ليلة الدخلة و آه يا ليلة الدخلة أفلام هندية - الصفحة 10 - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

موضوع مغلق
قديم 14-10-2009, 12:10 AM
  #91
ام عبدالله 6
عضو نشيط جدا
 الصورة الرمزية ام عبدالله 6
تاريخ التسجيل: Dec 2005
المشاركات: 527
ام عبدالله 6 غير متصل  
جزاك الله خير على الموضوع الجميل واللي كان سبب في دخول السرور لقلوبنا ...

بالنسبة لي كانت ليلة حلوة جدا بس ما فيها مواقف مضحكة ...

ما أقول الا ياليت الأيام ترجع وترجع هاذيك الليلة ...
على فكرة حتى زوجي كان لابس الزي الرسمي ليلة زواجنا هههههه.... عليكم زي مميز ههه
__________________

((لا إلــــــه الا أنت سبحانك إني كنت من الظالمين))
قديم 14-10-2009, 08:58 PM
  #92
اهات مكنونة
عضو نشيط
تاريخ التسجيل: Aug 2005
المشاركات: 164
اهات مكنونة غير متصل  
هههههههههههههههههههههه






حبيت ارجع الموضوع وتكتبون كمان وكمان
نبي نضحك
قديم 15-10-2009, 02:32 AM
  #93
منت عاجبني
شيف المنتدى المتألقة
 الصورة الرمزية منت عاجبني
تاريخ التسجيل: Sep 2007
المشاركات: 1,615
منت عاجبني غير متصل  
رجعت مرة ثانية للموضوع ,,

ليلة زواجي ماعتقد فيها افلام هندية وايد
بس القهر والصدمة الكبرى يوم وصلت الاستيديو للتصوير لقيت شعري اعتفس
وصتني الي سرحت شعري ما احط الحجاب على التسريحة لأنها بتطيح ......
لكن مستحيل آخذ بكلامها !! تحجبت عدل مع نظراتها المستاءة وغادرت الصالون
وقفنا مذهولين آنا وزوجي من الي صار !! يعني شعري عفسه جداً ويبي له تعديل !!
والمصورة واقفة فوق راسنا تبي تصورنا وتخلص عشان ورانا عرسان ...
بشكل سريع اتصلنا في احدى خبيرات الشعر تجي الاستيديو والحمد لله كانت فاضية وجت تعدل لي شعري ,, مع إن صادفتنا مشكلة ثانية إنها جاية وناسية بعض الاعراض ...
الي راح زوجي ركيض يجيبها من اقرب سوبرماركت مثل مثبت الشعر ومشط صغير و.. !!
آنا غصب عني اصبت بالتوتر وتضايقت مع هالمشكلة والزحمة والوقت ضايقنا والمصورة تحن فوق راسنا يلا بسرعة بسرعة
حسيت نفسي بصيح بس خايفة اصيح ويخترب مكياجي واخسر ال70 دينار الي تمكيجت فيهم
بعد ما تم كل شيء الحمد لله الحمد لله ,, بدأنا تصوير لكن وجهي مو راضي يبتسم ابدا ً
عجزت المصورة وهي تقول سمايل سمايل وآآنا غصب مو قادرة احس بتعب وتوتر وخلاص ابي اروح سريري ارقد لكن ويني وين !! الحفلة للحين ما بدأت حتى !
حست بذنبها شلون كانت سبب توتري في استعجالها اياي ,, وقامت تضحكني ,, وكأنها تدري إن بطني منطقة ضعفي !! كنت غصب عني اضحك حتى دمعت عيوني
و ساح الكحل !!!!!! وصارت مشكلة ثانية !! ولكن عدت على خير ولكن مو بسهولة !!!


