زواجي بعد أسبوعين أبي الفزعه يالمتزوجات - منتدى عالم الأسرة والمجتمع

05-07-2006, 10:20 PM

بشوووره

عضو جديد

تاريخ التسجيل: Feb 2006

المشاركات: 10

زواجي بعد أسبوعين أبي الفزعه يالمتزوجات

السلام عليكم
كيف حالكم وحال أزواجكم وعيالكم
زواجي بعد أسبوعين :14: وفي أشياء للحين محتارة فيها
1-في ليلة الزواج هل ألبس قميص النوم معاه سوتيان ولا بدون
2- بعد الدخول إلى الغرفه هل أزيل كامل زينتي ولا ايش اسوي
3-لو حصل وصارت الدخله أنام أول
او أغتسل بعدها أنام
4- في يوم الصباحيه لوجلست أيش اسوي وايش البس ولما بجلس زوجي من النوم ماهي أحلى طريقة (رومانسية)أسويها
5- آسفه طولت عليكم عيد ميلاد زوجي بعد أسبوع من الزواج

محتارة في الهدية وفي الحفلة اللي بسويها له
وكيف أجهز للحفله وهو معاي في الشقه(كيف اصرفه)

وشاكره لكم
وآسفه على الأطالة
(من أولها دعلة

)

06-07-2006, 12:24 AM

سعوديه وفيه

عضو جديد

تاريخ التسجيل: Feb 2006

المشاركات: 6

1-في ليلة الزواج هل ألبس قميص النوم معاه سوتيان ولا بدون
الافضل إنك تلبسي مو يقول البنت من أول ليله وهي..........
2- بعد الدخول إلى الغرفه هل أزيل كامل زينتي ولا ايش اسوي
على حسب حالتكم في ذاك الوقت
3-لو حصل وصارت الدخله أنام أول
او أغتسل بعدها أنام
طبعآ الاحسن إنك تغتسلين ثم تنامي
4- في يوم الصباحيه لوجلست أيش اسوي وايش البس ولما بجلس زوجي من النوم ماهي أحلى طريقة (رومانسية)أسويها
طبعآراح تكوني مستحيه أو تظاهري بالحياء وإسأليه إذا يبغى شي يشربه أو ياكله سوي حالك سنعه من أول يوم أحلى طريقه رومانسيه ماأشوف وقت هالامور ممدي عليها بس أهم شي تصنعي الحياء والدلال

- آسفه طولت عليكم عيد ميلاد زوجي بعد أسبوع من الزواج
محتارة في الهدية وفي الحفلة اللي بسويها له
وكيف أجهز للحفله وهو معاي في الشقه(كيف اصرفه)
ماعليش أختي بس المعروف إن أعياد الميلاد محرمه شرعآ فماله داعي تبدي زوجك بحرام
-------------------------------------------------------
والله يوفقك ويسعدك

06-07-2006, 12:40 AM

أنا كذا

عضو متألق

تاريخ التسجيل: Sep 2005

المشاركات: 610

أعياد الميلاد محرمه شرعآ

وهذا فيه تشبيه بالنصارى واليهود

انصحكم بالابتعاد عن هذه الخرافات

وودي اعرف على ايش الناس يسوون حفلة عيد ميلاد !!

يعني هل انه كبر بعمره وألا ايش

وللمعلومية
الانسان كلما تقدم في العمر
هو ينقص عمره مو يزود

والله يهديكم

06-07-2006, 01:26 AM

mnmn&nfnf

عضو نشيط جدا

تاريخ التسجيل: Dec 2005

المشاركات: 300

انا راح اجاوب على اسألتك من خلال تجربتي

في ليلة الزواج هل ألبس قميص النوم معاه سوتيان ولا بدون؟
انا اشتريت قميص معه الملابس الداخلية طقم كامل يعني

بعد الدخول إلى الغرفه هل أزيل كامل زينتي ولا ايش اسوي ؟
لا الاحسن بكامل زينتك

لو حصل وصارت الدخله أنام أول او أغتسل بعدها أنام ؟
لا اغتسلي ونامي

في يوم الصباحيه لوجلست أيش اسوي وايش البس ولما بجلس زوجي من النوم ماهي أحلى طريقة (رومانسية)أسويها؟
البسي لبس النهار .. انا احب دائما لبسي يكون بسيط بالعموم عشان كذا في الصباحية لبست بدله ناعمة بدون تكلف

وعموما انا قبل زواجي سالت مثل اسالتك واكثر وصدقيني وراح تجربين خاصة اول ليلة تجهزين نفسك على ترتيب معين لكن تتفاجئين بتغير الترتيب

