تطلقت للمره الثانيه للاسف
السلام عليكم ورحمة الله
مدري كيف أبدا وكيف أقول جد منهاره ونفسيتي تعبانه ومصدومه
بدون أي مشاكل وقبل الزواج ب20 يوم بعد ماعزمنا
ونفس اليوم اللي طلع فيه فستاني وكان قبلها بيوم اضافني بكرت العايله
ويبشرني اني صرت زوجته رسمي وتحت اسمه وكنا نسولف ونضحك وكنا احلى من العسل
فجاءه اتصل مايرد ارسل مايقرا ولا يرد
قمت احاتيه وخفت عليه وادعي ربي يحفظه لي ومانمت ابتطمن أخ ياقلبي
بعدها اليوم الثاني نفس وقته يوم اتصل وبشرني انه اضافني ابوه دق يقول
ولدي مايبي بنتكم وبيطلقها ويدعي لها انصدمت يوم كامل مصدومه
بعدها انهرت انهيار ليششش وكيف وش اللي صار
اهله يتصلون بيستفسرون وش اللي صار بينا كان يمدحني ويقول ربي عوضني بزوجه لي وام ولعيالي وكان يحلف انه يحبني اكثر من امي وابوي وكان حالف انه يكون عوض لي عن كل دمعه وكل عذاب وضرب واهانه من زواجي الاول
اتصلت عليه مايرد وعطاني حظر
اهله زعلوا عليه طردوه من البيت انا مازلت مصدومه اليوم الثاني يوم درى عن وضعي اني منهاره وتعبانه ارسل لي انتي انسانه مثاليه وزوجه نادره لكن الله يستر عليك مو عيب فيك
عيب فيني وبظلمك معي بحياتي الجايه
ارسلت له ليه تحكم من طرفك اسمع مني طيب وش اللي صار
اخر مكالمه ما انساها كأنها وداعيه بينا كانت من اجمل مكالمتنا
اااااه ياقلبي تعبانه ومجروحه ومكسوره الله يجبر كسر قلبي
وماقصر ارسل ورقة الطلاق صباحية يوم زواجنا اللي ماصار
انهرت اكثر وانكسسرت اكثر .. الله يسامحه ويعوضني ويعوضه
وربي مو قاادره ادعي عليه او اتحسب
اتذكر طيبته وتعامله معي ماقد جرحني او غلط علي
دعووواتكم لي ولقلبي المجروح
__________________
.. أستغفر الله العظيم .. أستغفر الله العظيم ..
التعديل الأخير تم بواسطة ربى1408 ; 24-06-2019 الساعة 10:05 AM
24-06-2019, 10:04 AM
ضوابط المشاركة
العرض الشجري