(مميز ) تمرجحي يـا طفلة الصبح ~ بـشويـش - منتدى عالم الأسرة والمجتمع
logo

الملاحظات

المطلقات والأرامل والمتأخرات يعتني بالمطلقات والأرامل والمتأخرات عن الزواج

 
قديم 18-05-2013, 01:02 PM
  #11
أم خالد.
عضو مميز
تاريخ التسجيل: Oct 2011
المشاركات: 3,950
أم خالد. غير متصل  
رد : تمرجحي يـا طفلة الصبح ~ بـشويـش


زمان بدايه طلاقي كان نفسي أتزوج و سعيت لنفسي كثير بهذا الأمر

لكن ربنا ما يسر لي و أحمد الله على كل حال


كنت اشوف اخواتي و هم داخلين و خارجين بعيالهم و أتمنى أكون مثلهم

خاصه اني جربت هالشعور وفقدته


على أني كان وقتي مزدحم جدا مسجلة بمعهد علوم شرعيه

و حلقة تحفيظ مسائية و برنامجي كان مكثف في حضور الندوات و


المحاضرات ... يعني على قولتهم ما كنت فاضيه أحك شعر راسي


و مع ذلك كان فيه رغبة داخليه كبيرة اني أتزوج و ياما أختلفت مع اخوي


خاصة اذا رفض الخطاب اللي يتقدمون لي أيامها


كنت ابغى أتزوج وخلاص .. ابغى اطلع من سيرة عمي و عياله

و أقاربي و مشاكلي و نفسيتي بعد تشتيت عيالي


كان عندي اكثر من سبب للزواج و أغلبها نفسية طبعا



حتى بدايات تسجيلي بالمنتدى .. كل شوي ناقزة بموضوع جديد سيرة عريس ... مطيورة




المقصد ان التفكير بهالشي كان شاغل وقتي حتى وانا في قمة انشغالاتي

ومع الايام .. شوي شوي سبحان مغير الأحوال تغيرت احتياجاتي او تفكيري بالأصح


ما تقولين هاذي اللي كانت مجنونة تبغى تتزوج

بجد تغيرت .. احس اني نضجت اكثر و كيفت حياتي بدون الشي ذا

أقلمت نفسي على وضعي هذا بقوة ..


سبحان الله .. السنة هاذي انا جالسه في البيت و لا أداوم بأي مكان

ولا تحفيظ .. ولا محاضرات مثل اول ولا خرجات

فاضية بالمرة الا من مسئولية والديني عساني ما افقدهم يارب

و أقولكم اني ماعاد ابي طاري الزواج , وهالقرار نابع من قناع داخليه و الحمدلله ..

صرت مرتاحة اكثر و بالي رآيق جدا ... و أحن على اخواتي و هم رايحين لبيوتهم

وانا انتظر بس جية عيالي و متى يجي بكرة عشان أبدع بالطبخات

مرة طبخة جديدة اتعلمها .. ومرة حلى أذوقهم .. ومرات افتح اليوتيوب اتعلم ميك آب

و مرة يطقني الحماس و أغير ترتيبات المطبخ و الدواليب

و أنتقل لغرف الملابس ... المهم اني ما احب اقعد فاضيه


لازم احوس بالبيت واشغل نفسي .. امي الله يحفظها احيانا تحن علي وتقولي خلاص


اشغلتي نفسك بتفاهات .. واخواتي يعلقون علي انتي فااضيه و الفاضي يعمل نفسه قاضي



أقولهم عاد هاذي طاقات ولاززم افرغها .. و النفس ان ما شغلتها بالمباحات شغلتك بالمعاصي


تناظرني امي بعين وتقول مباحات هااه


ان شالله انها طاعات و تدخل من ضمن حديث ( خدمة الأهل )
__________________

الوعي هو الملاذ ..


أستغفر الله العظيم ؛
( الفردوس غايتي )
رد مع اقتباس
 

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 11:16 PM.


images