لذلك نصيحة اتركي الامور تجي على طبيعتها

اتمنى اني افدتك

والف مبرووك مقدما وحياة سعيدة بإذن الواحد الاحد :14:

__________________

06-07-2006, 03:18 AM

مشغووولة

عضو نشيط

تاريخ التسجيل: May 2006

المشاركات: 172

أنا مثل حالتك تقريبا بس أنا عاد باقي لي أسابيييييييييييييييع و شهوووووووور :14:

المهم فكرت في هالأفكار و أنا أعتقد التالي (بس عاد كلام نظري يعني المتزوجات يفيدونك أكثر ان شاء الله):

في ليلة الزواج هل ألبس قميص النوم معاه سوتيان ولا بدون؟

يعتمد على قميص النوم يعني يستدعي ما يستدعي...يستحمل ما يستحمل...شكلها معاه حلو ولا لا

بعد الدخول إلى الغرفه هل أزيل كامل زينتي ولا ايش اسوي ؟
في رأيي يعتمد على زوجك أيش يحب
يعني إذا يحب مكياج كثير و كذا اتركيه
إذا يحب خفيف شيليه و حطي بس شي ناعم
إذا ما يحب شيليه..بس عاد ضبطي الكحل (لأن صعب تشيلينه بس على الأقل يكون مضبوط)
إذا ما تدرين اسأليه قولي له تبيني أترك الميك اب ولا أشيله؟ غالبا بيقول لك براحتك..قولي له بددلع انت وش تبي و هو يقول لك

لو حصل وصارت الدخله أنام أول او أغتسل بعدها أنام ؟

إذا متعودة عليه اغتسلوا مع بعض
إذا لا إذا كان قبل صلاة الفجر اغتسلي علشان الصلاة
إذا بعد صلاة الفجر نامي و اذا صحيتي اغتسلي قبل صلاة الظهر

في يوم الصباحيه لوجلست أيش اسوي وايش البس ولما بجلس زوجي من النوم ماهي أحلى طريقة (رومانسية)أسويها؟
مدري عاد بس أنا أتخيله هو بيصحى قبلي و بيصحيني علشان نجهز و نروح مبارك الصباحة

06-07-2006, 04:08 PM

بشوووره

عضو جديد

تاريخ التسجيل: Feb 2006

المشاركات: 10

سعوديه وفيه
أنا كذا
mnmn&nfnf
مشغووولة
اشكر لكم ردودكم
وانشاء الله افيدكم مثل ما فدتوني

07-07-2006, 12:46 AM

Dihn Al 3ooD

عضو المنتدى الفخري

تاريخ التسجيل: Mar 2004

المشاركات: 4,998

1-في ليلة الزواج هل ألبس قميص النوم معاه سوتيان ولا بدون

طبعا حبيبتي لازم لبس الملابس الداخلية . . تكون ألوانها نفس لون قميص النوم . . أو ممكن لون بيج مثل لون الجلد . .

و طبعا قميص النوم يكون مستّر قميص مع روب طويل و اللون يفضّل أوف وايت أو أبيض أو ذهبي . .

2- بعد الدخول إلى الغرفه هل أزيل كامل زينتي ولا ايش اسوي

يفضّل انك تمسحي كل المكياج و تتحممي و تنعنشي . . بعدها نشفي شعرك و سشوريه بشكل بسيط و اتركيه مفرود و بسيط . . و حطي القليل من المكياج بودرة و Gloss و كحل خفيف و ماسكارا . . شكلك بهالبساطة أجمل كثير مع قميص النوم . .

3-لو حصل وصارت الدخله أنام أول
او أغتسل بعدها أنام

يفضّل ان تغتسلي و تنامي . .

4- في يوم الصباحيه لوجلست أيش اسوي وايش البس ولما بجلس زوجي من النوم ماهي أحلى طريقة (رومانسية)أسويها

برأيي ان تاخذين شاور و تغيرين قميص النوم . . يكون لونه فرح شوي وردي أو تركواز أو اخضر فاتح . . وحطي مكياج خفيف . . و بس برأيي اتركي المفاجآت لزوجك في الصباحية و خليكي متّسمة بالخجل . . و ان شاء الله بعد فترة تفنني بالمفاجآت لكن يفضّل ليس الآن . .

و ادعوا الله ان يسعدك و يرزقك بالذرية الصالحة . .

__________________

. . اللهم كما سررته بنا في الحياة . . فسره بنا بعد الممات بصالح الدعاء . .

اللهم آمين . .

. . لن ننساك يا أمير قلوبنا . .

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه