوي انا اقوم اصلي وهي كل شوي تقعد تراقبني ف الغرفه صليت ولا لا
مصدوومة من تفكيره وظنه فيني والله ماقد تتبعته بالعكس اكلمه مرة واسكت واحيانا لما يصلي ف زاويه الغرفه فاضطر ادخل الغرفه ادور عليه اذا احتجت اناديه يمكن هذا قصده اني اراقبه

زوجي فعلا يبي مسايسه في حين هو مايسايس ولا يتحمل ولا يصبر وكل شي يبيه بيرفكت
والله زوجي مايملى عينه شي الي قاهرني انه ماحط اي اعتبار لاوقات الرضى والهدوء الي كان بينا يتذكر الاشياء الشينه حتى الي من اول يوم خطبة

واذا ع خرابيطه والله ماقلت وفضحته ولما قلت له تبغاني اناقش هالامور قدام الناس يقولي عادي انا ما اخاف قولي لا تكوني جبانه قولي كل الي ف قلبك محد ماسكك يستفزني اني اتكلم عنه بالشين

امه امس قالت لي ان ابوه كلم ابوي وبابا لحد االان ماكلمني ولاله حس بس احس زوجي مرتاح انه طلع هالشي من نفسه ووكله احد ثاني
صاير متفرعن ويدخل ويصفق بالباب ويطلع طول اليوم مايجي الا اخر اليوم واضح انه مرتاح ان في احد قاعد يفكر عنه والرجال بينهون عنه الموضوع

انا بصراحة ساكته وقاعدة اترقب مو عارفه تصرفي صح ولا لا لان والله هو قفل في وجهي كل الحلول وهو قالي بلسانه انا اهلي الي مصبريني عليك ولا انا مابيك

ادعولي الله يفرج همي ويرشدني للصواب

طيب ليش ما علمتي أبوك وأبوه بخيانته ووضحتي لهم انه من كرم أخلاقك ماهان عليك تفضحيه عشان ما أحد يصدقه ويلومك انك خربت بيتك ..