بعد ما خلصنا من التصوير رحنا الحفلة ,,, وقت الي خلصت الحفلة ,, حملت فستاني الضخم ورحت لغرفة استراحة العروس وبدلت ملابسي!!! لبست بجاما عادية (الي رحت فيها الصالون)
وقعدت على الكرسي ارد نفسي ,,, احس جبل الي شلته من علي مو فستان !!
كان جداَ ثقيل من الشك وكبير وضخم .... !!! وزين مني اتحملته كل هالوقت وخصوصاً وقت التصوير
فمستحيل اصبر اكثر كلها ثواني جو وراي الاهل وهم يغنون علي ويودعوني الا يلاقون العروسة قاعدة ببجامتها الوردية الكل عصب علي واستنكر واستغرب من تصرفي !!!
على قولتهم المفروض لازم اشيل الفستان بالشقة اآنا قلت لهم السبب ماقدر تعبانة وهذا الي كان مبين على وجهي ,,,
بعدين وحدة قالت لي يالهبلة عشان يساعدج ,, الحين فهمت المغزى بس سويت روحي ما اسمعهم
لبست عباتي ولفيت الشيلة وآنا براحتي ولا شيء ولا فستان يعيقني !! ايه نسيت اقولكم إني حتى الصندل شلته كسر لي ظهري ,, ولبست نعال فلات عادي

قبل ما اطلع من صالة الفرح ,, الماما وصتني ما يشوفني زوجي العزيز بهالملابس الي علي
وآنا سمعت كلامها اول ما وصلت الشقة بدلت ولبست فستان قصير وناعم بدون ما يشوف بجامتي

رحت السيارة , وقبل ما نوصل البيت قلت له لو سمحت ابي (استون) لأن ماعندي بالشقة عشان لا اتوهق بالمناكير الي حاطته بأظافري ,
عاد زوجي ماله بسوالف الحريم لا من بعيد ولا من قريب , فتح لي حلجة شنو ! شنو يعني استون !! ومن وين اشتريه
ههه ! ضحكت عليه فهمت الاستون هو الي يمسح صبغ الاظافر وضليت طول الطريج لين ما وصلنا الصيدلية وآنا اكرر الكلمة لين حفظها والآخير دخل الصيدلية ورد رجع لي يسألني عن اسمه ووههههاي !! قلت له خلاص قول remover وفكني
لا تعتبون على زوجي ترى ذاكرته قويه بس تعرفون معرس ,, وشسمه متوتر غصب عنه نسى

بعدها ,, ضلينا فترة طويلة نفك التسريحة ,, مع إن تسريحتي كانت نازلة ومافيها تعقيدات
بس الله يسلمكم زوجي رقيق بالغصب بفتح المشبص من شعري !
كان متملل ما يبي يقضب الليل بطوله يفتح المشابص من شعري !! ويوم حسيته جذي
قلبت ويهي وقلت له يلا مابي تساعدني وآنا مبرطمة
(من بدايتها زعل) !! ههه لكن هو ضحك معاي وضل يساعدني لين ما شلنا كل المشابص

بعد ما غسلنا وصرنا خفاف ونظاف وحلوين ,, استرخيناا
الا بسم الله آنا واقفة الا يد فوق راسي خرعني
قاعد يقرا علي مادري شنو خرعني اقوله اشفيك ,, بعدين فهمني السالفة
وصلينا سووواا ...
وبعدهاا

بعدها شنو؟

بس خلاص خلصت القصة


سوري عذبتكم وانتو تقرون هذرت وايد
بس حدهـ كان خاطري اهذر (وماخليت بخاطري)
وشكراً مرة ثانية لصاحب الموضوع
__________________


حموودي وأبو حمودي
الله يخليكم لي
شمعة تنور لي حياتي
ووردة تعطر لي دنيتي

احبكم 3>

التعديل الأخير تم بواسطة ماريا ; 15-10-2009 الساعة 04:22 PM
قديم 15-10-2009, 04:31 AM
  #94
سحابة ورد
عضو نشيط جدا
 الصورة الرمزية سحابة ورد
تاريخ التسجيل: Apr 2006
المشاركات: 470
سحابة ورد غير متصل  

مواقفكم مرررره تونس وحلوه ,,,,,,,,

واللي يقول ليه الحياء الزايد عند حده؟؟ اقول له مالك حق بها الكلااام والله ليلة الدخله تخووووف..

بالنسبه لي طلعنا من القصر الساعه ثلاث الفجر,, وزوجي كان معصب يقول تأخرنا ومدري وشو..

وانا المسكينه على بالي بنروح فندق مثل تقريبا كل الناس وكذا ومجهزه معاي اغراضي بشنطه صغيره..

وصلنا بيت اهله وكانت شقتنا فوقهم وانواع الاحراج لان فستاني كان كبير ومنفووووش والدرج صغيير ....خخخخخخ

لو ادري اني بروح شقتي ما جهزت شنطتي وقعدنا نسحبها معانا من القاعه للبيت...هههههههه

بعد ما بدلنا وقعدنا على طاولة الطعام<< اللي بالمطبخ وانواع الحر .. وزوجي مبسووط ياكل من المشاوي ويحلف علي الا تاكلي...

انا مييته من الجوع لكن ماش مقدر اكل قدامه عجزت ابلع حبة البطاطس اللي عطاني اياها<<< خخخخخخخخخ

استأذنت منه وقلت برووح انام..تدروون ليه؟؟ علشان يجي ينام واقوم انا اكل براحتي بعد ما ينام..وش رايكم اعرف اخطط صح؟؟

المهم بعد تقريبا نص ساعه جاء وحط راسه وناااام على طول... عاد انا مييته من الجوع قمت بسسررعه اركض على المطبخ

وفرحاانه اني باكل ....


آآآآآآآآآآآآآآآآآآآآآآآآآآآآآآآآآآآآآآه تحطييييم...

طلع الاخو ما خذ كل الاكل والعصيرات والكيكات ومنزلها تحت عند اهله يقول حراام كولوها لاتخرب....

وانا دموووع من الجوع ادور في الشقه الفاضيه وماسكه بطني احس اني بحلم او كابوس ..

واتخيل شكل حبة البطاطس اللي رفضت آكلها....


ونمت الساعه ثمان الصباح وانا بجوعي ...تهئ تهئ

اسفه اذا طولت عليكم ..
__________________
سبحان الله وبحمده..سبحان الله العظيم..
قديم 15-10-2009, 04:57 AM
  #95
ام عبدالله 6
عضو نشيط جدا
 الصورة الرمزية ام عبدالله 6
تاريخ التسجيل: Dec 2005
المشاركات: 527
ام عبدالله 6 غير متصل  
اقتباس:
المشاركة الأصلية كتبت بواسطة سحابة ورد مشاهدة المشاركة

مواقفكم مرررره تونس وحلوه ,,,,,,,,

واللي يقول ليه الحياء الزايد عند حده؟؟ اقول له مالك حق بها الكلااام والله ليلة الدخله تخووووف..

بالنسبه لي طلعنا من القصر الساعه ثلاث الفجر,, وزوجي كان معصب يقول تأخرنا ومدري وشو..

وانا المسكينه على بالي بنروح فندق مثل تقريبا كل الناس وكذا ومجهزه معاي اغراضي بشنطه صغيره..

وصلنا بيت اهله وكانت شقتنا فوقهم وانواع الاحراج لان فستاني كان كبير ومنفووووش والدرج صغيير ....خخخخخخ

لو ادري اني بروح شقتي ما جهزت شنطتي وقعدنا نسحبها معانا من القاعه للبيت...هههههههه

بعد ما بدلنا وقعدنا على طاولة الطعام<< اللي بالمطبخ وانواع الحر .. وزوجي مبسووط ياكل من المشاوي ويحلف علي الا تاكلي...

انا مييته من الجوع لكن ماش مقدر اكل قدامه عجزت ابلع حبة البطاطس اللي عطاني اياها<<< خخخخخخخخخ

استأذنت منه وقلت برووح انام..تدروون ليه؟؟ علشان يجي ينام واقوم انا اكل براحتي بعد ما ينام..وش رايكم اعرف اخطط صح؟؟

المهم بعد تقريبا نص ساعه جاء وحط راسه وناااام على طول... عاد انا مييته من الجوع قمت بسسررعه اركض على المطبخ

وفرحاانه اني باكل ....


آآآآآآآآآآآآآآآآآآآآآآآآآآآآآآآآآآآآآآه تحطييييم...

طلع الاخو ما خذ كل الاكل والعصيرات والكيكات ومنزلها تحت عند اهله يقول حراام كولوها لاتخرب....

وانا دموووع من الجوع ادور في الشقه الفاضيه وماسكه بطني احس اني بحلم او كابوس ..

واتخيل شكل حبة البطاطس اللي رفضت آكلها....


ونمت الساعه ثمان الصباح وانا بجوعي ...تهئ تهئ

اسفه اذا طولت عليكم ..
لاااااااااااا تكفين حسيت بك صراحة هو بلع وملا المعدة وخلاك جوعااااااانة
زين ما كرهتيه
وبعدين المفروض يكون مقضي للبيت الله لا يهينه
بصراحة عشت الموقف وأنقهرت ....

تخطيطك راح عالفاضي ....
__________________

((لا إلــــــه الا أنت سبحانك إني كنت من الظالمين))
قديم 15-10-2009, 05:12 AM
  #96
*زهرة اللافندر*
عضو نشيط
 الصورة الرمزية *زهرة اللافندر*
تاريخ التسجيل: Jun 2008
المشاركات: 186
*زهرة اللافندر* غير متصل  
ياااي يازين ليلة الدخلة .. << بالذكريات بس ..

اما وانا عايشة لحظاتها .. ميته من الخوف ..

شسمه ..

اول ما دخلنا الفندق .. كان علي فستاني طبعا .. اول شي جلست فيه وجالسين نسولف .. وكنا متعودين على بعض بأيام الملكة ..

المهم خلصت السوالف جا هو طلع الكاميرا حقته وقال صوريني .. عاد زوجي والتصوير يمووووت فيه مره .. ودايما يللا صوريني .. المهم جلست اصره بجميع الوضعيات .. باقي شوي وينسدح ويوقل صوريني .. وانا مستحيه اقول خلاااص يكفي تصوير .. شكله يبغى يقضي الوقت ..

المهم انا اعجبني الوضع بفستاني .. ما ابغى اغيره ابدا .. بس هو قال لي يللا تغيرين لبسك عشان نقطع الكيكة وناكلها .. قلت يللا ..

واحلى شي تفكيك التسريحة .. جيت افك تسريحتي قال اساعدك قلت يللا .. بعد متى ابخلص من البنس لو سويته لحالي .. المهم هو اعجبه الوضع مره لدرجه كل ما رجعت من عرس وانا مسويه تسريحة قالي تعالي افك تسريحتك ..

المهم يوم جا وقت النوم طبعا الساعة 7 الصباح .. دخلت الحمام ابغير الملابس .. مع ان لبس النوم كان ساتر شوي بس مو متعوده البس كذا .. اخذت ملابسي ودخلت الحمام وزوجي يقول انك يوم دخلتي التفتي علي وقلتي (
لا اطلع من الحمام الا انت مطفي اللمبات ونايم) << من اولها دكتاتورية ..

^^ انا مو متذكره هالكلام .. يوم ذكرني فيه ما صدقت .. يؤ والله اني ما استحي على وجهي ..

بس يوم طلعت من الحمام طلعت راسي بس ابشوفه نفذ الكلام والا لا .. اثاري الحلو منفذه .. يا قليبي هو .. يا حبي له ..

وكل هالكلام عشان ما يشوف لبسي ..

الله يوسع صدرك مثل ما وسعت صدورنا ..
__________________

التعديل الأخير تم بواسطة *زهرة اللافندر* ; 15-10-2009 الساعة 05:17 AM
قديم 15-10-2009, 07:34 AM
  #97
شعاع من نور
عضو مثالي
 الصورة الرمزية شعاع من نور
تاريخ التسجيل: Dec 2008
المشاركات: 549
شعاع من نور غير متصل  
اقتباس:
المشاركة الأصلية كتبت بواسطة سحابة ورد مشاهدة المشاركة

مواقفكم مرررره تونس وحلوه ,,,,,,,,

واللي يقول ليه الحياء الزايد عند حده؟؟ اقول له مالك حق بها الكلااام والله ليلة الدخله تخووووف..

بالنسبه لي طلعنا من القصر الساعه ثلاث الفجر,, وزوجي كان معصب يقول تأخرنا ومدري وشو..

وانا المسكينه على بالي بنروح فندق مثل تقريبا كل الناس وكذا ومجهزه معاي اغراضي بشنطه صغيره..

وصلنا بيت اهله وكانت شقتنا فوقهم وانواع الاحراج لان فستاني كان كبير ومنفووووش والدرج صغيير ....خخخخخخ

لو ادري اني بروح شقتي ما جهزت شنطتي وقعدنا نسحبها معانا من القاعه للبيت...هههههههه

بعد ما بدلنا وقعدنا على طاولة الطعام<< اللي بالمطبخ وانواع الحر .. وزوجي مبسووط ياكل من المشاوي ويحلف علي الا تاكلي...

انا مييته من الجوع لكن ماش مقدر اكل قدامه عجزت ابلع حبة البطاطس اللي عطاني اياها<<< خخخخخخخخخ

استأذنت منه وقلت برووح انام..تدروون ليه؟؟ علشان يجي ينام واقوم انا اكل براحتي بعد ما ينام..وش رايكم اعرف اخطط صح؟؟

المهم بعد تقريبا نص ساعه جاء وحط راسه وناااام على طول... عاد انا مييته من الجوع قمت بسسررعه اركض على المطبخ

وفرحاانه اني باكل ....


آآآآآآآآآآآآآآآآآآآآآآآآآآآآآآآآآآآآآآه تحطييييم...

طلع الاخو ما خذ كل الاكل والعصيرات والكيكات ومنزلها تحت عند اهله يقول حراام كولوها لاتخرب....

وانا دموووع من الجوع ادور في الشقه الفاضيه وماسكه بطني احس اني بحلم او كابوس ..

واتخيل شكل حبة البطاطس اللي رفضت آكلها....


ونمت الساعه ثمان الصباح وانا بجوعي ...تهئ تهئ

اسفه اذا طولت عليكم ..


بجد مووووقف لاتحسدين عليه




هههههههههههههههههههههههههههههههه


الله يسعدكم مثل مااسعدتونا بمواقفكم .........





ت ح ي ا ت ي
قديم 15-10-2009, 08:50 AM
  #98
GREEN222
VIP
تاريخ التسجيل: Jun 2008
المشاركات: 11,121
GREEN222 غير متصل  
هههههههههه

والله ادخلتم البسمه والفرحه على وجوهنا جميعا


يا حرام طلع عنا نقص بالضحك وهذا الموضوع كحبة الفيتامين


انعش لنا الحياة


وقت اشوف اصحابي رح اسألهم واكتب لكم ان شاء الله
__________________
http://live.gph.gov.sa/
اللهم اني استودعك اولادي
قديم 15-10-2009, 10:57 AM
  #99
حبيبة محمود
عضو مميز ومثالي
 الصورة الرمزية حبيبة محمود
تاريخ التسجيل: Apr 2006
المشاركات: 517
حبيبة محمود غير متصل  
مواقف مضحكة جدا

انا عني وعن زوجي كنا مع بعض في الجامعة مدة 4 سنوات وسنتين خطبة وكان صايرلي سنة كاملة مو شايفته لانه كان مسافر قبل الزواج المهم ماخدين على بعض كتييييييير وموضوع الربكة والحياء كان موجود بس خفيف

المهم انا قبل العرس بليلة اجى عمي يزورني ويودعني لاني مسافرة على بلد اخر بعد الزواج(مغتربة)

وعمي من كثر حنيته وانا مو عارف كيف يودعني بقي عندي يومها للساعة 3:30 صباحا

ولا خاطر ببالوه انو ثاني يوم عرسي واني لازم اكون نايمة ومرتاحة وانو لازم اصحى من الصبح اروح الصالون

عن زوجي فصديقه ما قصر به ايضا فانا عمي سهران عندنا لتوديعي وزوجي مع صديقه يبي يودعه فاخذه عزمة على العشاء ثم حضروا فلم بالسينما وما كان يحل عنه لطلوع الفجر

(ما اعرف الناس ما تعرف ايش يعني انه الواحد بكره عرسه)

المهم انا وزوجي صحينا يوم العرس مسطولين طبعا مانام الواحد فينا ساععتين على بعض

انا من الصبح في الصالون تجهيز وتحضير وهو يرتب نواقص العرس وغداء المعرس والزفة والمسكين صابه اسهال وحرارة

نجي للعرس كان طويل وبنفس الفندق الي حنام فيه

يعني ماروحو الناس من العرس قبل الساعة 1:30 الفجر هذيك الليلة

يعني انا وزوجي خالصييييييييييييييييييين

هوه ما عرف ياكل من الاسهال والعجقة وانا بالصالون جابولي اكل جاهز وما عجبني قتمينا على جوعنا

وطبعا ما صدقنا نطلع الاوضة وهنا عاد النهفة

كنا حنموت من الجوع وهاد الشي الي كنت انا وياه قدرين نفكر فيه مع النوم طبعا(طبعا انا اكل مثله ويمكن اكثر ولا كاني عروس ومستحية شايفتو خروف محشي قدامي من الجوع)

طلبنا الاكل وخلاااااااااااااااااااااص كان حيغما علينا من التعب والنعس والي زاد الطين بلة اني كنت حائض

يعني كل واحد حط راسو ونام وهات يا شخيييييييييييييير

صحينا تاني يوم الظهر والكل يباركلنا وما يعرفو انو كنا نايمين وولا واحد حاس بالتاني


هادي ليلة دخلتنا :14::14::14:
__________________
[CENTER]لئن سئلتني يا رب يوم القيامة عن ذنبي لاسالنك عن رحمتك
ولئن سالتني يا رب عن تقصيري لاسالنك عن عفوك
ولئن قذفتني في النار لاخبرن اهل النار اني احبك
كفاني عزا ان تكون لي ربا
وكفاني فخرا ان اكون لك عبد

التعديل الأخير تم بواسطة حبيبة محمود ; 15-10-2009 الساعة 11:00 AM
قديم 15-10-2009, 11:39 AM
  #100
أم كريم
عضو نشيط جدا
تاريخ التسجيل: Jun 2004
المشاركات: 458
أم كريم غير متصل  
بالنسبة لي فليلة زواجي كان مقلب لزوجي مسكين ..

تزوجنا بعد خطوبة سنه .. وكنا متفاهمين ومتعودين على بعض .. قبل العرس قلت اسوي حركة عشان يشتاق لي فقررت اني ما اشوفه لمدة اسبوعين قبل العرس يازعم عشان الشوق يزيد .. المهم،، يوم العرس جا وكان الشوق واصل حده .. واذكر إن زوجي شاغبني فهددته اني بسوي فيه مقلب (كنت امزح معه) .. وبالصدفة بعد المكالمة اكتشفت ان الدورة الشهرية جتني .. فلما كلمتة بعدين قلت له ان الدورة الشهريه جاتني فضحكت ظن ان هذا مقلب (مسكين) .................. المهم جينا حفلة الزواج .. طبعا كان واصل حدة وكل شوي يقول لي (بعدين ههههاااا بعدين ..... ) - مسكين وانا منحرجة واقوله فيني الدورة وهو يقول عن المزاح ....

المهم ،، لما وصلنا الشقة .. كان فرحان حدة .. وانا كنت حدي منحرجة ومو قادر يقتنع اني حائض .. وما اصريت وعرف اني ما امزح صاده احباطططط شديد ونااااااااااااااااااااااااااااااااااااااااااااام حتى بدون بوسة او لمسة يد .. وقعدت بروحي افك تسريحتي وابدل فستان الفرح ................. فيني احباط .....

وثاني يوم .. كان في عزومه في بيت اهله على شرفنا .. وطبعا كنت منحرجة من اخوانه وووواللي بيجون الغدا .. فشلة .. بس لأننا نمنا بدون سهر احم احم .. فقعدنا من الصبح قبل الكل .. وطلعنا بالسيارة ودخلنا عليهم وهم توهم قاعدين من النوم .. (كان في بيات جماعي في بيت عمي - ابو زوجي- وانا شقتي معاهم) فالكل انصدم على بالهم بنقعد العصر - خبركم معاريس .. بس احنا كسرنا هالقاعدة ..


وبس .. للحين يقول .. انا الوحيد اللي ما عشت ليلة دخلتي وانا اضحك عليه ههههههههههههههههههه

الله يخليه لي ياااااااااااااااااااااااااااااااااااااااااااارب ................
ويخلي لكم اللي تحبونهم ويحبونكم ......................................


تحياتي ،،،،،،،،،،،،
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 08:48 AM.


images