تقديرا للاعضاء اللى اعطونى نصائحهم في موضوع والدي
رغم ان الموضوع ماكان يتحدث عنه لكن اختلطت المواضيع ..
حبيت اكتب الموضوع هنا بشكل مستقل ..
واخر ماحصل معنا انا و هو ..

قلت انه بعد ماضربني رجع يدق علي ومارد على مكالماته و بشكل مستمر يدق
وبكل وقت و اتصالاااات كثيره ..
بعدين ارسل لى واحد من اخواني يقولي تعالى ابوي يبغاك ضروري ورفضت اروح
مابغى اسمع كلام جديد و لا محاضره طووويله منه < من عرفته وهو بس يسب فينى
وكلامه مايخلص ..

المهم جانى بالبيت بنفسه لما يأس انى بروح له انا .. < تمنيت انه مايجى
سلم علي و حضنى انا لاا .. ويقول سامحينى بس مو على الضرب لا ، على اللى صار زمان
والا الضرب كان لازم من زماان اضربك واربيك .. < وانا كنت احسبه حاس بتانيب ضمير !
قلت اللى سويته فينى ابلى من الضرب .. ليييتك ضربتنى ولا سويت اللى سويت
سسكت و بعدين قال انا ماظلمتك بشيء ..
صرفت عليك و علمتك و كبرتك و طلعتك معلمه ..!
بس امك و امك و ......كله كلام بامي .. بعدين قال صدق يا فليكا الكلام اللى قلتيه
انك سويته بامك ؟ < انا لما ضربنى علمته ايش علمت مع امي اخر مره ..
قلت ايوا ماكذب عليك ولا بحرف .. سكت ثم ارخى راسه و بكى ...
وقال ادعي لها بالرحمه و المغفره ..
ثم قال يمكن < يمكن يعنى مو اكيد للان مايدرى هل هو اكيد او يمكن ..!!
انى غلطت و ظلمتك بشيء بس مو عن قصد .. و لان امك و .....موال امى من جديد
قلت امى تقول نفس كلامك ابوك و ابوك .... وانا ايش ذنبي بينكم !!
و بيتكلم قلت خلاص لا تكذب على نفسك
انت خسيس و هى اخس منك. وهذا سبب كل شي < عذرا على الكلام
عصصصب و قال انتى زيها ..!! فيك منها وانتى جاحده لمعروفها ومعروفي ..< اى معروف !!
و انا تعبت فيك و سويتى اللى اخوانك الذكور ماسووه ..
غلطى انى دلعتك و خليتك على هواك و تسوين اللى تبغين و لا لى شور عليك
ولا ادرى عنك بس اسمع من الناس ..
وانا تركتك عشان خفت عليك ياذونك < يقصد زوجته واخوانى
طبعا مو صح هالكلام حسب اعتقادي ..
و ماقطعتك و مانقصت عليك ريال < زيارته كانت مره بالشهر لمده ربع ساعه او اقل
عشان المصروف .. المصروف دا حكايته حكاااية وماابغى ادخل فيها بينه وبين امى ..
وسمحت لك بامور لو بناتى يموتون ماسمحت لهم فيها < هو عضو بهيئة الامر بالمعروف تخصص شريعه
قلت ممتاز عشان هم بناتك و انا مو بنتك وجاي الحين تسوى علي فيها ابو < ضربنى مره ثانيه
ثم جلس وقال اسكتى خلاص ..
تركته ورحت عنه غرفتى عشان مابغى اطلع كل شيء مابغى الخصام يكبر زياده
" مو كل الكلام ذكرته اللى دار بينا "